أضف سؤال أو موضوع جديد          

التمويه في الاعلانات ومسألة تامين السيارات

up 24 down 26
benz lover -38
قبل 3 سنه و 3 شهر



كثير صادفني ناس تجلس تشرح ساعة كاملة عن المواصفات لو قدر يكتب الكفرات لها صواميل مصنوعة من الالمينيوم الغالي ماقصر الناس تبي الزبدة  البربرة الزايدة وراها صكة خيالية بالسعر :

الحجم
الموديل
الممشى
اللون
 وارد وين 
نظافة المحركات يشرط كل المحركات وانت تفرح انه نظيف ويكتب اخر شي بخط صغييير لا يرى بالعين المجردة انه مخبط !!! اياكم من ذي السيارات ياشباب لانك ماتدري هل الماكينة مخبطة فقط ولا القير والدفرنس والمكيف ومشاكل الكهرباء كلها ماتطلع الا والموتر شغااااال 

نظافة البودي واحد قهرني كاتب البدي وكالة* ( الرفرف اليمين يوجد فيه سمكرة بحجم كف اليد والباب جاه شوية رش من الرفرف حسب كلام راعيها السابق ابراء للذمه ) كيف صارت بودي وكالة ابي افهم الحين !!!!  

وش مواصفاتها بالتحديد لا تقولي فل كامل اذا فيها فتحة سقف بس فاهم الفل غلط يابابا 

صور الموتر خارجي وكل الزوايا موب تصور بالليل بالظلام وتتنقى الزاوية اللي تلمع وتترك الخربانة تخلي الواحد يطق مشوار ويشوف شي غير الصور !

صور المراتب كلها اذا جلد موب تصور الخلفية بس واحصل الامامية معدومة 

الوضوح مطلوب في البيع يا اخوان والمبالغة بالاسعار شي جدا سيئ تجيبلي بانوراما ٢٠٠٦ مصدومة من الخلف والجنب كامل تقولي سيمت ٤٥ شي غير واقعي لما تكذب تكذب على نفسك 

نصيحة اخيرة اخواني لا تشتري على مبدأ الثقة ولو كان اخوك رح افحصصص افحصصصص افحصصص اشوف الناس تتهرب من كارتك لانه يطلع اشياء ماتخطر على اليال بعض الاحيان يبالغ ولكن اشوفه جيد جدا يكرهونه الشريطية 


المسألة الاخرى تامين السيارات واسعاره الجنونية 

الواحد لما يحصل موتر وهو مبسوط تلاقي عندك ٢٠٠٠ ريال ماشية مليون ومطفية النور بتصك بجبهتك غبنة والله ضد الغير واسوأ الشركات ب ١٣٠٠ و ١٥٠٠ ويسالونك كم حادث مسوي حتى لووووو الغلط على الطرف الثاني مايعترفون بك زي شركة اسيج قالو ١٢٠٠ قلت ممتاز رخيص قالو كم حادث قلت مافي حوادث قال لا ٣ قديمة والغلط عليهم بالتالي انت راعي حوادث يطلع عليك ١٧٠٠ تمنيت اطلع الموظف من مكتبه واخنقه قهرنيييي يستغفلون الناس 

امنية اخيرة ان التامين يرجع لايام زمان ٣٥٠ و ٤٠٠ 

وحياكم جميعا وكل عام وانتم بخير .....











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لو التامين ماهو الزامي : صدقني بيرجع زي زمان : ولكن الحين تبي تجدد تامين تبي تنقل تامين : تبي تسافر تامين



up 2 down 0
صاحب سموه 534
قبل 3 سنه و 3 شهر



حياك
كلام كلها وافي على قولتهم 
لاكن انا اشوف سالفة فحص السيارة ميكانيكي يعني المحركات
بوجه عام لاتعتمد ع الكمبيوتر لان حتا لو السيارة تنقص
الزيت ماراح يعطيك الفحص المظبوط
البدي والشاص عطة الكمبيوتر 
باالنسبه للتامين ماالومهم لانه كله لعبة الشباب طاحو
هاالحين فيهم يكسر الصدام والا يركب اسطبات مكسورة
ويتصلون بنجم وياخذ قيمة التعويض اضعاف مضاعفة
وشركات التاجير المنتهي باالتملك وسالفة اتلاف السيارات
وصل الحال بهم يعطون اللي يقيم الحادث بخشيش عشان
ياخذ اكثر تعويض
واللي يدفع الناس اللي ماله ذنب
والله يحفظ الجميع


