السيارات الصينيه هل يمكن الاعتماد عليها

لكل شي له بدايه ونهايه

اذا مؤمن بعلامه تجاريه غير قابله للتغير فلن تتقبل أي شي سواها

نعم السيارات الصينيه يمكن الاعتماد عليها اذا استخدمناها حسب ما صنعت له

وانا احد ملاك جيلي

اذا اللحين ما اعتمدنا على سيارات المانيه فلسواجن وبريطانيه وفرنسيه وايطاليه بنعتمد على صيني باخر خمس سنين انتشرت عندنا
يبيلها تتعلم فينا 20 سنه لين نحاول نعتمد عليها زي ماصار مع السيارات الكوريه
الجيب الغبي الصيني سونق يونق لنا 20 سنه نشوفه ولا احد اعتمد عليه

لايغرك اسعارها انها رخيصه 
ترا قطعها غاليه 

فيه ميزة واحسها تشفع لها انه الواحد يلتفت لها 




لمن يكون معك مبلغ بسيط ومضطر تأخذ سيارة سوا لضروفك او سيارتك القديمه ما تصلح 




في حدود الثلاثين او زيادة فهنا تاخذ سيارة وكالة ثلاث سنوات بدون طلبات ولو ترميها 

بعدين مانت بخسران

فهنا الافضل 

وفي الاول والأخير تعتبر سيارة


وتقبل مداخلتي لموضوعك

والله فيه رد اعجبني 
اللي هو ماعتمدنا ع الالماني 

بنعتمد ع الصيني 
صاعقه 

نعم اعجبني رد ما اعتمدنا ع الالماني بنعتمد على الصيني
 لايك لك دبل 3 يابطل
 حبيبي خلك على تويوتا 
 لامانع من الفكتوريا والجمس
  اذا تبي ترتاح وتعيش الفرحه 

انا مستعد اجربها ولا الامريكي الخرده ماعدا الفورد من كلام وتجربة
الناس..اعتقد صيني ابرك منه وارخص خاصة السيارات الصغيره..ويله
اشتغل ياديسلايك

لو تتوفر قطع غيرها مثل السيارات الكورية واليابنية والامريكية
راح تعتمد عليها وبيجي احلا سحبة على السيارات الثانية

ولاكن حاليا ليست اعتمادية لان قطع الغيار حقتها نادرة ولا تحصلها
الا في المدن الكبيرة + الوكلاء سيئن جدا

انا كان عندي جيلي ec7 2012. السيارة صراحة خدمت و قطع غيار رخيصة بس يبغالها استخدام هادي اللي رجله حارة على السيارة راح تطلب قطع غيار 

اي سيارة حسب استخدامك لها ....السيارات الصينة وغيرها اضرب منها  ماشية في دول مثل مصر وسوريا وعين الله عليها زي الحلاوة 
صحيح جودتها اكيد مو مثل باقي السيارات لكن مشية الامور...واسعارها معقولة وخصوصا انو جيلي صارت تطلع موديلات حلوة والابشن فيها حلو 
يعني بغير سيارات وشركات لو يخلي القزاز كهربا والقير تماتيك  بيحسبو نص فل واي زيادة (ادفع يا حبيبي )
برأي السيارات الصينية يجي يوم وتتخطى الكورية بالاعتمادية 

سيارة جيلي سيارة خدومة ومريحة وقطع غيارها رخيصة يمكن تنفظ بطنها بـ 1000 ريال قطع غيار اصلية من الوكالة .. 
بس مشكلتها ان الناس ماهي متقبلة لا صيني ولا كوري .. مع انها سيارات حليلة وتمشي ماهي سيارات فخمة ولكن للي يبي يستخدم ويحافظ عليها بتعيش معه كثير 
وسيارة جيلي الجديدة شكلها جيد ومواصفاتها حلوه .. وقيرها CVT مثل قير النيسان والهوندا الجديدة اقتصادي وعملي 
اذا بتاخذها خذها جديدة وحافظ على صيانتها ع الضمان وبعد الضمان وبترتاح بها .. 

ليش لا ؟!!
السيارات الصينيه جيدة
احنا في البيت معانا كوري وصيني وكلها ماشيه وكارفه معنا
والي يقول الصيني تعبان اسمحلي اقولك ترا اغلب الاجهزة والادوات صيني
وتتحمل وبعضها يتعدا الكوري والياباني في الاعتمادية وبسعر في متناول الجميع
 المهم احنا في البيت معنا سيارة الكل يستخدمه ومفتاحها يبقى معلق في الصالة
وكارفينها كرف الويل طبعا القصد بالكرف مو المنافز والتفحيط ونقز الرصيف
لا المقصد هنا السيارة في بعض الاوقات مايمديها توقف الا اخذها الثاني وتوكل
يعني مافي وقت راحه وقت مستقطع مافي ابد والحين ممشاها 200الف
لو اسئلكم عن السيارة الغالب منكم مايحط اسم الصيني او يفكر انها سيارة صينيه
لكن هي سيارة صينيه واسمها جيلي lc باندا سيارة فاقت توقعاتنا فيها
كريفه لدرجة ماتوقعنها ابد وبصراحة كان معنا اكسنت 2015 الي كل الناس
يمدحها وما ارتحنا معها ابد وبعناها على ممشى 25 الف ومن اول ماشريناها
وهي تنطفي وتتفتف مع تشغيل المكيف ووصلت لين ال15 الف وصار القير 
يتأخر في تلقيم الريوس يعني في الاخير مو كل مايمدح يكون كفو ومو كل مايذم
يذم يكون سيئ وصحيح اهتمامك واعتنائك بالسيارة هتطول مدت خدمت السيارة معك
في الاخير احب اقولكم معلومة ترا سيارتي النترا وماشية عال العال
يعني لا تاخذ بكلام بالصناعة يمكن بعض السيارات صناعة معروفه وما تكون
بالمستوا المطلوب 
معلومة اخيرة قد تكون الاكسنت هذي الدفعات سيئة لكن
افضل موديل لها هو 2006 الدفعة الثانية لين  2011 الدفعة الاولا هذي الاكسنت الكفو
ومن يدري يمكن الشكل الجديد يكون بكفائت واعتمادية ال 2006

جميع الاجهزة لدينا كانت امريكية وصينية والان اكتسح االصين السوق بل احتكره .. السيارات الصينية لا تزال في بداياتها ومع الضروف الاقتصادية التي نعيشها سوف يتجه لها الشعب في السنين القادمة


لكن تأكد ان توفر وكيل قوي لها يوفر جميع قطع الغيار باسعار معقولة تناسب سعرها الرخيص سوف تكتسح السوق وتجد امام كل بيت سيارة صينية !

ياحليل جيلي باندا وزين اذا تتحمل ومكيف..احلا شي اذا صغيره وشكلها
حلو مايفشل وبعد سعر

هو المشكله كلها فيه قوه الوكيل وتوفير القطع

ولا بتمشي لو توفرت هالشروط

العروض الاخيره مغريه

الأوروبي مشكلته لا يوجد وكالة في المدن الصغيرة واستهلاكي للقطع الصيني بعده جديد لكن جيد خاصة الجيلي بس طبعا الكوري تفوق