سرقة سيارة في رمضان

لاحول و لاقوة الا بالله العلي العظيم
الله يعوضه ان شاءالله

دايم اقولهم لاتخلون السياره مفتوحه وهي شغاله بس مايفهمون

لاحول ولا قوه الا بالله الله سبحانه يردها له يارب

لاحول لاقوة الا بالله الحرامي مبيفرق معها رمضان وغير رمضان الله يرجعها سالمه لصاحبها

اللهم لك الحمد ، ما قد تركت السيارة شغالة ونزلت منها أبداً !
(غير مرة كنا مسافرين والاهل معي والوالد الله يحفظه كان راكب معي نزلت للبقالة وانا متطمن عليهم)

كل مرة أعبي هواء كفرات يوم تكون السيارة طافية ، لا تخلي السيارة شغالة عند بقالة او مخبز او تعبي هواء
حتى لو فيها أهلك .. اعوذ بالله يسرق السيارة وأهلك ممكن يصير لهم شيء

الله يحفظنا برحمته

ماعاد في امان, ولا في نشر في الصحف المحلية عن حوادث السرقات اللي تصير كل يوم!!!!!

والله كان معي هايلكس وكاله 76الف ما مشت الا 19 الف وقفت عند البقاله ثواني بس ما سمعت الا قرصتها والى وقتك هذا لها اكثر من سنتين من بعدها مستحيل انزل من السياره واتركها شغاله الحمدلله ع كل حال

والله تسرق سيارتك وانت داخل محل وتطلع وماتحصلها

ولاتسرق قدامك بالطريقة ذي تقهررر

لكن الحق عليه مافيه احد ماسمع بالسرقات وان السيارة خطأ تركها وهي شغاله لكن ناس ماتفهم إلا بعد فوات الاوان
والبعض مايفهم لاقبل ولابعد

الله ياخذ حق راعي السيارة من الحرامي بحق شهره الحرام

والله انغبنت الله يردها سالمة وجعل يديه الحرامي للقص

الشعب صار بطراااان. يدخل المطعم ولا البقالة و يخلي الموتر شغال قال ايش عشان الدنيا حر و يبغى يخلي المكيف شغال!!!!!

سيارتي عند بيتي واقفة وجالس بالمقلط فجر رمضان
واسمع صوت انذار يوطوط واقول ذي سيارتي ولا سيارة احد من الجيران
واطلع والقى سيارتي مكسور قزاز المثلث فيها وقعدت الفلف بالشارع اشوف
شبهة ولااحد والشارع كله فاضي وقلت حسبي الله ونعم الوكيل فيه رمضان والناس
صايمين وجاي يبغى يسرق السيارة واليوم الثامي اشتريت مثلث ب٧٠ ريال وركبته
ويبغاله اكمل فيه العازل لكن مافضيت

الله يستر الجرأه وصلت للدرجة ذي ؟؟!!

حتي لو تروح تبلغ عن سيارتك
يسالونك السياره شغاله او طافيه
ان قلت شغاله ماعطوك وجه
بيقولون روح دورها حول موقع السرقه واذا لقيتها راجعنا

اما اذا قلت السياره طافيه والبيبان مسكره علي طول يرفع بلغ وتعميم

لازم تنقص يد السارق 

الحل جهاز gbs صغير يركب بالسيارة وتعرف مكان سيارة وين راحت من جوالك

جهاز التتبع من يا اخوان ركبه وافضل شركه من

المحميدي

أنا شريت واحد من النت وركبته

تتصل عليه ويرسل لك الموقع بالضبط على خرائط قوقل 

سبحان الله اغلب السرقات والجرايم تلاحظهم من الي لابسين ثياب نوم