أضف سؤال أو موضوع جديد          

لعب عيال هو ولا ايش بالضبط ؟

up 7 down 0
غشيم 363
قبل 9 سنه و 2 شهر



السلام عليكم

مساكم الله بالخير مدري صبحكم كلها واحد..

يوم الجمعة نزلت موضوع هنا بخصوص استشارة بشرا كابريس اس اس ٩٦ 

وكنت متفق مع راعية ع عشر الاف ريال..
اليوم كلمته قلت خلاص انا شريت الموتر بحدك عشر الاف ريال؟!

قال هاااه والله موتري يسوا اكثر من كذا وعشانك صامل ومستخدم ببيعه عليك بحدعش الف !!!!

عجيب والله امس تترجاني اخذة بعشرة واليوم تقول حدعش؟!

قال غيرت رايي!!

بقريح يقرحة هو وسيارتة بس ليش الاستهبال والاستعباط ع راسي !!

بين يوم وليلة زاد الف ريال< شكله شافني خاق ع الموتر قال بس هذا الاهبل صيدة 

عاد انا دايما مصيود نفسي مرة بحياتي اصيد..

وربي قهر نفسي بالسيارة وش اسوي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الي كاتبه الله بيصير  
واذا لك نصيب في السياره بتشتريها 



up 2 down 0
املاك الخير 1860
قبل 9 سنه و 2 شهر



بعدك ماشفت شي انا حاولت اشتري وابيع كذا سياره بس للاسف يا انه صاحبها يمغطها بسعر خيالي او يطلع فيها حادث ويقولك اهم شي الشاص سليم ؟؟؟ ومره طحت فواحد يقولي السياره نظيفه على ذمة صاحبها الاولي !! يوم جيت فحصتها الا طلعت مصدومه ؟؟؟ قال انا قلتلك على ذمة صاحبها الاولي وصاحبها الاولي يقول انها نظيفه .... طبعا حركه جديده عشان يخلي نفسه من المسؤليه اذا طلعت غبي وشريت اوكيه واذا طلعت ذكي وكشفته يقولك والله مدري على ذمة صاحبها الاولي !!! بصراحه مره وحده اللي بعت فيها لاب توب فقط بعد كذا البيع والشرا يخوف وهذي الحركه اللي مريت فيها انت اغلبهم يستخدمها كذا وقت الجد يرفع من القيمه او يقولك فيه غيرك سامها على الجوال ههههههههه قديمه هالحركه بس كويس انك طنتشته وماخليته يلعب عليك


يبووووووووي بكيفه .. يمكن خيره من ربي و رحمه منه انه بعدك عن هالسيآره
بالعكس لو انا منك والله لا اروح اصلي ركعتين اشكر ربي فيها 
و بعدين ي غآلي بدآل السيآره سيآره اطلق منها 
صدقني خيره اخوي .. واللللللللللللله خيره :)

اخواني صلوا ع رسول الله .. قال صلى الله عليه و سلم :
(من صلى علي صلاه واحده .. صلى الله عليه بها عشرا )
انصروا رسولنا  الحبيب بالصلاة عليه 
صلى الله عليه و سلم 


up 14 down 0
عبدالله الشهري1987 2362
قبل 9 سنه و 2 شهر



اتركه وان شا ء الله يرزقك باحسن منها وارخص منها  واذا تبغا تشتري سيارة  سوي نفسك مالك رغبه في السيار عشان مايستغلك  راعيها


up 6 down 0
كوكو888 561
قبل 9 سنه و 2 شهر



يمكن الله مبعدك عن شر والله يرزقك بأحسن منه


up 4 down 0
أبو جمعه 38
قبل 9 سنه و 2 شهر



هلا فيكم حياكم وبياكم منورين ..

فعلاً فيه ناس فيها كمية استهبال واستعباط غير طبيعي ..

طيب خلاص عطيتني كلمة ..

