الطريق من تبوك الى المدينة

الله يوصلك بالسلامه 


بعد اذنك يا صاحب الموضوع 


كيف اروح لتبوك من جدة يقولون فيه خطين وش الخط اللي اروح معاه 

طريق الساحل ينبع املج الوجه ضبا تبوك .. بس من ضبا الى تبوك خلك حريص لان في شاحنات كثير و اكواع لازم تهدي عندها

انا دوبي جاي من المدينة الى تبوك المسافة 660 كيلو زاد او قل عن طريق تيماء الخط سيدين وامن ومتوفره المحطات والافضل تعبي بنزيم اول باول .
بالتوفيق

مشكور ي صاحبي ^ .. وش رايكم في طريق العلا ؟

taxi-vip
من جده لتبوك الافضل الساحل عن طريق ينبع وبطريقك املج والوجه وضباء واخر شيء تبوك
بالتوفيق.

أبو محارب طريق العلا اقرب الظاهر 500 كيلو بس الطريق ماهو مزدوج مستمر متقطع وانا افضل سيدين مستمر افضل وامن .

افصل شيء الخط السريع حق تبوك الاساسي
في خط المعظم صح اقصر بحولو100 كيلو بس شيء جدا

سيء جدا

طريق المدينه الحين تمام اول كان خط واحد وكلله حفر الحين خطين ومتوفره المحطات علي طول الطريق
وبنسبه من جده فيه طريق الساحل عن طريق ينبع وهذا كله شاحنات نقل
وثاني طريق المدينه طريق حلو
وتقريبآ فاضي من المدينه وتبوك

وعليكم السلام ورحمة الله
انا رحت من المدينه لتبوك قبل كم شهر وانصحك تروح مع طريق تيماء

لأني رحت بالغلط مع طريق المعظم الله لايوريك طريق تعباااان ورايح جاي ومحطات مرررره قليله 
تروح وترجع بالسلامه

الله يسعد ذا الوجيه و يحرمها عن النار .. قررنا على طريق تيماء بحول الله وقوته

توكل على الله روح من تيماء طريق الطريق وسيع ووامن لك باذن الله وتأصل وترجع بالسلامه

اخوي انصحك تروح مع طريق المدينة خيبر المشاش الجهراء تيماء القليبه تبوك 
المسافه 700 طريق سيدين مريح يمر على كذا هجره وقريه في طريقك 
امن الطرق يغطيه شبكة الجوال تغطيه محطات مكثيره على الخط 
لاسمح الله تتعطل السياره تقدر تتصل على امن الطرق تحصل ورش قريبه الي 
بالقرى الي بطريق خط يريح سيارتك مافيه مطبات مكثيره سوى 
في داخل الهجر والقرى الي بطريق 
ساهر تحصله قبل تبوك ب120 ك بعد مفرق الفجر الي عند محطة ساسكوا
امن الطرق من الساعه 11 مساء و الساعه 5 عصرآ يشتغل رادار سرعه 
بعد كبري الجهراء وقبل تيماء وقبل تبوك بالقرب من مفرق المعظم 
خلك منتبه خصوصآ بالليل لاجيت العشاش توقع من الأبل وبعد كبري الجهراء 
وبعد قرية الجديدة الابل بالليل في هذي المناطق خذ حذرك 
مع ان امن الطرق قواهم الله يمسحون الطريق بكل وقت 
حاول اذا جيت تعبي بانزين تعبي من تيماء لان بالجهراء غالي ومرات مايكون فيها بنزين 
يعني عب بالمدينه ولا جيت خيبر عب احتياط الي يوصلك تيماء 
تيماء فيها مطعم جدآ رائع الي هو مطعم الجميل داخل تيماء 
لاتروح مع طريق المعظم المختصر من هجرة المليليح لانه مقطعه 
وطريق زراعي وفيه ملفات ومزارع وابل وحمير بعد اكرمكم الله 
وطريق متكسر ولاتغطيه شبكة الجوال ولا امن الطرق 
وفالك وتاصل بالسلامه اخوي أمل اني افدتك 

زين يعني كم يقلص المسافه بين تبوك والمدينه طريق المعظم الى المدينه المكسر والهريان

ماشاء الله تبارك الله الرد قبل الأخير كفيت ووفيت يا الامير