ماهو افضل كفر صيني للسيارات الصغيرة

انا مجرب نوع اسمه cst sahara ممتاز جدا الطقم جنط17 اخذته ب750 وشفت كثير فوردات وجيوب مركبينه

عندك ديرو وجينيو وكندا تقريبا هاذي المعروضه والممتازه
والمتعارف عليها وطبعا ضمانها سنه وممتازه جدا 

NEXT ممتازه مركبها ع الفورد وكل ويكند وانا مسافر عليها من الاحساء للرياض والكفرات لها ٦شهور معي زي الفل

ويست ليك ممتازة

A3 او AAA لها معي فوق السنتين و ماشاء الله ممتازة . 

انا مركب طقم للاكسنت قالي البنشري اللحين رخص الكفر اول الصيني في160
والكوري 220 وفوق
اللحين هانكوك كوري150
الصيني120
 الهانكوك يجي صيني اندنوسي كوري وهو الافضل
حسب كلام البنشري
واضمن من الصيني

شيئين بالسياره لاتستهين فيهما ولاتدور الا الجوده التصنيع وهما الفرامل والاطارات


والتساهل فيهما قد يؤدي الى عواقب وخيمه ليس لك فقط !!

بل لمرتادي الطريق ..



نصيحه ابتعد عن الاطارات الصينيه فليس هناك اغلى من الروح ..

صحيح ان اسعارهم رخيصه ومغريه جدا بالمقارنه بمنافسينهم !
لكن لو فكرت فيها ستجد انك لو زدت شويه عليهم بمبلغ بسيط ستحصل على اطارات افضل جوده وستبقى معك لسنتين.

وانا اتكلم عن الاطارات الكوريه نوع هانكوك ..


في معادله بسيطه اطار صيني للسياره دفع الرباعي قيمتها 400 ريال

وستعيش معاك بالكثير من 6 شهور الى 1 سنه

وستضطر انك تبدلها مره اخرى وستدفع 400 ريال

اي خلال سنتين ستدفع 800 ريال ..

اما الاطار الكوري هانكوك ستدفع له 600 ريال لسياره الدفع الرباعي
وستعيش معاك سنتين بالراحه


وهذي من تجربه على عدة سيارات مع الاستخدام الشاق


تقبلوا تحياتي/ الثامنه مع داوود

sailun
مقاس 215/60R16
جنط كامري
السعر 140﷼ للكفر الواحد

من تجربة جينيو هادئ ولين

أيضًا جميع المواصفات A

عندك سايلون ممتاز له قريب السنة معي 
والله تمتير خطوط غير طبيعي  و ماشاء الله صامل 
عيبه فقط القساوة و هذي في اغلب الكفر الصيني 

و لو استخدامك شاق و خطوط اغلب الكفر سواء صيني او غيره حده سنة او اكثر شوي 

جربت 
كاريرا كد سنتين ونص 
و
جينيو بطل
وجنينيو نقشة ثانية بطل وما يفحط كثير
ونوع ثاني شريته من محطه ع خط سفر قبل سنه جنط 17 ب 250 اسمه بحرف الT صيني 
بس ناسي وش اسمه بالزبط وكان كويس
وانا رجال راعي خطوط 
ادرس بالدوادمي واهلي بالرياض واسبوعيا 700+ كيلو خطوط

جزاكم الله خير يا هالوجيه الطيبة ماقصرتوا الله يسعدكم ، ابدور كوري يمكن يكون افضل لي

بعض الكفرات الصينيه جودتها عاليه لانه مايسمح لها بدخول 
الميناء الا بناءا على هذي المواصفات. لكن قد يجد البعض طرق 
لادخال بعض الكفرات اللي جودتها تكون سيئه. 

اخوي بعض الأنواع ردي مره  والأجواء نار وانا. اخوك يعني انتبه خذ شي مضمون وبتوفيق لك اخوي 

تلاقي اندنوسي او تايلندي 
بنفس سعر الصيني 

انا مركب نوع تايلندي اضن اسمه بريسا او حاجه زي كذا
الجنط 16/60/225 لكزس 
وطلع علي سعر الطقم 780 
وممتاز ناسبني افضل من هانكوك

وش احسن كفر صيني لددسن