أضف سؤال أو موضوع جديد          

المكينة طقطقة قوية كنت بغيرها لكن انحلت

up 37 down 1
ابن علوش 127
قبل 4 سنه و 4 شهر



بسم الله الرحمن الرحيم 
السلام عليكم 
العنوان كان طويل لكن بختصر الموضوع 

السالفة معي كامري 2000 قراندي
وقبل فترة طلع معي صوت طقطقة واهملت الموضوع
حسيته عادي بحكم ان الموديل قديم
لكن كل فترة يزيد الصوت لدرجة احس المكينة مافيها زيت
الصوت يظهر اذا وصل ضغط المكينة حول 2 rpm
ويختفي بعدها 
رحت للورشة الاولى قالي صوت تكايات مكينة 
الورشة الثانية قالي مقدر احكم عليها لين افك المكينة وافحصها قيمة الفك والفحص 500 ريال 
قال لو تغير مكينة افضل 

وطلعت من الصناعية وانا يائس 
المهم مريت الصناعية اللي حول المعارض لعل وعسى القى كلام ثاني
جيت على باكستاني متربع على كبوت ددسن يمزمز شاهي ويصلح فيها
قلت صديق تعال اسمع صوت المكينة وادوس عشان يسمع الصوت
قال هذا صوت شداد سير التيمن 
قلت متأككد قال متأكد هذا مشكلة شداد روح جيب سير وشداد
شريت السير ب 180 والشداد شكله مثل حرف T  ب 180 ايضاً
وركبه لي ب 400 شغل يد 
والحمد لله لاطقطقه ولايحزنون
هذي تجربتي والسلام عليكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيك العافيه على طرح التجربة مع إضافة الحل

بس الحين كيف هالسباكين يقولون صوت مكينة ؟؟ يعني بالله لهالدرجة غباء او ما يعرفون او يبون ينصبون عليك

يعني اعتقد للي فاهم ميكانيكا مستحيل ما يعرف يفرق بين صوت التكايات وصوت الشداد !!

على العموم أتمنى من كل شخص بيصلح شيء في موتره يمر كم ورشة لين يدور اسهل واقل تكلفة للتصليح

لا يصلح من اول مرة الا اذا كانت وكالة او ورشة انت تعرفهم شخصيا وشيء سهل بعيدا عن القير والمكينة والدفرنس

بالتوفيق ان شاء الله




up 1 down 0
camry grandi 99 7274
قبل 4 سنه و 4 شهر



كلامك صحيح
وأيضاء أحب انوه بضرورة تغيير السير وشداد السير كل 150ألف على الأكثر
لأن لو انقطع بتضرب البساتم ف البلوف وتودع المكينة




up 0 down 0
ابن علوش 127
قبل 4 سنه و 4 شهر



والله اللي قاعد يصير بالصناعية شي يغبن

بغوا يكلفونك بمكينه جديده والسبب مثل ماتفضلت شي بسيط

علشان كذا الواحد لما يدخل الصناعيه يمر اكثر من محل حتى يكون فيه شبه اتفاق على مشكلة...

موفق يابن علوش بس ياليت توصف لي اسم الورشه اذا ماعليك امر


up 1 down 0
راعي الفرررت 91
قبل 4 سنه و 4 شهر



الورشة بجدة ف المعارض 


up 0 down 0
ابن علوش 127
قبل 4 سنه و 4 شهر



وعليكم السلام ورحمة الله وبركاته

خلاصة الكلام لا تعتمد على تشخيص ورشة فقط
مر أكثر من ورشة ولا تستعجل وتخسر على الفاضي.

موضوع مفيد، شكراً لك +1


up 2 down 0
starting 1042
قبل 4 سنه و 4 شهر



المفروض يسونله لمبة زي اللاند من سنة ٩٨ موجودة لمبة صفرا T-belt


up 2 down 1
benz lover -83
قبل 4 سنه و 4 شهر



الله يعطيك العافيه يا اخوي الكريم ، فيك الخيرر .. بارك الله فيك


up 2 down 0
فخامه الكلمه 390
قبل 4 سنه و 4 شهر



ماشاءالله عليك موديل 2002 وتو يطلع هالصوت عندك

الله يعطيك خيرها ويصرف عنك شرها

انا السنة اللي طافت قبل رمضان بشهرين طلع نفس الصوت بسيارتي كورولا 2013 قير عادي

وكل فترة يزيد تدريجيا

سالت ناس هنا يقولون وجه قير او بودي قير واشياء ثانية مالها دخل بالصوت نهائيا

عموما

خويي معه نفس سيارتي بس اوتو وطلع عنده نفس الصوت وسافر عليها من جدة للشرقية وهناك الصوت مررررة واضح كان السبايك تتصافق في بعض

راح لورش هناك قالو له جيب شيال وجنزير وشداد وتكايات كلفته حول 1800 وكالة

كلمني قال الحق ع سيارتك لاتخرب اشياء ثانية

رحت الوكالة اخذت جنزير وشداد وتكايات ب 500 ريال

تركيب عند ورشة اعرفها ب 300 خلال يومين برمضان السنة اللي راحت

قبل رمضان السنة هذي طلع نفس الصوت

رحت اشتريت شداد فقط ب 50 ريال وكااالة

ركبته ب 100 ريال والحمدلله راح الصوت

فما ادري هل هو عيب مصنعي عندي او شي استهلاكي بسرعه والا وش فيه

يعني خلال سنه خرب

حتى المهندس استغرب قال المفروض اقل شي خمس سنين مايخرب

خويي نفس الشي الحين بدا عنده الصوت يطلع

لكن تكلفتها شداد فقط ب 50

الصوت عبارة عن غرغره اذا دعست شي بسيط يطلع واذا شديت ع السيارة يبدا يخف


up 3 down 0
coco13 895
قبل 4 سنه و 4 شهر



مدري بالمسبة للكورلا وش الوضع 
لكن انا شريت الكامري من واحد توهومغير لها مكينة ياباني ذاك الوقت عام 1431 شريت السيارة وهي ماشية 531الف نص مليون هههه
الحين ماشيه 680الف وتوه طلع الصوت لو فرضنا المكينة يوم شراها انه غير سير التيمن وهي ماشية 531 وطلع معي الصوت يوم مشت 680الف
يعني تقويبا الفترة اللي مشى فيها السير هي 150 الف
اشوف هذارعمره وحده لازم 150 على الاكثر يتم تغييره


up 1 down 0
ابن علوش 127
قبل 4 سنه و 4 شهر



ايش اسم الورشه؟
وعلى اي شارع ؟


up 0 down 0
hamad2481 -4
قبل 4 سنه و 4 شهر