أضف سؤال أو موضوع جديد          

ماهي افضل سياره مناسبه

up 3 down 2
i6rb_ 163
قبل 2 سنه و 11 شهر



السلام عليكم

مالكم بالطويله وكثر الهرج
انا رجال معي 30 الف ومحتار جداا
انا كان براسي كابريس2008 اشتريها نقول ب 21
وانفضها بالباقي الفكره الى الان براسي
وقلت وش لك بالنفض واشتر لك كوريلا 2013 وتكد معك
قلت الكورلا شكلها ماهو فخم افالون 2007 افخم بس مدري كيف
وقلت سوناتا و قلت ددسن وقلت صني 2010 اخذها ب 12 وتككد وواكرفها كرف
بس االي وقف اني ابي سياره منظرها حلو
وكان معي شبح منظرها حلو بس انها كانت تطفشني بالصناعيه بسبب مافيه ذمه بالشغل
انا اقول الحين هل ادور شي فخم واتكشخ فيه ولا اني اخذ سياره تكد معي لين اطفش منها
وش رايكم يارجال







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مد رجليك على قد لحافك وحاول تجمع الحسنيين تختار سيارة شكلها مقبول ( لك مو لغيرك ) والنقطة الاهم تعيش وتكرف وتكد معك وماتخسر عليها لانك مو كل يوم راح تشتري سيارة عشان كدا فكر واختار وشاور وربي يعطيك خيرها ويكفيك شرها ا


up 3 down 0
العمدة 1434 1188
قبل 2 سنه و 11 شهر



وعليكم السلام ورحمة الله وبركاته

أنا مع الأخ العمدة مشي حالك باللي تقدر عليه الآن لين الله يوسع عليك
أنا نصيحتي لك أبعد عن المستخدم أريح لك
وارشح لك أكسنت 2016 قير 6 سرعات تحصل على 34
سيارة شكلها جميل + جديدة + عملية + مرغوبة + قطعها متوفرة + 3 وكلاء
وريح راسك من المستخدم وبلاويه، هذا شوري.

موفق


up 6 down 2
starting 1042
قبل 2 سنه و 11 شهر



وعليكم السلام

أشتر راحت بالك قبل كل شيء

خذ الموتر أخو النضيف وأبعد عن المواتر ألي ملقيه وجها للورش

ب٣٠
عندك الكورلا والألنترا والأكسنت 


والكشخه تحتاج دراااهم ,,
وبتوفيق لك


up 3 down 1
raeed.55 287
قبل 2 سنه و 11 شهر



من واقع تجربه ... الشي الجديد حلاوته بالكثير كم شهر وبعدين يصير عادي
وانت عاد مجرب الصناعية وقروشتها .. السيارة وسيله فقط ودور الوسيله اللي ما تكلفك ولا تشغلك
لو بتكشخ اكشخ بملابس ولا اكسسورات وساعات وعطور على الاقل الناس تشوفك باللبس طول اليوم
مو زي السياره بيلمحونك وسطها ثواني


up 5 down 2
als7aimy 1171
قبل 2 سنه و 11 شهر



عندك السيراتو زينه بعد 
ومثل مقالو الاخوان 
اشاركهم الراي 
ابعد عن القديم ودور الجديد وحق الكرف 
ماراح تلاقى افلون 2007 نظيفه نادر هالشي 
الله يرزقك


up 2 down 0
س ي ف 161
قبل 2 سنه و 11 شهر



تبي شكل حلو  زود فلوسك شوي وخذ اوبتيما 2015 او 2014 شكلها حلو وتكرف وشبابيه او خذ سيراتو وكالة ونفس الشي ينطبق علئ هيونداي


up 6 down 1
علي عبد المحسن العنزي 102
قبل 2 سنه و 11 شهر



انت ماوضحت وش تبغاها له يعني خطوط ولا تبيها للاهل بالديرة ولا كيف اذا ماتبيها للاهل شوف لك هايلكس غمارة 30 بتجيبلك 2008 او9 شكلها لابأس فيه وسيارة عملية جدا انا مجربها ماشاء الله تكرفها كرف ماتقول لا وميزتها خط + بر واذا عاد نيتك فسيارة وسيعه خذلك النترا 


up 3 down 2
برق الحيا 88 595
قبل 2 سنه و 11 شهر



30 الف رح دور لك فوردات 2006-2008 نظيفات تكد معك وشكلها زين وواسعه ومريحه اما الكابرس بلاويه واجد وهو جديد الناس تخاف منه وشلون مستعمل وموديلات 10 وتحت


up 4 down 4
فيصل طلال... 147
قبل 2 سنه و 11 شهر



لو تزيدها شوي تجيبلك مازدا ٦ ٢٠١٤ 
ممشى تحت ١٠٠ الف ، موديل حديث و شكل جميل و قطع رخيصه 



up 1 down 2
ابن موسئ 178
قبل 2 سنه و 11 شهر



اجمع الثنين خذ سياره عمليه وشكلها حلو 

وعندك الالنترا والكورولا وبتلقى موديلات 2013 و2012 

شيء نظيف ويخدمك كم سنه قدام 

انا كنت مثلك معي 35 وفكرت اخذ جيب موديلات 2003

بعدها استخرت وشريت كورولا كلها كم سنه لين تزين الامور

ثم اشتر السياره الي براسكك 




up 1 down 0
abomesal 1030
قبل 2 سنه و 11 شهر



لازم تحدد اول تبي منظر ولا شي يشيل رجليك وبس
وانا نفس وضعك اول والحمد لله شريت بحدود 15 الف لانسر 2009ماشي 100 شيي يمشيك وياباني يكرف والباقي انت اولى به
وشكلها حلو ماعليها


up 0 down 0
299
قبل 2 سنه و 11 شهر



يا رجال اهم شي تشتري سيارة نظيفة وتكد معاك وتكرف ولا تقول لا
اما الكشخه ما منها فايدة والله لا ويمكن يحسدونك ضعاف النفوس


up 0 down 0
loody_23 362
قبل 2 سنه و 11 شهر



يعطيكم العافية يارجال
وانتم صادقين الله يسعدكم


up 0 down 0
i6rb_ 163
قبل 2 سنه و 11 شهر