ماهو الافضل باجيرو او دورانجو او مازدا CX9

خذ cx9 بدون دفع رباعي نصيحه

اش الميزات اللي فيه ؟ 

باجيرو افضل من ناحية الجودة والقوة والتحمل والامان مازدا مع احترامي للصحابها اسوه سيارة يابانيه في الامان
الدرانجو اعطاله جدا كثيرة وبتعبك وكيله سيئ جدا وبتوفيق 

راعي بر ماله الا الباجيرو 
راعي خطوط المازدا افضل بس هذي وجهة نظري

الرجال مو راعي بر . و سفرياته نادرة. 

يارجال طلع فورتشتر  وكده خطوط وبراري وطرق وقوه وعزم  وعره لاحراره ولامشاكل كهرب ولا اعطال ميكانيكيه و وكيل افضل من غيره وفروعه وقطع غياره تقول تموينات بكل شارع 
والبيع ماتبلش
و2016  شوفه يقولون صار اريح واوسع من السابق
 اما 2015 وتحت فيه قساوة مراتب والرساوه شوي   لأرتفاعه ونحفه
لاكن موتر يربح بالك وراسك وجيبك   صنع ليعمل

ادري الكلام ماهو معجب  البعض   لاكن دائما الحقيقه مره

اذا تبي خطوط   الباردو اوسع منه وافضل 
وجربه   ودائما التويوتا يتميز بالقساوه  لاكن مواتر كفوووو

التويوتا اسعاره مبالغه جدا  و بدون مواصفات. 

الصراحة الدورانجو الجديد مريح و دفع خلفي - رباعي مستمر
فريد من نوعه و التكييف علوي من السقف و القير 8 نمر
لكن الوكيل سئ و قريت خبر على موقع سعودي شفت ممكن يتوقف انتاجه  

المازدا تكييف امامي فقط و صرفيته عاليه شوي
و بيتغير شكله بينزل قريب و شكله هذا من نزل كأن معك موديل 2007

الباجيرو معي الصراحة موتر خط و بر
لكن مشكلته الصرفيه حد التانكي 400 كم
تكييفه ممتاز و ارتفاعه عن الارض معقول  و راسي
لكن مهي بمريحه مراتبه و اللي بالشنطه ما تنفع ابد
و بيتوقف انتاجه على هالشكل و ان كان في تغيير بالوجهيه من 2015

اقترح عليك شوف الاكسبلورر المطور 2016
و نزل يسعره خليجي دبل استاندر ب115 الى 120 بالمعارض

تبي خطوط و راحة خلك على الامريكي بين الدورانجو و الاكسبلورر
اذا ما تقدر على التاهو و الاكسبدشن

و ترا عروض الوكالات بنفس او اعلى من اسعار المعارض
خذ لك لفة بعد العيد على المعارض قبل

جزاكم الله خير جميعا على الردود

كنت مثله محتار بين الباجيرو والدارنجو والموهافي ومازدا 9



الباجيرو المقعده الي بصف الثالث وشربه للبنزين أبعدت عنه بكلام كثير ممن جربوه
الدرانجو علي حسب من جربه اعطاله كثيره ووبعدت عنه الموهافي وقع اختياري عليه لان شفت الكوري تغير 180 درجه المازدا مشكلتها طرمبه الماء وضيقه بعض الشي

ليه ما ياخذ الفورة اكسلبورر او حتى الاكسبديشن صح حيزود بس سياره تستاهل بصراحه وكبيرة بحجم اليوكن

ال cx9 فيه شكل جديد وقادم خلال الشهرين القادمه
الدورانجو صنعت لتخدمها لاتخدمك الباجيرو اكتب بالقوقل عيوب الباجيرو فيه ناس تشوف العيوب بسيطه والبعض يشوفها قويه لكن بشكل عام على السعر والمواصفات والقوه وووو اشوفه ممتاز (على سعره مقارنه بالشركات الاخرى)