نصايحكم للسفر للمدينة المنورة

يا ريت تقول مين فين طالع ؟

ماحددت انت فين بالضبط بس حاس انگ بجده عموماً

اذا من جده اطلع من طريق المدينه امشي لمن تتعدى كوبري ثول بعدها بيجيك كبري معترض ادخل منه يمين اسم الكبري القضيمه خذي يمين وروح الين تنزل ع طريق المدينه مكة و عطها يسار و اتجه لمدينه سيد الخلق صلى الله عليه و سلم ،،

رحلة سعيدة بإذن الله،،

بالنسبة للسافي مافيه ان شاءالله لان الخط ماهو ساحلي مثل جدة ينبع،،

انا من اهل المدينة نصيحة لك أجل السفر الى نص شهر ١٠ لانه مره زحمه وبالتوفيق 

روح من طريق عسفان لانو يختصر عليك مسافة كبيرة ومايحتاج تمر على ثول
على طول من بريمان تمسك خط مكة الجديد ومن هناك تروح المدينة وتوصل سريع سريع
بالنسبة للفنادق فيه في قربان في المدينة فنادق مرررة كتير ويأجرون عزاب وأسعارهم حدود 200 - 300 ريال في المواسم طبعن فيه أغلا منهم بكتيييير بس هادي ارخص اسعار فنادق في المواسم
وحط فيري لواجهة السيارة حقتك عشين لاتنعدم من الغبار والعواصف وحيكون زي التغبيرة
وخدو معاك وخليه في السيارة ومعاه ليفة او اسفنجة عشين لمن ترجعو تستخدمها تاني في خط الرجعة
وأنصحك تجرب مطعم بابل اللي في سلطانة او حي البحر عشين مافي منه في جدة
ولا يفوووتك سيريه المدينة
ودرب السلامة...

أنت من وين طالع ما حددت 
المهم انتبه تحط فيري يبهت لك الوجهيه لو بوية سيارتك جديدة 
و خط المدينة مسكته كثير بدون اي شيء ع الوجهيه 
مافي الا شوية غبار هادئة و نادرا ما تلاقيها جهة عسفان 
لو قابلتك هد مررره و شويات و خلاص 

لا طريق ينبع المدينه بعيد مع عسفان اقرب 

يعطيكم العافية جميعا اسف ما حددت هههههههه انا من جدة
شكرا لكم ما قصرتو

اذا انت من جدة امش مع الخط السريع مايبغاها تفكير
بس وانت ماشي انتبه من لوحة مفرق المدينة عشان لاتروح جهت ينبع

حياك الله في المدينة المنورة تروح و تجي بالسلامة