استفسار عن مسالة العربون سيارة النترا 2016

اذا انت متفق انك شراي ومرسل لهم العربون وفعلا استخرج اللوحات فمالك حق اما تكمل اللمبلغ او يروح عليك العربون انت تاكد من المرور عن اللوحات 

لا تتحسف على 3 الف ريال
يمكن السيارة الي لقيتها ارخص فيها مشاكل والله ييسرلك الطريق وابعدك عنها

دايما فحياتك تعامل مع نصيبك وقدرك على الايجابية وانا في صالحك
ماتدري يمكن خيرة لك

اعرف واحد درس انتساب وشغال معنا وبعد اخذ البكلوريس قدم على وظيفه راتبها اعلى ب 1200 تقريبا
وراحت الوظيفه عليه بواسطه وزعل وقلب الدنيا
بعدها بشهور نزلت وظيفه جديده فادارة المستشفى بفرق راتب 2750 واقدم عليها وانقبل وكانت افضل مميزات من الوظيفه الي راحت عليه بالواسطه

فالخيره دايما فيما اختاره الله لك

هذي غلطتك انت كان المفروض تتأكد من سعر السيارة من اكثر من معرض قبل تشتري


لكن مثل ماقال شويخ تعامل مع نصيبك وقدرك بالإيجابية وهذا الصح


يعني بالعربي لا تحسف نفسك ، وش يدريك ان اللي لقيتها نفس كل شي يمكنها وارد الاردن ولا شي وحتى لو كانت نفسها


نظامياً مايحق لك تسترجع العربون لأنك اتفقت معه وسلمته العربون برضاك على السعر اللي هو قاله ، وممكن عطلت السيارة كان غيرك بيشتريها فهمت الفكرة ؟


لذلك كمل والله يبارك لك

موب من حقك تطالب بارجاع المبلغ لهذا السبب لان الموضوع اتفاق من الاول هذي غلطتك انك مادورت زين 

يعطيكم العافية جميعا بس أنا أشوف انه ما في تشريع واضح للعربون عندنا في السعوديه يعني بالضبط مافي تنظيم واضح للمشكله هاذي
غير الامارات الي عنده نظام واضح في هالمسالة .. بس مثل ما تفضلتو راح أخلص اجراءت السيارة لانه القانون في هالمسالة مو واضح
وأخاف كل شيء ينقلب ضدي وأنا انسان ع قد حالي بس ما أقول الا حسبي الله ع الظالمين

طيب سؤال السيارتين كلها وارد السعودية متأكد وكلها مثلاً وارد واحد


يعني الوعلان وذي الوعلان وكلها نفس الموديل والمواصفات ؟؟؟

اذا دفعت العربون خلاص انت راضي بالسياره ولايحق لك الا اذا اخلف الاتفاق اما بالتاخير او غيره مدامه عند الاتفاق كذا مالك حق  ومبروووكه 

السيارة وارد الوعلان قيمة السيارة الاولى كانت 55 والثانيه قيمته 52 ونفس المواصفات ونفس الموديل ...

طيب لو انت صاحب المعرض وجاك واحد حجز سياره عندك ودفع عربون وبعدها بفتره قال خلاص ماعاد باشتري لاي سبب هل ترضى على نفسك وبتصير الدنيا لعبه العربون يعني انك شريت وحجزت السلعه 

طول عمرنا نعرف ان العربون ما يرجع

انا قد دفعت وهونت ورجعولي العربون...طبعا هذ نادر يصير.. ومن سنين
لليوم اذا تذكرتهم ادعيلهم بالخير

بالنسبه لكلام الاخ رحال طبعا لو أنا صاحب معرض راح أرجع المبلغ لصاحبه بالاول أعرف ظرروفه
وحاجه ثانيه بأي حق صاحب المعرض يأخذ مبلغ العربون كامل من اي ناحيه شرعيه ياخذ المبلغ دام انه بضاعته موجوده وكم هي
في الامارات الدولة أقرت نظام انه اذا دفعت عربون وما بغيت السياره وطلبت مبلغ العربون صاحب المعرض يرجع العربون لك
بينما عندنا هنا الدعوه ضايعه من كل النواحي خصوصا اذا كان الموضوع فيه مواطن وتاجر