شوفوا اسعار نقل وشحن السيارات الخليجية الفاخرة عبر الطائرات

ويجيك واحد يقولك الخليجيين شبعانين
مادرا ان هالاموال تخص شريحتين الحاكمه والفاسده فقط لاغير

اما التاجر حتى لو بلغ مال قارون مايصرف ريال واحد لان لو له وادي من محل يبي سوق واذا سوق مجمع واذا مجمع شركه وادعس

الله المستعان ...

بعترف لكم بشغله عن نفسي
الحمد لله انا ادرس بكلوريوس هندسه حاسب
دخلت هالكليه من بعد الدبلوم يعني ادرس بس 3 سنوات
و يارب لك الحمد ادرس صيفي الحين و السمستر الاول بيصير
اخر سمستر لي و اتخرج
طبعا الكليه خاصه يعني ع حسابي ادرس
و دخلت المنحه سمستر واحد و طلعوني لانهم كشفوني اني في
التامينات ولما طلعت منها رفضو يرجعوني بحجة ان المنحه الدراسه :)
لشخص ع قولتهم سوح يعني سياحي يعني ستاندر لاهو موظف
ولا حبة الله
التامينات تنزل لي سعوده 1500 ريال و ادفع 750 ريال ايجار شقه
ومصروف 750 ريال و
طبعا هالكليه تعتبر اغلى كليه في السعوديه لان قيمه الساعه 750 ريال
يعني لو مثلا درسه 18 ساعه بالسمستر الواحد اصير ادفع 13500 ريال
( سمستر يعني صيفي :) )

هالكليه كنت مجبر عليها
اولا لان محد قبلني في الجامعات اللي ببلاش
ثانيا لان فيها ميزتين
تطلع شهادتين في شهاده وحده ( حاسب و انجليزي )

تعرفون ال3 سنوات هذي وش سوت فيني ؟؟
اكلتني ديون ما يعلمها الا الله
طالب مديون للناس ب 75 الف ريال !!!!!
وباقي 13500 في الطريق بدفعها لهم :)

كل سمستر اروح اتسلف سلفيات و اذلال ع كيف كيفكم
ومع ذلك وعدتهم اني ارجعها لما ( اتوظف) عاد انتظر يامن يعيش او يموت او متى تجي هالوظيفه
وبما انهم يعرفوني زين ما بيفكوني لو سحبت عليهم
و الوالد الله يحفظه مرات يعطي و مرات يعتذر مني لان السيوله بعض الاحيان ما تسمح

لكن الغبنه ي عالم معقوله الفلوس الزايده خلة شريحه من مجتمعنا تنقل سياراتها بالطياره ؟؟
شكلهم ماعرفو كيف يصرفونها!!
لكن " الله يمهل ولا يهمل "

يارب لا تحوجنا الا لك
ولا تغضب علينا
ولا تجعلنا في هموم و ترضا علينا و تفرج همومنا في هاليوم المبارك
و تنزل علينا النعمه اللي ما تفارقنا
و تجعل هالبلد امن مطمئن و ترزق اهله من الخير الكثير

مسكين راعي جيب مرسيدس عطوه مخالفات منين بيسدد؟
الواحد مو قادر ياكل زين وهو يشوف هالحروب على المسلمين من كل
جهه...يصرف ربعنا على السفر اكثر من ٧٠ مليار    !