ماهي اجراءات استخراج رخصه

و عليكم السلام و رحمة الله و بركاته,

طبعا اول شي تروح دلة تسوي فحص نظر و بعدين تشوف لك عيادة تسوي فحص دم, و عقب الفحوصات هذي تاخذ لك درس 

يشرح لك فيه مدرس عن الطريق و اللوحات و حتى الأشياء المكانيكية بالسيارة.  وثم , تشوف لك يوم الصباح و تروح دلة

تقدم امتحانين نظري و عملي.  واذا ان شاء الله نجحت في هالامتحانين تستلم رخصتك في نفس اليوم بعد الظهر.

اما بالنسبة للمخالفات هذي ما عندي ادنى فكرة فيها, سامحني.

اللي عطاني دسلايك اقول له شكرا

يعني انا مطلع رخصة من 2004 و مريت بكل اجراءاتها يعني قلت اللي متذكرة و اللي صار معي.

الله يجزاك خير ماقصرت يالغالي
لو اقدر اقيم عطيتك لايك
دله وين هذي؟

دلة هذي مدرسة تعليم السواقة و هذي تابعة للمرور.  موجودة في مختلف مدن و مناطق مملكتنا الغالية.

لها فرعين في الشرقية في بالخبر و الدمام ما ادري اذا فيه في باقي الشرقية مثل الحسا و القطيف.

اذا كنت سعودي وعمرك فوق الـ 18 في نفس اليوم تاخذها
واذا كان عمرك اقل من 18 او اجنبي لابد تدرس 5 ايام وعلى أتذكر كانوا ياخذون حوالي 500 ريال للدراسة
قبل كل شيء محتاج صور شخصية وملف اخضر وفحص دم ، بعدها اطلع دله
اول شيء يسوون لك تقييم اذا تعرف تسوق او لأ ، ونصيحة اذا ما تعرف تسوق قير عادي خش عند الادارة وخل المدير يوقع لك
المهم بعدها تدخل محاضرة على السريع واختبار كمبيوتر اشارات ثم اختبار ميدان
يخلونك تلبق بالريوس ، ويبغونها على طريقتهم بدون ما تناظر بالمرايات بس ما عليك منهم اسحب عليهم وخلك على المرايات
انا سويت كذا لبقت اي كلام وطلعت وجاني ملفي ونجحت ودفعت قيمة الرخصة ورجعت البيت

والله اسوء ايام كانت ايام دله ، والله ما عندهم غير الدجة

الشروط عمرك يكون فوق ١٨ 
ملف اخضر 
بطاقة الاحوال + صورة 
٤ صور ٤*٦
تروح مدرسة القيادة يعطوك ورقتين 
ورقة معلوماتك 
ورقة فحص تروح المستشفي تفحص 
اذا رجعت لهم تختبر تجريبي 
وبعدين تاخذ درس عن الاشارات
اليوم الثاني تختبر قياده و حاسب (اشارات)
اذا تمام تستلم الرخصة نفس اليوم 
( بس ما راح يعطوك الرخصة الا لما تسدد مخالفاتك )!
وبس