حل مشكلة مثبت السرعة لجيب مازدا cx-9

29 5

لايمكنك التصويت حتى الحصول على 20 نقطة على الأقل
إضغط هنا للإخفاء

flownaway670 74
قبل 7 سنه و 10 شهر

السلام عليكم ورحمة الله

أسعدكم الله جميعاً

أعتقد أن هناك كثيرين من ملاك جيب مازدا cx-9 والتي رغم رفاهيتها ومتانتها وجودة الصناعة اليابانية المتمثلة في هذا الطراز من السيارات إلا أنه يعتريها بعض العيوب مثلها مثل غيرها من السيارات ..

عموماً مايهمنا في هذا الموضوع هو تعطل مثبت السرعة عندي و كثير غيري بعد تغيير الباكم حيث أن الباكم قد يتلف سريعاً في بعض الموديلات خصوصاً من 2010---2012 وكما أخبرني أحد الفنيين في وكالة مازدا بأن هذا العيب تم تلافيه في الموديلات اللي بعد 2012 وحسب قوله بأن القطعة هذي (الباكم) سبب تلفها هي عدم تحملها للحرارة ومع كثرة إجهاد كالنزول من العقبات والجبال وغيرها هذا حسب كلام الفني ولا أعلم صحته من عدمه ..

الذي حصل لي عند تغيير الباكم في وكالة مازدا بالطائف تحديداً وبعد إستلامي للسيارة والعودة إلى الباحة حاولت تشغيل مثبت السرعة ولكني تفاجأت بأنه لايعمل فقط تولع اللمبة البرتقالية واللي المفروض تصير خضراء عند تشغيل مثبت السرعة ,, وبدأ الشك يساورني هل هو الفيوز إحترق أو فيش مفصول فرجعت للشركة بعد يومين وقلتلهم غيرتوا الباكم وكان مثبت السرعة شغال وبعد التغيير صار ماعاد يشتغل قالوا نشيك عليه .. المهم رجعت لهم وقالوا بأن مثبت السرعة عندك عطلان ولازم تغييره وقيمته ألف ريال وكذا مئات ماني فاكر بالضبط وهذا بعد الخصم..

أخبروني أنهم شيكو على الأفياش والتوصيلات الخاصة بالمثبت وكل شي سليم ولكن عندك المثبت خربان ويحتاج تغيير..

عاد أنا تركتهم وقلت ماهو وقت تغيير الحين لأني كنت مشغول وطلعت من عندهم وأنا شاكك بأن تغيير الباكم هو اللي ودانا في المصيبة هذي رغم إن الفني أكد لي بأن المثبت ليس له صلة بالباكم ولا هو في طريق الباكم ..

والمفاجأة اللي قد يستغربها الجميع إنه في إحدى المرات وأنا مسافر وماسك خط طويل وكنت من وقت لآخر أحاول تشغيل المثبت عل وعسى يستجيب ولكن مااااااااش .. بالصدفة يا إخوان ومن طول المشوار قمت رفعت رجلي من دواسة البنزين وحطيتها تحت دواسة الفرامل وقمت أرفع الدواسة لفوق طبعاً اللي يجرب يلاحظ أنه يقدر يرفع الدواسة مقدار شعرة ممكن
المهم وأنا ألعب في الدواسة وأشلعها برجلي دقيت زر مثبت السرعة وإذا بي أتفاجأ بأن مثبت السرعة صار لونه أخضر والمثبت يعمل زي الحلاوة.. ولما أشيل رجلي من تحت الدواسة حقت الفرامل يفصل مثبت السرعة وكإني دست فرامل..

الحقيقة إن الفرح غطاني من تحت لفوق وكل شوي أجرب وأتأكد والحمدلله المثبت شغال وماعليه كلام ولكن بمجرد ما أترك دواسة الفرامل يرجع يفصل ..

بدأت الشروع في تتبع هذي الفصلة فوجدت إنه فوق دواسة الفرامل توجد علبة خضراء وهي حساس مثبت السرعة ويخرج منها قطعة بيضاء صغيرة بشكل عمود وتلتصق بدواسة الفرامل وهي يمكن تدويرها وعند تدويرها تعطيك وزنية مثبت السرعة واللي يحب يتعرف عليها يمديه يفك القطعة ويشاهدها بسهولة

بعد الفك للقطعة عرفت مبدأ عملها وهي أنها تكون مضغطوطة داخل علبة حساس مثبت السرعة وفي هذه الحالة سيعمل المثبت بكل سهولة ,,, وعن إرخائها يفصل مثبت السرعة ,, وهي نفس العملية لما تشغل مثبت السرعة ويعمل ثم تدوس الفرامل ولو شعرة فيفصل المثبت .. وجدت إن الفني لما غير الباكم لازم يفتح مثبت السرعة والحاجات اللي فوق دواسة الفرامل لأجل يوصل لمسامير الباكم من الداخل...

المهم أحب أطمنكم إنه العملية سهلة جداً جداً ويمكن لأي شخص يقوم ويوزن نابض مثبت السرعة أو بالأصح العمود الصغير الأبيض اللي يرتبط بنابض داخل علبة حساس مثبت السرعة ويحركه ناحية اليمين ليندفع للداخل ويحصل على وزنية كويسة ...

مهم جداً التأكد من أن الحساس مركب في مكانه بشكل صحيح لأنه لايحتاج مفكات أو مسامير فقط فيه كليبس بلاستيكي يثبت في قطعة معدنية فوق دواسة الفرامل يثبت الحساس ...

الخطوات :

نزع الكلبسات عن الغطاء الخارجي كما في الصورة وعددها إثنين








أتمنى إني أفدتكم بتجربتي وهذي لم تكن إلا بتوفيق الله وأتمنى إنو الجميع يستفيد منها ولو كسب معلومة
لا أرجوا من ذلك إلا الدعاء لي ولوالداي ..

أعتذر عن الإطالة ودمتم في رعاية الله

منقول للفائدة

إبلاغ

الردود