أضف سؤال أو موضوع جديد          

كابرس ولا تشارجر؟

up 3 down 2
h7h7k 4
قبل 5 سنه و 10 شهر



السلام عليكم

انا ناوي على سيارة
كابرس او تشارجر 15 6 سلندر
وش تنصحوني بخصوص الخدمة والخرابات
وقطع الغيار وعندي ميزانية 70 الف تزود او تنقص شوي
تكفون اعطوني الصراحة بدون تعصب







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلهم سوا

اذا تبغى سيارة عزم وطرب خذ كابريس لانها 8

واذا تبغى دلع وشكل جديد خذ تشارجر

انا لو مكانك باخذ كابريس لاني استخدمها لي سنتين ولا قد شكت


up 5 down 0
معالم التقنية 145
قبل 5 سنه و 10 شهر



لا ذا ولا ذا اثنيهم ماهم عملي 
ميزانيتك تجيبلك كامري خليجي ستنادر او مازدا 6
واكرفهم وافضل من الاثنين الي فوق


up 2 down 16
mohammed1368 155
قبل 5 سنه و 10 شهر



الكابرس 8 سلندر ماتجي 6 وصرفيتها عالية للبنزين وخرابات ماتخلص 

التشارجر اهون شوي ولكن قيرها حساس 8 نمر ما شفت احد اشتكى منها لحد الان 


up 1 down 11
benz lover -74
قبل 5 سنه و 10 شهر



الكابرس من عام 2011 صار يصنع بامريكا وخرباته قلت عن اول بكثير ويخدم لكن شبعنا من شكله
اذا تبغى ترفـه نفسك شوف التشارجر لكن الحقيقه وكيلها مايمدحونه
اذا محشور على الخيارين ارشح التشارجر وبالله التوفيق


up 4 down 1
abo_3bdalsllam 62
قبل 5 سنه و 10 شهر



ابعد عن الكابرس الكابرس حلاته اول سنه وبعدها يبدا يطلب وخرابته متدري ويش تبي 


up 2 down 8
hart90 25
قبل 5 سنه و 10 شهر



70 الف ما تجيب كابرس 2015 شي عليه الكلام 
يعني يمكن مرشوش جنب ورفرفين جهة ثانية كذا يعني 
عندي 2014 فضي رش بابين يمين ورفرف ع الجهة الثانية كلها رشات خارجية الحمدلله 
واصل 61
بخصوص المقارنه كلهم ماشاء الله مواتر بطلة
صرفية الكابرس 8 سلندر كانك راكب 6 سلندر قير مريح واربي ام نازل ونظام توفير وقود
الفخامه بالتشارجر اكثر لكن ضريبتها قطع اقل توفر وصيانه اغلى
بخصوص الي يقول الكابرس خرابات قوله يجيب الله مطر
جربت 06 و 11 و 12 و 13 و 14 كل انواع الاستخدام 
وماشاء الله شيخ 



up 3 down 1
ليزو 481
قبل 5 سنه و 10 شهر



كبير انا وبنز لوفر جاتنا دس لايك عشاق الكباس هههه

الحقيقة واضحة اثنيهم مخيسين والتشارجر افضل 
بس مشكلة قير 8. نمر zf حساس بعكس قير مرسيدس القديم خمس نمر كان عملي

والكابرس  هولدن اخس ما صنعت قارباج موتورز من ناحية الاعتمادية 
صنعوه بس حق دوس ومقاوم واكبر دليل على كلامي تصنيف السيارة
بعكس التشارجر افضل بس قيره حساس والوكالة زبالة


up 2 down 6
mohammed1368 155
قبل 5 سنه و 10 شهر



^^. تحصلهم يردون عليك بغرفة الانتظار بالورشة هههههه


up 1 down 5
benz lover -74
قبل 5 سنه و 10 شهر



ياخي كم انت فلة
الي ما يطول العنب حامض عنه يقول



up 4 down 1
ليزو 481
قبل 5 سنه و 10 شهر



بعيدا عن التعصب، انت اخوي حطيت مقارنة بين سيارتين بينها اختلاف بالفئة وحجم المكينة والوكيل والشيء اللي متشابه بينها
انها سيدان فأنت شوف اللي يناسبك شخصيا،
تبي سيارة عزمها قوي خذ كابريس تبي سيارة عزمها على قدها ويمكن خراباتها أقل خذ تشارجر
اذا تبي سيارة قطعها متوفرة بمحلات قطع الغيار والتشاليح اذا صار عندك خراب عليك بالكابريس يعني تقدر تمشي حالك بالقطع
التشارجر غالبا راح تنحد على الوكيل او محلات محدودة بس يمكن تكون من النوع اللي ما يركب الا أصلي وما يثق الا بالوكالات
فوقتها بتناسبك التشارجر
اذا ما تهمك المواصفات فالكابريس أنسب لأن الفخامة فيه قليلة وخصوصا انك الظاهر تقصد LS بالمقارنة
اذا تهمك المواصفات فخذ تشارجر لأنها بتكون أكثر من الكابريس.
اذا يهمك تكون السيارة أصيلة ولها شعبيتها بالسعودية والخليج راح يكون الكابريس أفضل بالمقارنة ولو انه ما أخذ من الأصالة الا الإسم
اذا ما تفرق معك النقطة هذي اللي هي موضوع الإسم وماركة السيارة فيمكن تميل للتشارجر
لا تنسى الاستخارة وبالنسبة للمبلغ اللي رصدته فيه البركة لكن أتوقع لازم تزيده عشان تلاقي سيارة نظيفة جداً وما تبهذلك

وعموما خذ لك ورقة وقلم اقسم الورقة 3 أعمدة مثل الجدول واكتب الأشياء اللتي تهمك في أي سيارة ومواصفات السلامة والأمان
بعد الله والمميزات وبالعمود الثاني مثلا الكابريس اكتب صح أو خطأ حسب وجود الميزة من عدمها والتشارجر كذلك واجمع النقاط
وشوف وين اللي تحصل على نقاط أكثر ( هذا في حال انك مرة احترت حتى بعد الإستخارة ونسبة ميولك لكل سيارة 50% )

والله يعطيك من خير السيارة اللي ييسرها الله لك


up 3 down 0
الحويزي1 1128
قبل 5 سنه و 10 شهر



أشكركم فرداً فرداً
وجزاكم الله خيراً
وعندي سؤالين:
انا محتار بين الأبيض والأسود في السيارتين؟
وهل الأبيض في الدودج هل هو ابيض عادي او لولي؟


up 0 down 0
h7h7k 4
قبل 5 سنه و 10 شهر