بخصوص الللي يمسك اليسار ويضايق الناس ببطئه ...

63 49

لايمكنك التصويت حتى الحصول على 20 نقطة على الأقل
إضغط هنا للإخفاء

benz lover -78
قبل 8 سنه و 10 شهر

السلام عليكم جمعة مباركة علينا وعليكم 

الموضوع هذا قاهرني الا وهو اللي يمسك المسار الايسر خصوصا اللي معاهم بقرة تويوتا ( السكويا ) او الجمس اللي ماتقدر تشوف وش قدامه وتبعد شوي تشوف اللي قدامه تحصل السراب البعيد باين من كثر المسافة بينه وبين القدامه 

تعطيه عالي مايبعد بواري على الفاضي واخر شي يوم تبي تتخطاه من اليسار الى الوسط فجاة يكسر على مسارك الاوسط يتذكر ان في احد يبيه يبعد او ان جيت تتجاوز يدعس كانه بتقاومه لعب عيال ! او تلاقيه سواق جديد ماسك الطارة بيدتين او ابو هنود معاه كرسيدا ويلا تمشي الشكمان يحك بالارض او واحد يكلم بالجوال ولا هو حولك ابد ودك تجلده بالعصا وبالنسبة للشايب ياخوي خلك بالمسار الاوسط ولا تعطل الناس عن اشغالهم انا اتكلم ضمن السرعة القانونية داخل المدينة 120 على الدائري وخلافه ما اتكلم عن السرعة الجنونية 

والنقطة الاخرى اللي يجيك يوتيرن مثلا طريق الثمامة لاهل الرياض تلاقيه ماشي 60 قبل اليوتيرن بكيلو ليه ياخوي ؟؟؟ اجلس انتظرك انا !! ولو جيت تعديه يكسر عليك بكل وقاحة 

والنقطة الثالثة اللي يشغل الناس بالفرامل كل شوي من غير سبب اذا انت خايف ارجع لدلة اللي علمتك تسوق وتعلم زين وارجع للشارع !

النقطة الرابعة اللي يلحم فيك بالطريق وانت قدامك سيارات ويسوي زحمة وفجاة تلاقيه اختفى من خلفك وطلع مع مخرج استغفر الله العظيم كل ذا الهياط واخرتها المخرج قريب ؟؟؟

النقطة الخامسة اتمنى يمنعون الزينون الصيني لانه يعمي خلق الله ويضايقهم تلاقيه معاه هايلكس ولا ددسن ولا اكسنت قديم بدون طيس ويكبس للناس من بعيد كانه طفل شاري لعبة وفرحان فيه عسى يديه تنكسر اللي يسوي كذا 

النقطة السادسة السواقة بعد منتصف الليل كانك بحرب شوارع انواع السرعة الجنونية والتخييط والسكارى والمحبحبين نصيحة يا اخوان مالك شغلة ضرورية لا تطللللع الله يكفينا شرهم 

واخيرا ملاحظة لموقع حراج اتمنى يسمحون تحميل الصور بالردود لان الشرح بالكلام بعض الاحيان متعب 

وهذا مقطع فيديو واقعي من اخونا المصور طارق اوجهله تحيه

ومقطع اخر للوناسة وتغيير الجو :) وحياكم الله جميعا .... 


https://www.youtube.com/watch?v=nGn3AxumNF4

https://www.youtube.com/watch?v=Cb5GQAzEAso




 

إبلاغ

الردود