up 3 down 1
باترول 2020 2620
قبل 3 سنه و 3 شهر



بالنسبه للتأمين مادمرنا الا الورعان اللي كانوا يطلعون في المقاطع الجيب اللكزس اللي يكسره بحجر وشاكوش والهايلوكس اللي يقلبها عشان التأمين وغيرهم من المقاطع طيب وش ذنبنا احنا الحين استمارتي مطوفه لها سنة والله العظيم ماقدرت اجددها عشان سالفة التأمين
ومؤسسة النقد تاركة الشركات تحلبنا حلب حسبي الله عليها ، المفروض انها تصدر تنظيمات في صالح المواطن اولا وبعده صالح الشركات لكن ماخذين وضعية الميت ومادري هل هم عارفين بوضع شركات التأمين والا مادروا الله يزينها بس
والله البلد كلها ملخبط من اوله إلى اخره التاجر والاجنبي لعبوا في ذا المواطن المسكين لكن الله يصلح الحال 


up 8 down 6
yasser alyasser 561
قبل 3 سنه و 3 شهر



موضوع التأمين سهل جدا حله بس ما اعرف لمصلحه من مجمدينه
الحل ربط سعر التأمين بسجل حوادث السائق مومعقول انا بحياتي ماسويت حادث وادفع سعر التأمين 1500 ريال وواحد كل شهر حادث بسبب الاستهتار ويدفع نفس التكلفه
لوطبقو سجل الحوادث صدقوني راح تشوف الشوارع بدون حوادث ان شاء الله


up 4 down 0
gh_1977 44
قبل 3 سنه و 3 شهر



بالنسبة للتأمين فانا أشوفه نظام غير عادل. كيف تجبر الجميع يدفع نفس المبلغ 1500 وتامين اجباري يعني مافي أي منافسة بين الشركات. انا أمنت خارج السعودية وكان في استمارة طويلة تعبيها فيها أسألة تحدد سعر التأمين, مثل العمر, نوع السيارة وموديلها, كم حادث في اخر 3 سنوات, كم مخالفة في اخر 3 سنوات وهل يوجد منها سرعة او عكس سير او قيادة متهورة, استخدامك للسيارة خاص او تجاري, كم كيلو تقطع في السنة, هل السيارة ملك او تاجير. وغير انهم يركبوا اجهزة اختيارية تقدر تجمع نقاط فيها و ينزل سعر التأمين عن طريق تنبيه وتسجيل السرعة فوق 120 او ضربات الفرامل القوية. وأهم نقطة استجابة الشركة من اول مايصير حادث وتجي الشرطة هم بنفسهم يتصلوا على شركة الـتأمين وتجي تسحب السيارة في دقايق.


up 2 down 0
dell2012 902
قبل 3 سنه و 3 شهر



والله صاج شيء يقهر
dell2012
هذا لو يطبقون هنا بس ماغير حماية للتاجر والاجنبي وجلد في المواطن المسكين 



up 1 down 1
mohammed1368 153
قبل 3 سنه و 3 شهر



التأمين بالعكس ياخذ عليك إذا مسوي حادث مبلغ أكثر وبكل وقاحة سألته عن انه في ناس ماسوو حوادث
يقولك السعر ثابت



up 0 down 0
ميلاني4114 63
قبل 3 سنه و 3 شهر



التأمين بالعكس ياخذ عليك إذا مسوي حادث مبلغ أكثر وبكل وقاحة سألته عن انه في ناس ماسوو حوادث
يقولك السعر ثابت



up 0 down 0
ميلاني4114 63
قبل 3 سنه و 3 شهر



ترا بعض محلات فحص السيارات تطلع لك اشياء وخرابات مهي في الموتر او انت ماتدري عنها بحكم الخلل مثلا لايعطل قيادة السيارة وبالتالي يصير فيه صدامات حادة بين الزبون والبايع لانه يفكره يغشه


up 1 down 0
maximum speed 573
قبل 3 سنه و 3 شهر