وش رأيكم ف سياره جديدة

السلام عليكم أنصح كامري 
او اكورد معه انها صينيه 
ثم سوناتا  ع عموم قبل كل شي استخير انصحكك الكامري عمليه 

صدقت الكامري منتشره كثير دليل أنها عمليه وزينة
انا بصراحه قلت كامري أو أكورد والمهم عندي أسعار القطع والصيانه محتار فيها .....

اسعار قطع الغيار تهمك ابعد عن الاكورد نهائياً

وجهة نضري السوناتا ثم الكامري ثم الاكورد لاكثر من سبب اولا قطع غيار وثانيا السياره صارت تصنع في الصين ولا تنسى قير الـ cvt السيء 

اشتر اللي يناسبك انت

كلها سيارات عملية وحقت مكدة

الكامري اقلهم مواصفات

السوناتا مواصفاتها حلوها

الهوندا مشهود لها بالقوة والمتانة والصبر

الكامري عملية فقط يعني لا ترفيه لا مواصفات

تبي والله سيارة تقول ابي اشغل وامشي وما يهمني لا مواصفات ولا شيء واستاندر خذ كامري

تبي متانه ورساوة وجودة خذ هوندا

تبي مواصفات حلوه ودلع وسيارة عملية وسعر النص فل منها يوازي سعر الهوندا والكامري استاندر خذ السوناتا

اتمنى اني وضحت لك وش الاساسيات في السيارات

بالتوفيق

الكامري كد ومد لكن مثل ماذكر قراندي فقيرة مواصفات
الاكورد افضل مواصفات وتكد اكثر من الكامري لكن قطعها اغلى
السوناتا الشكل الجديد سمعت ان فيه مشكله بالتكييف يفصل

انصحك بالاكورد كانك تبي النصيحه

ثم

الاكورد


ثم



الاكورد

يا بعض الناس مخه مقفل على الاكورد من سنين
انتهت الاكورد من صار القير CVT و طلعت عيوب التجميع الصيني
و استبدال المكاين و هي جديدة و من قبلها يعيبها قساوة المراتب و السعر مرتفع على سيارة
مهما كانت تبقى اربع سلندر

والله ان كان تبي ترتاح من الورش وتبغى سيارة تدوم معك خذ الكامري ، الوالد معه كامري ٢٠١٠ وكادها كد والحمدلله امورها كويسة ماغير اقمشة وزيت وبعض القطع الاستهلاكية ، من ناحية السوناتا مواصفات صح بس مافي جودة واحد من الشباب معه ٢٠١٦ تعلق الشاشة وفيها طقطقة كثيرة 

الاخ
camry grandi 99
اعطاك العلم المضبوط

الكامري هي زينه بس ما فيها مواصفات تحمسك تشتريها أما سوناتا نص فل رهيبة ومواصفات ممتازه واكورد زينه بس غاليه مره وشكلي بأخذ سوناتا والله كريم
والف شكر لكل من رد وسلامتكم