سيارتك بدون ايرباق؟

انا يهمني قبل الايرباج ال abs مهم جدا جدا 
سياره بدونه ماتسوى 

ياسمورة 
الabs صحيح مهم بس ماهو لذيك الدرجة اللي تقول عن السياره ماتسوى شئ
شف السيارات الموديلات القديمه من 2009 وتحت اغلبها مافيها وهذا هي ادائها من احسن مايكون
لكن فيه سيارات تجيك فراملها تعبانه وبدون abs عاد هذي فعلا ماتسوى ريال

سيارتي 2005 و بدون abs

واراهن على ان ادائها افضل من اداء بعض السيارات ذات 
تقنيه abs 

انا اشوف هذي الموصفات اغلب الشعب يهتم فيها 
طيب حزام الامان اهم من هذي اهم من الارباق ليش ماتستعمله 
طيب الشباب الحين يشترون سيارات يركزون على انظمة السلامه تخاف ع نفسك ليش تسرع وتمشي 180 لو طلع لك قطو رحت فيها 
شعب مدري كيف يفكر 

صحيح كلامك يابو احمد 
مشكلة البعض يظن ان الabs يزيد قوة الفرامل وهذا غلط
الabs ترجمته Anti Braking System مانع اغلاق الفرامل
ووظيفته الوحيده هي منع انزلاق السياره وانحرافها في حالة الفرامل القويه

منع انزلاق الكفرات ( سحب الكفر )
و السيارة اللي فراملها ABS توقف وقت الطوارئ بمسافة اقل من اللي بدون هالنظام
لكن اللي يسرع سرعة جنونية و لا هو رابط حزام 
لو بسيارته 10 ايرباقات و فرامل ABS و غيره
بيروح فيها مهي فايدته و كل شي بقدرة الله سبحانه

ابو نجوى معاك ابوسلفر
انظمة المانع للانزلاق ماراح تسوي اي شي اذا السرعه جنونيه وانزلقت السياره
مايردك الا عامود اوصبه 
السرعه الجنونيه ماراح تستفيد من هذي الانظمه نهائيا
تفيدك في السرعات المنخفظه او المتوسطه اما الجنونيه يفتح الله ولاراح تسوي 1%  مع السياره

بس ٥ ديسلايك هههههه شديدين مايحبون المزح.. طيب
فيه سيارات نظام ا بي اس يفصل مع الرجه ومعاد تمسك الفرامل..يعني
يقلب نقمه..
انا اشوف ربعنا صاروا يشخصون بوسائل السلامه ويتناغرون فيها يعني
كأنهم بنات اذا اشتروا ماركات..اما صدق لو حريصين على السلامه بعد
تقدير الله كان يربطون الحزام ويتجنبون السرعه والتهور
مافاد الأميره ديانا وخويها كثرة التفافيخ بسيارتهم وهذا وهم راكبين
بالخلف بعد   !

بالنسبة لـ ABS

انا عندي كورولا ستاندر وفيها هالنظام

قبل سنة تقريبا او اقل انقطع السلك اللي عند الكفرة باليمين وانفصل النظام كامل

صار الفرامل مثل الهايلوكس القديم اذا مسكت فجأة تنزلق السيارة

صدمت مرة لانها انزلقت

على طول بعدها ع الوكالة وقالو لي سعر سلك واحد لجهة واحدة ب 700 وحاجة فوقها من غير التركيب

رحت التشليح دورت بالقوة لقيت كورولا 2010 وحصلت سلك واحد وفكيته وركبته ب 150 والحمدلله الحين الفرامل من احسن مايكون حتى على سرعات عالية مثل 140 لاني مجربها

واللي يقول تفصل مع الرجة سيارتي ماتفصل واصلا الرجة هي الميزة اللي فيها عشان ماتنزلق السيارة عليك

وانصح بالاي بي اس قبل كل شي واربط الحزام لانه نصف الامان بعد الله سبحانه وتعالى

خالد موسى
الاميره ديانا حادثها كان اغتيال


الانظمة هذي تخفف الاصابه والعباده وتعطيك سيطرة فالظروف الوعره
لكن في حدود الالتزام بالسرعات النظاميه
لان حسب كلامك ودك تجرد السيارات من جميع الانظمة ونرجع لهايلوكس 79!

عندي اكسنت بدون اي بي اس
وتعمل اضرب فرامل على اسفلت ناعم وخذ الزحقله الي بتجيك
والالنترا عندي فيها اي ابي اس فرق كبير عن الاكسنت

الABS اشوفه اهم بكثير من الارباق
النظام هذا يساعدك بعد الله عزوجل في تفادي وقوع حادث
اما الارباق يخرج بعد الحادث وممكن يسببلك اصابة لاقدر الله
وممكن يخرج بطلعة رصيف او دقة بسيطة ويكلف ترجيعه مبلغ وقدره
والله انا استغرب من الى حاطين الارباق من ضمن اولوياتهم بالسيارة
الاصل في مواصفات السلامة انها تحميك باذن الله من وقوع الحوادث

الشعب منفس و صايم

اقصد اذا ارضيه خشنه مثل طريق غير مسفلت يفصل ال  اي بي اس
هذا مجربينه في كابريس
شويخ..هو حادث في النهايه وامان السياره مافادهم بتقدير الله
الهايلكس من صفاته غصب يتزحلق لو هو وكاله..عادات وتقاليد عريقه