اما ان الاوان لتجريم للعب بالعداد

بالنسبة مع تجديد الاستماره هو موجود لمن تسوي الفحص الدوري ،،

حسبنا الله على من يغش مسلم
فقد تبرأ الرسول الكريم ممن غش
من غشنا فليس منا

استغفر الله
بعض الناس ينزل العداد يحسبها انه شاطر و يقدر يلعب على المشتري (و ممكن يتفاخر انه لعب عليه قدام اخوياه )
و ما يدرون انه غش و نصب و احتيال و اكل الاموال بالباطل

اشوف ان الحل المفروض يكون من شركات السيارات
لان تنزيل العداد بسيط

مافيهم حيله 
طاحو هاالحين يفك السيارة وكاله ويخليها تمشي ستين
شبعين الف
ويفصل العداد واذا جاء يبيع شبكه
يعني ماله حل نهائي 
بس نقول له الدنيا دوارة

واحد من الاصحاب باع سيارة ابوه جمس ماشي ١٨٠ الف كيلو
ع واحد جالس يحلف انو مستخدم وباعه بسعر اقل من حقه
ورجعنا يوم نلف ف المعارض ندور سياره صغيره وحصلنا الجمس بالصدفه واقف ف معرض ومنزل عداده ١٠٦ الف كيلو
وطالب ١٧ الف ريال فوق السعر اللي اشتراه
مو مشكله السعر الله يرزقه
لكن لعب ف العداد ونزله هذا اللي زعلنا والله
قلتله بلغ ع المعرض 
قالي بدخل موال طويل لكن كلمة حسبي الله عليه بتكفيه

واحد من الشباب باع كامري بسعر وقدره وكانت خارطه طبلونها فوق400
وحصلها بالساحه وسأله بكم السوم الاوهو عالي والتفت على العداد ومنزله اكثر من النص

طيب يكون السؤال : هل الفحص عند من له خبره يطلع الممشى الحقيقي للسيارة؟؟

شوف حسب اللي اعرفه ما تقدر تكشف التلاعب بالممشي لا عند الوكالة ولا الفحص ولا الفحص الدوري
لكن يعرفون اذا اللي قبلك فحص وسجلو الممشي عندهم في الكمبيوتر وجاء واحد ثاني عدل الممشي وراح يفحص او يبيع كذا الممشي يكون أقل من المسجل في الكمبيوتر

حتي اللي يطفون العدادات ويروح الوكالة نفسها ما تكشف هذا الشي

الناس تحسب نظافة السيارة على الممشى 
والله يافيه سيارات مامشت ١٠٠ ماتفرق بينها 
وبين اللي ماشيه ٣٠٠ الف تلقى جايها صدوم 
ومسمكرة وعظلاتها رايحة فيها وتلقى فيها اعطال 
وتلقى سيارات ماشيه فوق ٤٠٠ الف من نظافتها 
تقول مامشت ١٠٠ الف لاجيت تشتري 
شف نظافة الموتر البودي المحركات الداخلية 
لقيت اعلان بموقع حراج لجمس موديله بالتسعين 
مدينة عرعر بالاعلان مكتوب ممشاه ٨٠٠ الف 
وشكل الموتر بالصور ووقفته تقول مستحيل ممشاه ٨٠٠ الف  !!
تعطيه ممشى اقل بكثير

كمبيوتر السياره يسجل القراءه ويخزنها تطلع (اذا كشفت كمبيوتر)
مره كشفت كمبيوتر في ورشه ظهر في الجهاز كم كيلو ماشيه
وطالع في العداد نفس الشئ وقالي القراءه صحيحه
هذا عن تجربتي في الفورد 

ليش مايكون فيه رجال من وزارة التجارة او جهة امنية يتعقبون الي يلعبون بالورش والمعارض؟