وزارة النقل تجلد مكاتب التأجير وتعطيهم قانون جديد

قرار في محله صراحة
رحيمي اخد سيارة قبل فترة ب 130 ريال وقضى مشواره ولمن انتهى المكتب خصم عليه اجار يوم كامل بس رجع رحيمي اخد السيارة وفرفر فيها الى ان انتهت الكيلوات المقررة له ورجعها

مشاكل مكاتب التأجير كثيره +1 لايك للجميع

قرار سليم ان شاء الله ينزلو نفس النظام للشقق المفروشه والفنادق

قرار ممتاز 

احيانا تبغى السياره من الصبح للمغرب ويحسب يوم كامل 

انا استاجرت باترول ب٧٥٠ اليوم واستاجرته بعد الضهر يوم خميس 
وجيت يوم الجمعه برجعه مقفل ولبقته عند المحل وجيته بعد العصر 
قالي بيطلع عليك حق يومين قلت ليه قال خلاص دخلت باليوم 
الثاني قلت كلها اربع ساعات من الضهر الي العصر يعني ليش 
تاخذ حق يوم جديد وانا جيتكم بس انتم مقفلين بعد صلاه الجمعه
والحل قال السستم بيحسب عليك حق يوم ثاني 
يعني انا استاجرته الساعه وحده يوم الخميس وجير ارجعه 
الجمعه مقفلين الساعه وحده ومافته الا العصر مو ذنبي ياخذ حق يوم 
الجمعه المهم انه اخذ وطلعت مقهور والله 

الوفاء لو اني مكانك اخذه وافرفر به


لكن يالله يمكن خيره افتكيك منه

والقهر انه حاسب علي حق يوم الجمعه ولو احد جا اخذه بعد المغرب بيأجره 
وبيستفيذ وانا الضحيه مو بس السيارات عندك الشقق تجيه الساعه ١١ 
الصباح تستأجر شقه يقولك معك الى اربعه العصر وتدفع حق يوم جديد
ليش مو ضلم كذا المفروض الوقت الي جيت فيه اطلع ويحسبلي 
٢٤ساعه من لحضه دخولي 

قالي خذه ورجعه لي يوم السبت وانا خفت لان مامن حول الخمسه 
الاف واي دقه يطير علي المبلغ نضامهم زفت شركه حسين للتأجير 

الحمدلله اني ناشب لحقين الاجار هههههههههه

استاجرت بانيميرا يومين عشان زواجي

وكان يوم التسليم يوم جمعه
ووقت توقيع العقد قلت له الجمعه تفتح الظهر وقت التسليم
قال لا قلت وكيف اسلمها العصر عشان تحسب علي يوم جديد

قال مو مشكله مش حنحسب لك يوم جديد

لان لو اشتكيتهم تراها في صالحك

وكم مره استاجرت من المفتاح وارجعها قبل الوقت المحدد بكم
يوم يرجعون لي الباقي كاملا ومايخصم الا حق اليوم اللي استعملتها فيه فقط

الوفاء طبعي ودي اصفقك ياخي سالفتك تقهر 
ياخي على اي اساس تدفع له حق يوم ثاني 
وانت ماستخدمت السيارة !! ماله اي حق ياخذ منك ريال 
واحد زياده بسس نصب علييك والله لو اني بمكانك اعطيه 
حق المدة اللي استخدمة فيها السيارة وامشي واخليه  
و

القرار ممتاز

لكن هل مكاتب التاجير تطبقه

يا اخوان القرار هذا لو صدر ماهو بصالحنا ابداً

لأنه راح يتعاملون بالساعات هل تعرفون ماذا يترتب عليه

يترتب عليه زيادة فلوس الايجار

وتذكروا كلامي لو مثلاً اخذت سيارة 3 ساعات كم يأخذون علي ,,, يعني تبغا تقنعني بيأخذون مني 40 او 50 ريال لو اخذت اكسنت


القرار ان شاء الله مايصدر لأنه مضر لنا

هههههههههه قال تجلد مكاتب التاجير قال
القرار راح يجلد المستاجر جلد
لو نفترض هونداي اكسنت اجارها الحين 80 ريال و راح تصير الايجار بل الساعة ومدة الايجار اليومي 24 ساعة الحين
اتوقع اقل شي الساعة ب 10 ريال يعني تاستاجرها 10 ساعات ب 100 ريال وهي كانت 24 ساعة ب80
او الساعة ب 5 ريال وهاذ السعر مستحيل راح تستاجرها 24 ساعة ب 110 ريال

سيارة العاب الملاهي العشر دقائق ب 10 ريال ههههههههههه

لا يوجد قرار جيد .. الا يلحقه شي يضر بالمواطن المسكين ..

المواطن دائماً هو المتضرر ..

لا تنسون ..
السعودة من اللي تضرر منها ؟؟
رسوم الاقامة من اللي تضرر منها ؟؟

كل قرار يضر التاجر او المقيم ..... راح ياخذوه من ظهر المواطن 


وهذا دليل سوء التخطيط والادارة عندنا .. مع كمية كبيرة من الفساد

طيب والي سمعته الحين تبي تستاجر اكسنت لازم تامين بسمك تدفع 2000 وحوله صدق