لوحة سيارتي انكسرت قسمين بسبب حادث . اقدر امشي بدون لوحات ؟

زمان ممكن

حاليا لاتحاول الا بورقه من المرور

ولا راح ينشبونلك

يمديك رح للمرور ويعطونك

بدون لوحة ابلش بالمخالفات

واالله الموضوع حظوظ ولكن التفاتيش كثيرة وانا اخوك خلك نظامي افضل 

السلام عليكم,

بس غريبة اللوحة معدنية كيف تنكسر؟؟؟!!! أنا العام الماضي قدر الله و صار لي حادث في الواجهة و بسيط بس سالفة كلبسات

وصدام جديد.  طبعا اللوحة انخفست بس الورشة ظبتطها بشاكوش و مشي الحال.  انت شوف يمكن تتعدل أو حاول انك تلصقهم

الطرفين و تشتري من محلات الزينة البرواز البلاستيكي يجي لو أسود الواحدة ب 15 ريال دخل بعد ما تلصق داخل البرواز 

و ثبت بالبراغي و توكل على الله.

بس اياك تمشي في سيارة من غير لوحات صدقني بتصير صديق الدوريات كل شوي يلبقونك.

الحمدلله علي السلامة و معوض خير ان شاء الله

اول شي روح المرور وسوي بلاغ علي لوحة بدل تالف عندهم راح يعطونك لوحة بعد 10 ايام ممكن
وتقدر تروح وتجي بشرط تكون ورقة البلاغ معك في السيارة

اسمع كلامي 
سيارتي كانت بتحجز بسبب عدم حمل اللوحات الامامية 
وقفني المرور بنفس اليوم الي كسرت فيها قاعدة اللوحة
وكان معي اكثر من واحد لنفس السبب،، واحد منهم معه ورقة مراجعة المرور ولا فادت سطحو سيارته للحجز  
انا طلعت بواسطتي، ولا المفروض موتري في الحجز معهم 
الي وقفني مرور الدائري ،  معلومة (الحجز مدته 10 ايام) اصدار لوحة بدل فاقد او تجديد لوحات ماتاخذ منك 3 ايام 

إذا تحتاج تستخدم السيارة ممكن تصور اللوحة الخلفية وتعمل لها تغليف حراري وتثبتها على السيارة بشكل مؤقت حتى ما يكون شكل السيارة ملفت للإنتباه وتوقفك الدوريات

اعذرني من الصيام مااجمع احسبك تقول سبارتي انقسمت نصين اقدر امشي فيها هههههههه
قلت هذا وش يقول صاحي ولاوش جوه 
اعذرني مااجمع مره كلش