ابغى طريقة اطالب فيها بحقي من المرور؟
7
10
إضغط هنا للإخفاء
سلام عليكم
يا اخوان انا صارلي لي حادث من واحد صدمني وصدم 2 غيري, وطلع الغلط عليه 100%, وقدرتها من ثلاث ورش وكلهم كتبو " مكلفة " , وقام شيخ المعارض وعطاها 40 الف ريال, كلشي بالسيارة من الطرف الايمن والامامي طلع حتى الايرباقات
السيارة اكورد 2013, نظيفة ويعلم الله اني مدلعها ودفعت عليها دم قلبي حتى بعد الشراء, عدلت عليها بالانتيك والداون بايب وحساسات وشاشة ووو, لكن الحمدلله!
مالكم بالطويلة, رحت المرور اللي بغرب الرياض, وقال اللي بمكتب الاجراء ترا صاحب الغلط عليه تقديري وانت الثالث, بمجموع سبعين الف لكم الثلاثة, انزل معه وتفاهم لعلك تتنازل, طبعاً انا قلت ماراح اتنازل واتخذو الاجراءات النظامية لاهنتو, ومشيت.
اللي ابي اوصله, الرجال ماعنده تأمين, وانا الان بدون سيارة ودوامي بكرا, وعندي عيال وفرحة رمضان والعيد خربت بسبة الحادث, ابي حقي يوصلني كامل, وهذا اقل حقوقي دام السيارة مصيرها التشليح, ولاعندي استطاعة اني اصلحها اصلاً
فأيش وضع الرجال؟ هل الدعوة كلها بتخرب اذا جا احد وكفله؟ هو على فكرة مب سعودي, حضرمي متسعود حسب اللي شفته.
اتمنى تفيدوني لأني صراحة ما ادري عن اجراءات المرور ولا كيف اتابع موضوعي, ومن اللي شفته تعامل المرور جداً سيء ولا يبون يخدمونك كمواطن او متضرر للأسف.
إبلاغ
الردود
تاني شي لوماعجبك تقرير المرور اشتكي في المحكمة المرورية لتفصل بينكم ولو ماعجبك اطلع للمحكمة العامة وانت ماطلبت الا حقك
4
0
انا ماعندي مشكلة مع تقرير المرور, ولا على تقدير الحادث, انا معي مشكلة بمطالبة حقي, ابي حقي يوصلني ولا يضيع مني.
3
0
ثانيا
لاتخاف حتى لو طلع بكفاله الي يبي يكفله لو ماسدد لكم راح توقف خدماته ويتوهق خويي جاه واحد وصدمهم سيارتين وحده اكورد سعرها التكلفه شيخ المعارض 35
والسياره الثانيه كامري وطلعت 12 الف
صح جلسوا شهرين وهم طردي وراه بس اخذوا حقهم منه
طبعا في مرور الي بالسويدي
بس شوف لو قالك نزل ريال واحد ارفض تراهم يحاولون انك تتنازل ورتاحون منك بس خلك شديد
الله يعوضك خير
5
1
لو يجلس ٤٠ سنه
مافي شي اسمه كفاله ويطلع
لكن انت بتطفش من الانتظار وهو بالتوقيف ماعليه اكل شارب نايم
واذا مامعه مستحيل تحصل احد يدفع له
من تجربه اتكلم والمبلغ كان ٤٠٠٠
اعانك الله
3
3
5
0
1
2
3
0
واللي يتكلم عن سنة سنتين ..
هذا لا يمكن يصير بالوقت الحالي
انا في العدل والنظام تغير ..
صح بتنتظر ... لكن حقك باذن الله بيجيك
وفعلا راح يدوخونك ويصدعون راسك انك تتنازل او تخفض له
المبلغ .... الخ ،،،،،
قبل اقولك ايش تسوي ..
اولا شوف وضع الرجال اللي صدمكم وحالته وهل هو مستهتر او لا ... الخ
لان ما نعرف عن ظروفه .... واذا عندك استطاعه تتساعد معاه اذا كان يستاهل فلا تتردد
فبالاخير انت مأجور ...
واذا شفت انه ما يستاهل .... او ظروفك انت ما تسمح
فتوكل على الله واعمل التالي ..
في اغلب الدوائر الحكومية .. يضربو حساب .. اذا عرفو ان صاحب المعاملة فاهم
وصاحب شكاوي اذا حصل اي ملاحظات عليهم ..
مرجع اي دائرة حكومية اذا تبي تشتكيهم هو ديوان المظالم
لكن لا تسبق الاحداث
الان .. اللي عليك تسويه اذا شفت ان موضوعك فيه مماطلة وتأخير متعمد .. علاطول ترفع شكوى واشرح الوضع لمدير المرور في منطقتك
واسفل الخطاب عاليمين ضع عبارة ( صورة مع التحية لمدير عام المرور بالمملكة )
ثم انتظر .. وشوف ايش راح يعملو لك ..
بعدها .. اذا ما شفت تفاعل واستعجال في حل موضوعك
توجه للنظام المتبع .. واهم شي لا تكثر مراجعات لهم ..
اذا شفت مماطلات .. اختصر الوقت واعمل زي ما قلت لك
لكن الاهم تأكد ايش راح يصير قبل رفع اي شكوى ..
والله يسهل امرك ويرجع لك حقك ..
مادري انا مسافر ومواصل ...
وشفت الاعلان .. وحبيت اعطيك رأيي
لعل كلامي واضح ومرتب
واتمنى لك التوفيق ،،،
14
0
متقروش وضعه وديون عليه ولا على ابوه فحاول تتساهل معهم لو بشيء بسيط لانه يفرق وبالنهاية انت ماجور والعوض من الله سبحانه حتى فالارقاب افضل من العبيد
اما اذا شفت الرجال اوضاعه ميسوره فهو حقك اطلبه كامل والله ييسر لكم ولكل مسلم .
5
0
بالنسبه لوضع السداد لاتصير يائس يمكن الرجال تتيسر ويعطيك فلوسك خلال ايام ولاتتفائل جدا ويتاخر عليك
ابدأ من الحين في مرحلة شراء سياره وضبط امورك ولاتنتظر العوض
1
0
انا بسوي اللي علمتوني اياه لعل الله يحدث خيراً, وبالفعل بديت بمرحلة تاجير سيارة منتهية بالتمليك, مع اني ضد هالشي لكني مُجبر والله يعلم بالحال.
2
0
بشرنا وين توصل امورك
0
0
0
0
هذا لو كان مسوي تأمين كان انحلت المشاكل
نصيحة يا اخوان لا تمشوا بسيارة ما فيها تأمين
قبل 8 سنه و 3 شهر