المرور وما ادراك ما المرور ..

19 5

لايمكنك التصويت حتى الحصول على 20 نقطة على الأقل
إضغط هنا للإخفاء

أبو مششعل 266
قبل 7 سنه و 9 شهر

قدر الله علي وضاعت لوحتي .. كنت ماشي بالليل مع خط سريع وفجأة واجهت كفر ودعسته ثم وقفت في اول محطة وكانت بعيد شوي وماحصلت اللوحة

المهم رحت بلغت عنها وعطوني ورقة بلاغ فقدان
بعد فترة اسبوعين تقريبا جاتني قسيمة في جدة
ورحت مكتب ساهر وتبين لنا ان اللوحة مركبه على جمس
سويت اوراقي وراسلنا ساهر بجدة وقالوا انتظر ويلغونها


المهم قال لي عسكري تبي تريح راسك غير اللوحة مرة
لان هذا مركبها على جمس وكل شوي بيمغطك بقسيمة وكل شوي تراجعنا وتراسل ساهر ووو الخ

قلت تم .. رحت لشعبة الرخص قالوا ماعندنا مشكلة بس هات خطاب من الهيئة المرورية
رحت للهيئة المرورية قالوا ليش خطاب مايحتاج ارجع لهم وقول اسقطوا لوحاتي وغيروا لي جديدة لأنها مركبه ع سيارة ثانية (( بديت اتنرفز ))
رجعت لمدير شعبة الرخص قال لازم خطاب ان عندك مشكلة ولوحتك مركبه ع سيارة ثانيه عشان اقدر اسوي لك طلب ونغير لوحتك

المهم قفلت معي ورحت لمدير المرور بكبره .. شرحت له الموضوع وماقصر الرجال كان متجاوب معي وقال بس اكتب لي معروض واشرح لي وضعك كله فيه وجيبه وأنا بوقع عليه .. رحت كتبت معروض ورجعت له .. وقع وقال ارجع لمدير الهيئة المرورية ورجعت له شاف المعروض وقال الله انت لوحتك مركبه على سيارة ثانية (( يسوقها عشان شاف توقيع مدير المرور )) المهم ماحبيت انشبها قلت ايه مركبه وقال خلاص الحين اسوي خطاب .. لطعني ربع ساعة الا وهو ينادي رحت له وعطاني الخطاب
رجعت لمدير شعبة الرخص شاف الخطاب قال روح لفلان ووقع على الخطاب كتب اكمل اللازم .. رحت لفلان شاف الخطاب وأرسلني ايضا ع شخص اخر (( لاحظ ان الشغلة نرفزة بس ماحبيت اعصب وانكب الشغل كله ))
رحت لفلان نمبر 2 لقيت عنده زحمة انتظرت لين جاء دوري وشرحت له الحالة قال روح صور الفحص والهوية وعبي النموذج اسبتدال لوحات وتعال .. رحت وصورت وعبيت النموذج ورجعت وأحصل برضه زحمة وأمسك سرا لين جاء دوري
عطيته الاوراق قال هات الاستماره عطيته .. دبسها في الاوراق قال خلاص سدد الرسوم وبعدين روح للعقيد يوقعها وبعدين روح للحاسب الالي .. قلت رسوم ايش .. قال رسوم تغيير لوحات 250 ريال ..

المهم اخذت الاوراق وقفلت معي ومشيت لاسددت رسوم ولاشيء
يعني لوحتي مفقودة ومركبه على سيارة ثانية ومغطني بمخالفة والتفاتيش نشبوا لي كل شوي يوقفوني عشان اللوحة مافيه .. (( والله ان واحد مرة طلع المسدس يحسبني بنحاش ههههه حسسني اني ارهابي ))
وبرضه اسدد رسوم 250 ريال ؟؟؟؟؟؟؟



وفوق هذا كله تنتظر ساهر يحذف المخالفة منك ههههههههه لي الحين حول شهر وهي موجودة ما انحذفت
بالعربي الفصيح اذا انت حاقد ع شخص اسرق لوحته وامغط به قسايم عز الله ليتقروش قروشة مابعدها


الا اذا بيروح للمزاد ويشتري لوحة ويريح راسه
وعلى فكرة فكرت اروح المزاد لكن لازم تدفع 1000 ريال عشان تدخل المزاد
عموما الحمد لله اني فاضي والا لو مرتبط بعمل والا شيء كان يمكن انتحرت بسبب هالمرمطة

إبلاغ

الردود