محتار بين مازدا 6 و اوبتيما الشكل الجديد طيس

لو منك ما استشرت احد في هالمنتدى 90% متعصبين

استأجر وجرب الموترين بنفسك بتشوف امور كثيرة وتحكم عليها انت وتشوف اللي يعجبك

اسعار القطع مر كل وكالة وسعر اغلب القطع المهمه وتكون على بينة

الشكل مصيبة إذا انت جاد بالسؤال هذا ! الشكل مسألة ذوق يعني حتى الذوق تستشير فيه!

التحمل كل السيارات ممتازة وتكد حافظ تعيش معك

صادق لكن اقصد الي مرغوبه كثثيير بين الشباب والله يسعدك ويجزاك خير 

مازدا 

ولا تنسى الاستخارة

منتدى حراج اغلبهم حلنقيه عربجيه ياتشتري مثل موتري والا انت عدوي

الاوبتما الطيس مكينه 2000 المازدا جنوط مكينة 2500 صرفية البنزين المازدا افضل

المازدا متسيدة الفئة تقريبًا
وخصوصًا مواصفات الأمان
..
وقطع الغيار تعتبر الأرخص بين أخواتها اليابانيات ( التيما كامري اكورد )

أمان ومكينة كبيرة ومواصفات
>
أكيد مازدا
الا لو الابتما فل جي تي ( سعرها 110 الف )
هنا كلام ثاني

الشبابيه للابتما صراحه أغلبهم ياخذونها لانها حقت هجوله 
اما المازدا مع فئات مختلفه عكس الابتما تكثر مع الشباب خاصه
عاد انت وذوقك اللي يحكم

الاوبتيما موتر شلاق موتر هجوله فك الطيس وعطه تضليل كتم

واكتب على قزازه ((( حبتين والنوم بعدين ))) وامسك الدايري 

الشرقي على البيبان صبح الجمعه برمضان يعني بكره تراه فاضي

المجمهرين واجد بس خلك طاره ون زبطك في الباقي لاتخاف .

اذا كنت بتاخذ الاوبتيما
شف فئة الاستاندر مكينة 2400
اللي تسمى نص فل ب64 الف بالمعارض
الفرامل ABS لكن الايرباق واحد للسواق فقط
و 2017 بتنزل بايرباقين مثل السوناتا الاستاندر
و فيها مثبت سرعة و عليها جنوط المونيوم 
و تعرفها من الشكمانين 
اللي طيس مكينة 2000 شكمان واحد
اما المازدا غنية عن التعريف و كثيرة المواضيع عنها بالمنتدى

انامعاي اوبتيما ومستخدم للمازدا 
خذ المازدا بدون ماتشاور 
نصيحة اخ محب مستخدم السيارتين 
المازدا فيها راساوه عاليه وفراملها جباره

خذ مثل سيارتي والا بعطيك ديسلايك هههه... محد كتب اسعارها علشان
نعرف

انا مستخدم مازدا 6 2016 حلو من ابي اقولك مواصفاتها وانت احكم 
لاني مااقدر احكم على  الكيا وانا ماجربتها 
اول شي ماكينه 2500 وجير عايدي وتماتيك وتصفيط مراياو
مثبت سرعه وجنوط كروم وزر سبورت 
وزر مانع انزلاق وحساسات كفرات وقزاز كامل تماتيك بضغطه 
ترفع وضغطه تنزله ودرج للنظاره خلصنا من مواصفاتها 
الامان ارباقين بالسقف يمين ويسار ستاير وارباقين بالمراتب الاماميه 
وارباقين بالطبلون 
بالنسبه الى قطعها الاقمشه 280 الاماميه 
بختصار اغلا قطع فيها الصدام والشماعات 600 والصدام 800
والرفرف الامامي 250 
هذي مواصفات الاستاندر سعرها عليها عرض 64999الف 
وعاد انت قارن المواصفات واستخير وحدد الاوبتيما ماادري عنها ولا 
قد ركبتها مااقدر احكم 

الله يعطيكم العافيه جميع ويكتب اجركم

الاوبتيما من طاحو فيها السرابيت وانا كارهها ولا منول اقدرها تقدير خصوصا اني قد استخدمتها
بس يعيبها الامان صفر ايرباق واحد بالستاندر سلامات ؟؟ يعني انجي انا والي معي بقريح مدري وش يحسون
فيه هالوكلاء الحراميه

تتفوق المازدا طبعا يكفي الايرباقات فيها 6 والاوبتيما 2 بس والمازدا عليها جنوط 17 والاوبتيما طيس
توكل وخذ المازدا وبالتوفيق

كلها كويسة ، لكن تتفوق المازدا من ناحية عامة