إستفسارعن الفحص الدوري

السلام عليكم ورحمة الله وبركاته ..

كيف حالكم يالغوالي ؟؟

أخوكم في الله بكرا بإذن الله رايح يسوي الفحص الدوري ويجدد الإستمارة وهذه اول مرة اسويها بحياتي

المشاكل اللي عندي بالسيارة ::

1 - المساعدات الخلفية في واحد منها منتهي تقريباَ يطلع صوت من اليمين .
2 - المساحات قربة الموية مكسورة يعني المساحات شغالة ولكن مافي موية .
3 - الصدام الامامي في كسر من اليمين .
4 - القزاز فيه شعر ممتد تقريباَ 40 سم .

هل فيه شيء من هذه المشاكل يرسب في الفحص الدوري ؟؟

شكراَ لكم جميعاَ .. تحياتي لكم

إبلاغ

الردود

افضل شي رح لهم وخلهم يفحصون لك وشف وش يصير معهم لانه بعض الاحيان تمشي اشياء ماتتوقع تمشي انت وحضك واذا رسبت بشي يفحصون بس اللي رسبوك فيه

saif2257 121
قبل 7 سنه و 10 شهر

المساعدات يرجعوك عليها
المسااحات عادي بدون موية
الصدام لو طايح يردوك حاول تربطه بسلك ويمشي حاله القزاز يرجعوك الا اذا عملت له تحديد بالليزر طبعا انا بتكلم عن فحص مكة مشددين مرة

العمدة 1434 1189
قبل 7 سنه و 10 شهر

المساعد اذا كان مايهرب ماعليك منه حتى لو منفقع مايدرون عنه وحتى لو يهرب تقدر تمر ورشة قبل دخلها من اللي عندهم ويمسحه لك ويكب عليه شوي تراب في وجه العدو وتمشي سلام سلام

والقربة مالهم دخل فيها حتى لو ما ترش مويه اهم شي المساحات تشتغل وجديدة وتمسح صح

الصدام فيه كسر عادي يمشي اهم شي الشمعات والاصطبات مافيها كسور يمشي

شعر القزاز هذا مايمشي لازم تزبطه

a.ibrahem 3168
قبل 7 سنه و 10 شهر

غسلها من تحت بستم و ادخل. لانه المساعد انط منتهي و اكيد طلع زيت ف اذا غسلت و دخلت مايشوفوا زيت ولا شي

fowad 123
قبل 7 سنه و 10 شهر

بتسقط على القزاز
المساعدات الخلفية كانت تعبانه عندي ومشت بس ما تهرب
السمكه كان فيها شق وطالع منها جزء ومشت
المساحات نسيت اعبي مويتها وما شغلوها خير شر
الفحص بالرياض

ليزو 481
قبل 7 سنه و 10 شهر

للأسف رحت غيرت مساعدات وطلعت المساعدات القديمة اللي مالي إلا مدة بسيطة مغيرها جداَ نظيفة وكالجديدة ولكن المشكلة طلعت من الذراع الخلفي يمين

ابو ياسر ammar 322
قبل 7 سنه و 10 شهر