انا واعوذ بالله من كلمة انا ..كان عندي شبح ٩٥ حجم٥٠٠ يسام مني بثلاثين ورافض بيعتة

في ليلة غبرا ما فيه ضو قمر .. كنت طالع من الرياض رايح للقصيم فجاة ارتفعت الحرارة وكملت ماشي ولا فكرت فيها 
قلت خلاص المكينة مخبطة مخبطة(دلخ) وقفت السيارة عند البيت وحراتها اتش طفيتها 
ثاني يوم جيت بشغلها عيت تشتغل .. تركتها ما يقارب الشهرين ..

جاني رجال وسامها بعشر الالاف ع حالتها .. قل تم واطلقت النية بالبيع ع هالرجال الطيب شرواكم..

بس قالي بيدبر الفلوس وبعد يومين بيجي ياخذها قلت اوكية ما عندك مشكلة ..

من اليوم الثاني اخوي تلقف وحاول يشغلها .. شرك لها من سيراتة واشتغلت ما فيها الا العافية 

والمكينة كانت توب التوب .. جا الرجال بياخذ الموتر واخوي وقف لي قال ما تبيعها بعشرة السيارة تجيب ثلاثين

قلت وخر بس يا ورع الرجال يمسك من لسانة..

بعتها بعشر الاف 

وبعد فترة باعها صاحبها ب٣٥ الف ريال 




up 17 down 2
غشيم 363
قبل 9 سنه و 2 شهر



تم توزيع الشرهات(الايكات)..يطولي با عماركم يالزكرت


up 5 down 0
غشيم 363
قبل 9 سنه و 2 شهر



ههههههههههههههههههههههههههههههههه
عنجد غشيم عنجد قهررررررر 


up 1 down 5
ياسر العتيبي .. 503
قبل 9 سنه و 2 شهر



لا إله إلا الله ... محمداً رسول الله
سبحان الله وبحمده .. سبحان الله العظيم
سبحان الله و بحمده عدد خلقه و رضا نفسه و زنة عرشه و مداد كلمات


up 6 down 0
كوكو888 561
قبل 9 سنه و 2 شهر



غشيم اشهد بالله انك كفو واشهد انك رجل وعند كلمتك فرق 25 الف وبعض الناس غير كلمته عشان الف ولا الفين


up 5 down 1
ق ق س 342
قبل 9 سنه و 2 شهر



كلمة الرجال كلمة وانا اشهد معوض اخوي غشيم 

سبحان الله وبحمده .. سبحان الله العظيم


up 3 down 0
هيرو 364
قبل 9 سنه و 2 شهر



ذكرتني بسالفة صارت لي واحرجت نفسي بنفس قصتك ياخوي

واحد عارض ماركيز 92 ب 4500 "حد
"


كان الوضع المادي عندي لك عليه وقمت تسلفت هال 4500 بدون ما اخذها

يعني اتصلت على واحد وقلت معك 4500 قال تم ابشر بس مامعي زود ترا قلت مابي غيرها اصلاً



وارجع اتصل على راعي الماركيز


قال هي هييي السوم تعداك وصار 5500

وسكرت بوجهه ورجعت اتصلت على راعي الفلوس قلت خلاص ماعاد ابيها




حركات وصصصصصخه



up 4 down 1
YASSER505 4174
قبل 9 سنه و 2 شهر



اللي من الله حياه الله
و ما يصير الا اللي كاتبه ربك
توكل على الله


up 2 down 0
abu zain 257
قبل 9 سنه و 2 شهر



انتبهو يا اخوان ترى اغلب اللي بالموقع شريطيه وما يحللون ولا يحرمون الا من رحم ربي .


up 2 down 1
ابوالهلي 63
قبل 9 سنه و 2 شهر



كرهه بسيارته وبا تشتريها.. يعني قل خلاص أنا من شكله خاق معه.. كم تبي بس ..وبعدين إذا عشمته
بأنك راح تشتري وصامل.. قابله .. وشف السيارة وسو أنك فاهم وتفحص الموتر .. بعدين قل للحيوان..  موترك لو تعطيه لي
ببلاش ما أخذته


up 0 down 0
ب ط د 1234 16
قبل 9 سنه و 2 شهر



ولا يضيق صدرك بداله الف 


up 0 down 0
b1970 88
قبل 7 سنه و 7 شهر