لكل اللي محتار بين سيارتين
8
4
إضغط هنا للإخفاء
السلام عليكم ورحمة الله وبركاته
كتبت رد على أحد المواضيع اللي طرحها أحد الأعضاء وكان محتار بين سيارتين وبعد ما أرسلت الرد قلت ليش ما أكتبه
بموضوع مستقل يمكن تكونه فرصة مشاهدة الموضوع أعلى من مشاهدة الرد وحبيت أكتبه بتفصيل أكثر هنا
ويمكن أحد يستفيد من هالطريقة:
الكل منا يعرف ان توظيف الدين ثم العلم في المواضيع اللي نحتار فيها يومياً وتمر علينا باستمرار ينهي الصراع
اللي يتولد في نفس أي واحد وخصوصا اذا احتار في الاختيار بين موضوعين:
وفي مجال السيارات مثلاً واختيارها فمن ناحية الدين فهو شيء مباح ومافيه سيارة اذا اشتريتها عليك ذنب وسيارة ثانية
اذا اشتريتها تؤجر عليها الا اذا الواحد له نية بينه وبين نفسه فالله أعلم بما في القلوب، لذلك نتجه لمجال العلم.
ولكن أتكلم عن استخدام البحث العلمي وتجارب الآخرين في تحديد أو ترجيح شراء سيارة وترك أخرى، فحبيت أطرح
هالطريقة لعلها تفيد اللي ما جاء بباله من قبل انه يسوي هالطريقة ولو اني عارف انها برضه معروفه عند ناس كثير ومو بس
في مجال السيارات:
عموما خذ لك ورقة وقلم اقسم الورقة 3 أعمدة مثل الجدول، وفي العمود الأول اكتب الأشياء اللتي تهمك في أي سيارة مثل:
مواصفات السلامة والأمان بعد الله سبحانه
توفر القطع
أسعار القطع
تمكن الورش من تصليحها
العزل
تقييم الوكيل بشكل عام
الدفع الرباعي
موصافات الفخامة والرفاهية ( ممكن تكتب أكثر من ميزة تهمك تسردها تحت بعض )
ارتفاع السيارة عن الأرض ( وخصوصا مع شوارعنا )
جودة التكييف
عزم السيارة
استهلاك الوقود
سعر السيارة مقارنة بإمكانياتها ( تحط مثلا 100% اذا كان سعرها مناسب جدا وتقل النسبة حسب ارتفاع السعر مقارنة بالإمكانيات يعني مثلا سيارة سعرها ب 80 ألف وتشوفها أنت تستاهل 70 ألف يعني المفروض ناقص 10 الآف حط النسبة 90% )
تقييم المستخدمين ( هذي ممكن تبحث في منتديات متخصصة تعطيك نسبة معينة مبنية على استبيان )
طبعاً فيه نقاط كثيرة ممكن تضيفها وتختلف من اهتمام شخص الى آخر !
وبالعمود الثاني مثلا اكتب +1 أو -1 عند السيارة الأولى أو نسبة مثلاً 79% حسب نقطة المقارنة، والسيارة الثانية نفس الوضع
واجمع النقاط وشوف وين اللي تحصل على نقاط أكثر وبعدها توكل على الله وان شاء الله ماراح تندم بما أنك حرصت على الاختيار واقتنعت بالسيارة اللي وقع اختيارك عليها
طبعا نقطة مهمة وتجي قل هذا الأسلوب كله ( اللي هي الإستخارة ودعاء الله بتيسير السيارة اللي مكتوب لك فيها الخير )
وتذكروا ان السيارة مهما كانت فهي وسيلة وليست غاية وعرفنا ناس كثير استخدم سيارة وحدة عشرات السنين وماشية معه
وناس خلال سنوات قليلة استخدموا سيارات كثيرة وخساير مالها أول ولا تالي فيبقى توفيق الله وبركته فوق كل اعتبار وفوق كل
حرص واهتمام في اختيار السيارة.
والله يكفانا وياكم شر السيارات ويعطينا وياكم من خيرها
والله يقدر الجميع على استخدامها فيما يرضيه، تحياتي
إبلاغ
الردود
كان شرينا سيارات واحنا مرتاحين
لكن رائي الشخصي اهم الامان والسلامه
ثمن الاعتمادية للسيازة وارفع يدك
0
0
يعني انت حطيت في لاول الامان والسلامه
ومن يبحث عن الامان والسلامة ماراح يلقاها فسيارة عملية تتوفر قطعها وصيانتها سهلة مثل الياباني بشكل عام خصوصا تويوتا
فالامان والسلامة لازم تضحي بالعملانية وترضخ للقطع الغالية والصيانه المعقده مثل الفولفو والالماني
واذا تبي شي صيانته سهله وقطعه متوفره والوكيل فورعه فكل مكان فروح خذ تويوتا وانت مغمض لكن امان وسلامه ماحولك احد
لدرجة اني مصدوم يوم شفت تقري رعن الفكس ار 2016
حسب تجربة عرب جيتي تسعره فحدود 315 الف لكن الفرامل اسوء منها مافيه لدرجة انه لازم تنتبه لان قوة الفرامل ماتقدر تروض وزن السيارة وقوتها
فكيف سياره بهذا السعر واخرتها فرامل تعبانه حرام تندفع فيه والله لكن نقول سيارة عملية
حتى تجربة حسن كتبي للبرادو تكلم عن الفرامل وقال ضعيفه
لابد تختار شي وتضحي بشي
قبل 8 سنه و 5 شهر