أضف سؤال أو موضوع جديد          

لماذا تستخدم الشركات قير CVT

up 9 down 4
anosi 1428
قبل 4 سنه و 9 شهر



استخدمت الشركات في الفترة الأخيرة القير من نوع CVT 
وهذا القير فعليا بدون تروس وإنما مجرد سير داخلي وحتى لو وضع في القير تيبترونيك فيه 5 نمر أو 6 نمر وحتى 8 نمر فهي خدعة لا توجد تروس ولكن سير القير يثبت في مكان معين

وهو غير مكلف في الصناعة وحتى القير القير خفيف نوعا ماء
كذلك هذا النوع من القيور يوفر الوقود عند القيادة الهادئة فلا توجد نمر ، و يحافظ على مستوى ال RPM عدد دورات المحرك
كما أن هذا النوع من القيور عرضة للحرارة عند قيادته لوقت ومسافة طويله 

يفترض أن تكون السيارات الي قيرها CVT أرخص سعرا من السيارات القديمة 
ولكن أنتم على معرفة تامة بالوكلاء وجشعهم وطمعهم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شوف يا اخي الكريم
الحرارة ما صارت الا في سيارة وحده في جيل واحد اللي هي الالتيما و انحلت المشكلة من اربع سنين
و انت قلتها يحافظ على دورات RPM بمعنى ان دورات اقل يعني حرارة اقل من القير التقليدي
و القير هذا على سيارات كثيره و لا يعاني من الحرارة حتى لو تمشي بسرعه جنونية
و من امثلتها اللكزس GS450h الهايبرد مجربه على سرعات عالية و كان ممتاز
و ايضا الالتيما 2014 اربعه سلندر و اقدر اؤكد لك ان ما فيه حرارة زايده ابدا

و اما الاسعار اتوقع من الشركة المصنعه نفسها هي اللي تبي هامش ربح اكثر
و استخدموه بسبب القوانين الجديده في في الانبعاثات الضاره (لان استهلاك اقل من البنزين ابعاثات اقل )
و ايضا لان بعض الدول اللي عندها البنزين غالي دايم تلقى الناس يدورون السيارة الاقتصادية


up 10 down 0
5alaf 693
قبل 4 سنه و 9 شهر



و اضيف بعد معلوماتك المهمة
ان قير الCVT غير قابل للتوضيب و الاصلاح
يتم استبداله بالكامل و هذا من صالح انتاج الشركات من قطع الغيار
و يصل سعره جديد لثلث قيمة السيارة و اذا حصلت مستعمل ما تضمن نظافته


up 6 down 4
مثقف سيارات 1121
قبل 4 سنه و 9 شهر



كيف استخدام قير ال cvt 
في الطلعات والنزول  


up 3 down 0
بوسعد123 180
قبل 4 سنه و 9 شهر



يوم صارت مشكلة الحراره قالت الناس هذا نظام تامين ماعاد تسرع السيارة
الحين يوم انحلت المشكلة
صارو يقولون كانت مشكلة وتم حلها
يازين القير العادي والتبترونيك


up 6 down 13
شويخ من أرض مكناس 2824
قبل 4 سنه و 9 شهر



جربته على الاكورد 2015 للاسف مضيع العزم بقوه وماش تسمع الحنه ماترتاح, فزة الكامري بالتبترونيك وحتى بالتماتيك أقوى منها بصراحة....


up 4 down 0
acura 3755
قبل 4 سنه و 9 شهر



الأخ أبوسعد بالنسبة لإستخدام القير في الطلعات والنزول 
داخل القير فيه قطعة مخروطية الشكل ، يعني كبيرة من جهة وصغيرة من الجهة الأخرى 
والسير الي داخل القير يتثبت في المكان الي تريده في هذه القطعة المخروطية الشكل حسب برمجة الكمبيوتر للقير 
مثلا لو كان القير 5 نمر 
ووضعت القير في النمرة 3 فعليا راح يكون السير تقريبا مثبت في وسط القطعة المخروطية
أما لو وضعته في واحد راح يتثبت السير داخل القير  في بداية القطعة المخروطية
ولو وضعته في الخامس راح يكون السير في نهاية القطعة المخروطية

بالنسبة للشكل المخروطي فهو يشبه القمع تقريبا داخل القير




up 2 down 0
anosi 1428
قبل 4 سنه و 9 شهر



كل شي عن قير ال cvt في موضوعي موجود


up 2 down 0
ابواحمد.2007 2087
قبل 4 سنه و 9 شهر



اقتصادي ولاحرارة ولا مشاكل 
بس فيه عيب لايمكن توظيبه 
وسعره يعادل ثلث السيارة 
بتقول حافظ عليه نقول طيب بس تعرض لاضربة او خلل مصنعي
يعني راح تدفع ثلث سعر السيارة
ننتظر لعل هاالشركات اطلع حل ويحطون طريقة لاتوظيبه


up 0 down 0
باترول 2020 2624
قبل 4 سنه و 9 شهر



الcvt للاوتومتيك بس ولا العادي كمان ^^

صراحة انا من مؤيدين القير العادي متعة القيادة واقل اعطال


up 0 down 1
ryyan555 702
قبل 4 سنه و 9 شهر



سلام عليكم 
القير ال cvt له مميزات ومحاسن 
اقتصادي في الوقود 
المكينة مرتاحه انجربت اكسنت 1400 سي سي إيجار المكينه مرتاحه بشكل رهيب 
على 140 الاربي ام قبل 2 بتكه 
عيوبه حنة المكينة المزعجة 
ماينفع للاستخدام الرياضي 
اذاتعطل مايتوظب لأن مااحد يزبطه الاتغيره كمبليت 



up 1 down 0
صاحب الظل الطويل. -113
قبل 4 سنه و 9 شهر



القير هذا ميزته الوحيده بس انه مايرد نمره يعني في وقت المقاومات كويس مايضيع وقت عليك وهذا سبب سخيف لكن هذي الميزه اللي شفتها


up 0 down 0
فيصل طلال... 151
قبل 4 سنه و 9 شهر



اشوف الشعب مهتم بسالفة انه مايتوضب لو خبط على اساس ان القيور الثانية تتوضب زين من يوم تروح للورش يقولك غير قير احسن ويلهف عليك قيرك القديم


up 2 down 1
ابو ميس العمري 61
قبل 4 سنه و 9 شهر