طرمبة بانزين الجمس
7
4
إضغط هنا للإخفاء
* السلام عليكم ورحمة الله وبركاته
* وتقبل الله منا ومنكم صالح الأعمال
* وكـل عـام وأنـتـم بـخـيـر ❤️
* كثير من اصحاب الجموس يشتكون من طرمبة البانزين وانها على طول تخرب وماتطول معاهم وبعضهم يركب طرمبة فكسار وسعرها غالي الظاهر فوق ٦٥٠
* انا عندي جمس ٩٦ غيرنا الطرمبة قبل كم سنة مع العوامه سعرها كامل فوق ١٠٠٠ ريال اصلي وتستاهل سعرها طولت معانا لان مانخلي البانزين ينزل عن النص او الربع وكل فتره ٨ شهور نغير صفاية البانزين وقبل كم شهر مشيت مسافة ١٠٠ كيلو والتانكي فاضي وبعد ماوصلت السيارة صارت تطفي وماتشتغل غير بعد ماخليها واقفه كم دقيقه وبعد كم يوم طفت السيارة وديتها لكهرباي فكينا التانكي طلع فيش الطرمبة والاسلاك محترقة وصفاية البانزين مسكره وهي اللي سببت ضغط علي الطرمبة واحترقت الاسلاك غيرت الفيش والاسلاك قلت اغير معاهم طرمبة البانزين دامني فكيت التانكي وغيرت صفاية البانزين
* حطيت له طرمبة فورد امريكي ب ١٦٠ سعرها رخيص وعمليه جبت للكهربائي طرمبة فورد اصلي وطرمبة سعرها فوق ٣٠٠ رفض يركبها يقول ماتنفع غير ام ١٦٠ هو مركبها لاكثر من جمس ومحد شكى منها وانا الحمدلله ماشكيت من شي
* وبخصوص طرمبة الفكسار سعرها غالي واذا تفكر تركبها خذ لك طرمبة جمس جديدة كامله مع العوامه تقريبا نفس سعر طرمبة الجيب واصلا بعض اصحاب الجيوب يركبون طرمبة فورد لان طرمبة الجيب غاليه .. انا ماعيب طرمبة الجيب ابد ! بس سعرها غالي وفيه البديل لها
* شغل اليد ١٥٠ وطرمبة البانزين ب ١٦٠ صفاية بانزين ب٤٠
إبلاغ
الردود
تقبل الله طاعاتكم
اخوي عنده جيمس 97 وقبل كم سنه تعطلت الطرمبه ركب اصليه بي اكثر من 1000 ريال وبعد 3 اشهر خربت
ركب حقت جيب تويوتا 680 ريال تقريبا شهر واحد وخربت
ركب حقت فورد 160 ريال تقريبا لها الان تقريبا اكثر من 4 سنوات ما شاء الله تبارك الله
1
0
يارجال طرمبة البانزين مرات تحتاج تغيير وتمشيك بالديرة
ومن تسافر تمشي كم كيلو تطفي عليك السيارة :)
وشف تدفع قيمة سطحة وفك تانكي البانزين وقروشه
0
1
انا الي ركبتها رخيصه انا مجنون اركب بسعر 680 حقت الجيب بركب حقت الوكاله للجمس
انا ركبت طرمبه دينسو ممتازه ويمدحون فيها ومصنع دينسو يعتبر الاصلي بس بكرتون دينسو اما بكرتون تويوتا يباع على انه وكاله
بس ححط ببالي طرمبه الفورد الي قلت عليها
بس فيها تغير فيش ولا شئ ولا وضعها زي الوكاله فك وركب
1
0
نزلت تجربتي مع طرمبة فورد
اي تغير الفيش نسيت اذكر هالشي بالموضوع
الطرمبة تجي نوعين فيش كبير وفيش صغير
وكل طرمبة يجي معها الفيش يعني مايحتاج تدور بالمحلات
فيش للطرمية
0
1
معاه ضغطها ضعيف وتنحرق عليه بدري اما لو ركبت حقت 8سلندر ناس بالمواقع الاخرى مشت معاهم 4سنين ومازالت تعمل بشكل كامل
وكثير هنا ردو باعلاني وكمان بقسم الجمس حراج لقيت الشعب كله يمدحها وركبتها وانا مغمض
مع اني لقيت طرمبه الفورد اكيد حقتك رقمها نهايته 183 اذا هي برضه مدحوها الناس
وتسلم على موضوعك
1
0
إذا أنسدت تعطل عليك الدنيا كلها حتى المكينه تتضرر ويحصل سدد للعنده مكينه ( أخطبوط ) نفس اللي عندي
غيرت وكاله ثم غيرت تقليد ثم غيرت حقت VXR تويوتا وأخر شي غيرت الوكاله ومشت معي تمام
إنتبهوا من (((((( الصفايه ))))) برغم إنها رخيصه جدا واي واحد يقدر يغيرها فالكم التوفيق
0
0
معي تاهو 2002 له اكثر من سنة ودايم البنزين على الربع واقل وسمعت هالكلام انه يخرب الطرمبة
لكن الى الان ماشفت اي شيء بس متوقع تخرب قريب ^_^
قبل 8 سنه و 4 شهر