ابي ارجع سيارتي للبنك

طيب اعرضها للبيع كاش والي يبي يشتريها يدفع للبنك كاش واضن يسون لك خصم اذا دفعت كاش

حبيبي الله يفرجها علينا وعليك ولاتتخذ قرار وحنا بوقت ضغط من عيد ورمضان
المهم بالصدفة أمس قريت معلومة ما أدري عن صحتها ولكن هي انك ترفع شكوى لوزارة النقل ان المؤجر رافض يرجع السيارة حسب شروط التاجير وبأنه غير موضح بالعقد قدرتي على الارجاع حيث ان السيارة مستاجرة
واللي قريته بانهم يتفاعلون معاك
شف حساب واحد بتويتر اسمه مستقل
او ادخل على الجميح بتويتر ودور تلقى اشخاص حاطين المعلومة وطريقتها
هذا والله اعلم

ابو ثامر الكلام هذا غير صحيح
الشخص موقع عقد مع الشركة اذا يبي يرجع يلترم بشروط الترجيع
والشركة من يوم توقع معاها تاكد انها راح تاخذ حقها كامل
سواء كلمت اقساط او تبي ترجع او تتنازل
كله محسوب وانت موقع عليه
فوش وحجتك يوم تروح تشتكي وانت موقع عقد وراضي فيه!!!!

سالم المخيديش
الله يكون فعونك
ودايما اقول للي يبي تاجير
خذ سياره مرغوبه وقسطها خفيف عشان لو انزتقت القى احد يتقبلها منك
وماعليك من المظاهر والكشخه فالسيارات

الله يكون في عونك............. ودائمـــــا ومنذ سنين نقوول للجميع مد رجلك على لحافك ....... واتركوا المظاهر والمباهاة .. الحياة صعبة وظروفها ومتطلباتها اصعب والايام الجايات راح تكون اصعب على الجميع.. ....... والسيارة فالاخير 4 كفرات تودي وتجيب... صني او مرسيدس كلها تؤدي الغرض من صناعتها.. والله المستعان

بإذن الله الحل سهل 

والنظام في صفك 


اي شخص لديه مشكلة في موضوع التأجير المنتهي بالتمليك
ويرغب بالتخلص من السيارة وإعادتها . 


فقط يقوم يتقديم شكوى لوزارة النقل على الرقم 938
 او تقديم خطاب رسمي للوزارة . 
ويكون مضمون الشكوى لدي سيارة مستأجرة
وارغب في إعادتها وعقد التأجير لم يتضمن
جواز إعادة السيارة قبل نهاية مدة العقد
دون تحميل المستأجر تكلفة المدة المتبقية. 

والله الموفق ،،، 

نموذج يمكن الاستفادة منه 
============================ 

......................... حفظه الله 
السلام عليكم ورحمة الله وبركاته 
حيث انني استأجرت سيارة من ..................
بموجب العقد المؤرخ .......... (المرفق) وفقا لنظام الايجار التمويلي
بمبلغ شهري ........ ولمدة ...... شهراً اعتباراً من ...............
وعند رغبتي في إعادة السيارة قبل نهاية العقد تم رفض طلبي ،
وطلب مني دفع مبالغ إضافية ،لإعادة السيارة ،
وبعد اطلاعي على اللائحة المنظمة لممارسة نشاط تأجير السيارات
الصادرة من وزارة النقل تبين لي ان العقد مخالف للنظام جملة وتفصيلا. 
ارغب تكرمكم بتطبيق النظام على المؤجر ومساعدتي على إعادة السيارة
 واستعادة المبالغ التي تم دفعها دون وجه حق لمخالفة المؤجر النظام. 

مقدمه 
..................... 
هوية ( وطنية / مقيم) رقم 
.................... 
جوال 
00000000000 
=============•=•••••==========
حسب ماوصلني من احد الزملاء والعلم عند الله

الله يسر لك أمرك ويرزقك زبونها عن قريب

الله يعطيكم العافيه
مشكورين كلكم ماقصرتوا على الردود

وان شاء الله تزين الامور