استفسار بعد استلام السياره من الوكاله

عادي تخليها واقفه اسبوعين  عاد عندنا في ناس يوقفون السياره و يجي يشغلها تشتغل سبحان الله 

لا مايحتاج تفصل البطاريه 
اذا المده اسبوعين بس

ذكرتني بالمدرسين المصارية يوم كانوا يدرسون عندنا . . . .

كانوا وقت الإجازة الصيفية يغطون سياراتهم ويالله على مصر الشقيقة شهرين - 3 شهور. . .

ويرجعون ويشغلون سيارتهم وزي الحلاوة . . . .

تخزنت شهور بالوكالة ماقالت شي تبيها تخرب باسبوعين وهي اصفار !!!!!

السلام عليكم,

عادي دامك اصلا منت مطول ان شاء الله عادي ان شاء الله بتشتغل مثل الساعة.  وان شاء الله جديدة ما شاء الله تشوف خيرها 

ويكفيك شرها.  تكدها بالعافية ان شاء الله. تروح و تجي بالسلامة ان شاء الله و مبارك عليك الشهر.

أول شي أمسك ناصيه المبروك وقل الدعاء اللهم اني أسألك خيرها وخير ما اتت به وأعوذ بك من شرها وشر ماأتت به ونحوه
التمرين مهم للسياره واللي يقولك غير كذا غلطان
المحرك له عمر إفتراضي يقصر بالإهمال ويطول بالاهتمام
النصائح كثيره ولكن الأمور الوسط هي الأنسب والشباب ماقصروا
المكيف أرى انه أول 500 كيلو كبه بعدها قله عطني خير طبعا مش ضروري بس شغل سيارتي الجديده
السياره التسارع على مهل تصاعديا والعكس كذلك
البريك بالمشي المعقول ما راح تحتاج قوه كبح عاليه
لا تستخدم المقود في الالتفاف القوي يعني لو حصل ب تديور خذه ع مرتين
القير إذا تماتيك لاتستخدم التبترونك إذا موجود إلا بعد فتره
هواء الكفرات شيك عليه وزيت المحرك شفت لا يكون ناقص او زائد
دور للمبرو ك نك نيم تنخاه فيه إذا جيب أما سيدان عادي مايحتاج
حاول ماتطلع به وقت الظهيرة يعني لا تطلع به في عافور القيض
هذا وسلامتك ومبروك شهر الخير والموتر الطيب وجعله هناه

الله يجزاكم خير جميعا 

ماقصرتوا والله يبيض وجيهكم 

يعطيكم العافيه .. 

حلوه لا تطلع فيه الظهر!!!! أجل ليه شرينا مواتر؟

اللي يبي يوقف سيارته وقفه طويله فوق الشهر 
يفصل البطاريه + يعبي الكفرات 40 + يوقف السياره فالظل
لكن انت اسبوعين تعتبر بسيطه شوي