أضف سؤال أو موضوع جديد          

ايهما افضل للبيجو تشليح أم بيع

up 4 down 2
sweet lifr 16
قبل 5 سنه و 2 شهر



السلام عليكم ورحمة الله وبركاته

اخواني الكرام ارغب بإستشارتكم في موضوع حول تشليح سيارة تعمل

قدر الله وشاء ان اخذت سيارة ايجار منتهي بالتمليك من البنك الأهلي التجاري، والسيارة عي بيجو 3008 موديل 2012
اخدتها بسنتها ومن اخذتها كل شوي مشكلة ولان عملي بعيد عن الوكالة اضطريت اصلحها بورش متخصصة بالفرنسي وزي ماانتم عارفين الورش هاذي تنعد على الاصابع عشان كذا هي غالية وللاسف خرجت من الضمان
السيارة خرابتها كثير وحتى الان اربع سنوات وثلاث شهور صرفت عليها مالايقل عن 20الف ريال اصلاحات وقطع غيار غير القطع الاستهلاكية واخر شي غيرت التوريبو بحوالي 9 الاف ريال قبل سنة من الوكالة والشي اللي يزعل ان الوكالة شغلهم سيء جدا حتى ماعرفوا يربطو ليات التوريبو بشكل جيد مما سبب تهريب في التوريبو اضطررت لتغير ليات جديدة وهي بالورشة الان

الزبدة ان كل ما اصلح شي يرجع يخرب شي ثاني وانا الصراحه عفت منها وماودي اجدد استمارتها عشان لا اصلح القزاز والصدام الان حيكلفني حول الثلاث الاف وانا ماعندي استعداد ادفع ريال اضافي عليها

فأيش تنصحوني اشلحها؟ واذا شلحتها كم ممكن تجيب وهي ماشية حول ال 180 الف كم ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ليش ما تبيعها وتدور لك سيارة ثانية


up 4 down 0
aliyy-2010 242
قبل 5 سنه و 2 شهر



الله يعينك و يصبرك

جداً مؤمن بشيء اسمه قوة السياره من قوة وكيلها ،،  البيجو و الستروين و الرينو و السيات و غيرها من السيارات الفرنسيه و الاسبانيه ضعيفه عندنا وكذلك وكلائها ،،

+1


up 6 down 1
panamira 1906
قبل 5 سنه و 2 شهر



انا ان شاءالله ناوي على سيارة ثانية بس لسا ماني مستعجل عليها


up 3 down 0
sweet lifr 16
قبل 5 سنه و 2 شهر



ليش تشليح لاهي مصدومه ولا تالفه اعلن عنها بحالته وان شاء الله تلقى مشترى واحتمال انها تاخذ وقت فقط


up 3 down 0
هاتف1 118
قبل 5 سنه و 2 شهر



لا تستعجل البيجو لها زباين والله يوفقك +1 لايك للجميع


up 2 down 0
هاتف1 118
قبل 5 سنه و 2 شهر



انت الحين ما تبغا تبيعها عشان ما تجددها صح

اسمع صورها وعرضها بالموقع وشوف كم تجيب

وروح التشليح وعرضها عليهم وشوف كم تجيب


اذا الفرق كبير جددها وامنها وبيعها

واذا السعر واحد بيع تشليح


up 3 down 0
usopp 326
قبل 5 سنه و 2 شهر



طيب ليه ماتبيعها من دون تجديد عن طريق المعقبين يجدد لك الاستملره
من دون الفحص
وتفهم المشتري


up 3 down 0
d7ooom777 391
قبل 5 سنه و 2 شهر



تقدر تجدد وتنقل بدون فحص

جددت سيارتين ونقلتهم بدون فحص

التجديد ارخص شي حصلت ب٣٨٠
النقل غالي حدود ١٠٠٠
وسمعت ان فيه مكاتب تفحصها لك بدون ما تصلح شي ومو متاكد منهم


up 2 down 0
abuomarr 225
قبل 5 سنه و 2 شهر



ياراعي السياره الحل اللي اشوفه وحيد الحين سياره اقساط 
وبأسم البنك والسياره عليها تأمين شامل بالنسبه للتنازل محد 
بياخذها دام انها سياره ورش واذا بترجعها راح تدفع رسوم 
واظن 20 بالميه من قيمه السياره ريح راسك واقشع فيها واتلفها 


up 5 down 1
20092009 20
قبل 5 سنه و 2 شهر



اعرضها والله يسهل امورك ( ما اقدر اسوي لايك ناقصني نقطنين فقط )


up 4 down 2
هاتف1 118
قبل 5 سنه و 2 شهر



ردودكم رائعة واحسنتم ماقصرتم يا اخواني
وجزاكم الله خير

كان ودي اسوي لكل شخص لايك بس ما اقدر عشان نقاطي


up 1 down 0
sweet lifr 16
قبل 5 سنه و 2 شهر



السلام عليكم . اخي ايش سويت في السياره . ابغى استشيرك لاني عندي نفس السياره



up 0 down 0
ابوعبدالله البحراوي
قبل 3 سنه و 7 شهر