استغلال اسمي في السعوده

انا مثلك استغلو اسمي بدون علمي والشركه موقعها بمكه

طبعا نقبلت بوظيفه بالرياض وقالو لي اسمك بالتامينات ونزلته 
رحت مكتب العمل ابي حقي 
قالو لي روح المنطقه الي تسجلت منها يعني بمكه 

انت اول شي نزل اسمك وبعدها روح طالبهم بمكتب العمل 
وحقك تاخذه كامل 

انت أخذت حقك كامل

وكيف الطريقه باللهي

تروح التامينات تاخذ برنت ثم تروح مكتب العمل معاك البرنت وتشتكي علي الشركه

طيب هل اطلع بنتيجه للي مجربين

اخاف تيتي تيتي مثل مارحتي جيتي

ايو تاخذ حقك من الشركة ،، بس يكون هما سجلوك بدون علمك 
انا اشوف لو تروح الشركة تطلب بحقك او تقلهم اسمي عندكم وكذا عاد يعطوك حقك ع طول لان لو اشتكيت عليهم راح يدفعون غرامة ١٠ الالف ريال 

روح التامينات شوف اسمك مسجل من متي لو من مدة طويلة تاخذ حقك كامل 

من متى اسمك مسجل عندهم؟ هل تاكدت انك مدعوم من قبل صندوق الموارد البشريه؟ غريبة ماجاك رسالة على الجوال تفيد بتوظيفك في الشركة؟
علمنا علشان نقترح عليك ايش تسوي

لا والله باقي مااخذت حقي لانه موظف مكتب العمل الي بالرياض
قال لي مراح نفيدك لازم تروح مكه 

مسجل لي تسع سنوات سعوده

يه تقدر اذا كل واحد ببيسكت اكلونا ذا الشركات بعدين تسع سنوات بتطلع مبلغ حتى لو فيها تيتي تيتي حاول وشوف

حسب ماسمعت ان ماتقدر تستفيد ماديًا لان فيه فقره مدري كم تقول لايوجد اجر عمل في عمل

بس انت راح تستفيد اجر خدمه بعدين لما تتقاعد

هم راح تجيهم غرامه بس راح تروح لمكتب العمل بس مدري اذا النظام تغير ؟

اللي عليك تكلم الشركه او اذا تعرف واحد في مكه توكله يروح يكلمهم ويشوف يا يعوضونك او تفضحهم بمكتب العمل

اهمم شي لاتسكت عن حقك

وطمنا وش بيصير معك

معليش بس سؤال كيف تنزل اسمك من التأمينات؟

راتبك 9 سنوات فيه احد كان يلهفه, روح للشركه وهددهم إنك راح تشتكي عليهم.

مارديت وظيفتك مدعومة من قبل صندوق الموارد البشريه ولا لا ؟

فيه طريقه افضل ..

الحين مجلس الوزرا وافق الاسبوع ذا على تبادل المنافع بين مصلحه التقاعد والتامينات .. يعني الحين لهم 9 سنوات حاطين اسمك ف التامينات .. الحين انت توظفت وظيفه جديده .. كل اللي عليك تسويه انك تضم 9 سنوات معك ... يعني كانك موظف من 9 سنوات في وظيفتك الجديده

وهذا القرار اللي صدر الاسبوع ذا

http://www.gosi.gov.sa/portal/web/guest/display-news?NewsId=1866189

انا صارلي مثلك وبحثت كثير وارتكزت الاجوبه على ضم المده لخدمتك أفضل اذا بغيت تتقاعد بدري أو تترقى بس تتفق مع الشركه على مسمى وظيفي نفس وظيفتك طبعاً انا طنشت كل شيء عندي اربع سنوات في الشرقيه وسنتين في الرياض شركات

على فكره في واحد قالي لو تتشاكى انت وهم ماراح تطلع بنتيجه إلا ان التامينات يشييلون السنوات هذي عنك والشركه تتعاقب من وزاره العمل

راجع التامينات لك حقوقك لاتطير عليك.
تاخذها كل سنه لك حق واحسب 9 سنوات راح تطلع بمبلغ كبير
انا كنت مسجل مثلك ورحت ل التامينات واخذت حقوقي ونزلت اسمي