رأيكم بنيسان صني 2016

آسف
لو وضعت الاستفسار بقسم نيسان قسم الصني
كان ممكن تجد إجابات أكثر وأفضل ومن أشخاص يملكون السيارة

اكتب بخانة البحث كلمة   صني
يسار من الصفحة الرئيسية للمنتدى
و يطلع لك اكثر من موضوع بتستفيد بدل انتظار الردود

الصني حلوه واعتماديه واكبر سيارة بفئتها 

عيبها الداخليه شكلها متخلف + القزاز الخلفي عادي

اذا خذت استاندر مافيه عداد rpm 

اذا تبي سياره للكرف ومايهمك الشكل خذها 
ومكيفها ثلجج مستاجرها قبل فتره .

اذا يمهك الشكل والديكورات خذ الكيا ريو عندي وحده 

ممتازه لاكن ما تقارنها بجودة الصني . ومكيفها حلو فيها مواصفات كثيره

للنص فل مثل ليد امامي وخلفي وجنوط وكشافات .

 نيسان كا خبره اعرق من كيا 

ولا تهون كيا بس تظل شركه حديثة العهد 

لاكن اذا بتستخدم السياره سنتين ولا ثلاث ترا 

الكيا ممتازه 

ادخل على اسمي انا حاط موضوع عن الصني 

الصني الجديدة صارت تتصنع في الهند حسب ما سمعته من زملائي ماني متأكد

ماتبي لها راي الصني والااكسنت الوكاد هاالنوعية من السيارات
هن سيارات المستقبل 
البنزين كل سنة نص ريال زيادة

اضغط على اسمي وشوف موضوعي للصني
وبإذن الله يفيدك

خذ سنترا اللي اكبر منها احلى واجمل وأوسع

خذ اكسنت وريح راسك قطع موجوده وموتر منتشر

سويت موضوع عن الصني
ادخل على بروفايلي وتحصله

انا معاي صني نص فل 2016 كارفها كرف سفريات وخطوط 
راح اقول لك مميزاتها وعيوبها من واقع تجربه واستخدام 

مميزاتها ونخوك 
وسيعه من الداخل بشكل عجيب والمراتب الخلفيه جدا وسيعه فيه فراغ كبير بين المراتب الاماميه والخلفيه 
مكيف ممتاز جدآ وبرقم 1 دفع الهواء قوي جدآ ويثلجك لاحطيته على رقم 2
ماتصرف بنزين اقتصاديه مره بنزينها اخضر فلها وهي مافيها قطره فاضي التانكي 27
ريال 
مراتبها مصممه بشكل انسيابي يريح الظهر 
زيتها 3 وربع علبه مع السيفون كاستروا سعره 17 ريال
فلترها ب25 ريال 
وجود وسائد هوائيه لسائق والراكب 
نظام ABC الفرامل 
قوة المكينه 1500 سي سي 
سعرها رخيص للكاش وقصدها رخيص لتقصيد 
مرتفعه عن الارض ارتفاع مناسب لاتحك بالمطبان الكبيره
حتى لوكان راكب فيها اناس كثر 


عيوبها 
مافيها تكايه بنص يتوجب انك تشري تكاية لها 
الهواء القوي يلعب فيها بسفر خفيفه يعني ماتقدر تسرع فيها اكثر من 140 ك 
اذا فيه هواء 
فيه صوت بالفرامل الاماميه اعتقد عيب مصنعي لكن غيرت القماش وراح الصوت 
بالخلف القزاز هندل الفل كامل يجي تماتيك 
مافيه عداد حراره الفل كامل يجي عداد 

الخلاصه 
هي سياره اقتصاديه للي يبحث عن توفير واقتصاد ولاينظر الى المميزات الاخرى 
بمعنى تشوف خياراتك وتاخذ الي يناسبك حسب ضروفك الاقتصاديه
انا افضلها على الاكسنت لسبب كبرها من الداخل ووجود اكياس هواء لسائق 
والراكب وقوة المكينه واقتصاده في صرف البنزين وسعرها مناسب 

^^^ كلام الاخ ftfr999 صحيح 100% خذتها 2015 كاش ب 34 واقساط بدون دفعه ب 850

مع اني مجرب الاكسنت واليارس والكيا

الا انها افضل منهم بالمكيف والرحابه الداخليه وحامل الاكواب الاماميه 2 وصوت المكينه على سرعه 120 غير مرتفع مثل الاكسنت واليارس

العيوب
الشكل ( عندي مقبول ) ماهي انسيابيه مع السرعه اذا فيه هواء قوي تتاثر الزجاج الخلفي عادي

وسلامتك

والله انا امتلك وحده هي ارخص من الاكسنت واليارس عيبها ياشباب السياره قاسيه  البدي ضعيف مره يعني صدمه خفيفه راح تعدمك انت وياها لاسمح الله ومن داخل كلها بلاستيك صناعتها رديئه لذلك انصحك ابعد عنها عن تجربة 2016 معي للحين

عندي نيسان 2016 صني تحت التمرين احس عزمها عادي جدا ما ادري لو السبب انو لا زالت تحت التمرين

شكلها قبيح بالذات من الخلف

لكن المكيف خذ بطانيتك معاك

هي والاكسنت واليارس
داخل البلد خذ ولد وبتعجبك
في الخطوط والسفر حاول ماتتعدي 140 لانها خفيفه وتلعب في الهواء

ما لقيت أوسع من مقصورتها في نفس فئتها، اعتقد حجم المقصورة يوازي حجم مقصورة الالنترا