تكمله موضوعي شراء شقه
3
2
إضغط هنا للإخفاء
السلام عليكم ورحمة الله وبركاته
قبل تقريبا ٣ اشهر او حولها كتبت موضوع وهو عباره عن قرار وبنفس الوقت استشاره
عن اني قررت اشتري شقه عن طريق البنك ..
طبعا كانت اغلب الردود ( انتظر لبعد رمضان وراح تنزل العقارات بسبب الرسوم ) !!!
والان احنا بعد رمضان ولاتغير شي بالعكس
بحكم اني ادور لي شقه من قبل فتره طويله
الاسعار زادت تقريبا ٥٠ الف الى ٧٠ الف
نفس الشقق ونفس المواقع .
فقررت باذن الله تعالى بدايه شهر ١١ اتوكل على الكريم واشتري شقه في
الدمام - حي النور - والى الان لم احدد اي شقه
تفاصيل العرض + مقارنه للايجار ولكم الحكم والاهم تعطوني ارائكم .
عرض الشقه عن طريق بنك الاهلي كالتالي :
سعر الشقه كاش ٥٠٠ الف ريال ( ٥ غرف + صاله + حوش )
نسبة فائده البنك ٣.٢ ( ثابته طول مده القسط ) وهالشي حلو وغير حلو لسببين : الاول لو نزلت النسبه السنه الجايه انت مظطرد تدفع ع النسبه الموقعه ( هذي ميزه سيئه )
لو زادت النسبه انت ماراح يزيد عليك شي ( هذي الميزه )
القسط ع ١٣ سنه = ١٥٦ شهر بقسط ثابت ( ٤٦٠٠ ) ريال
لو حبيت تترك القسط اول ٥ سنوات ٦٠٠٠ ريال راح يكون القسط باقي المده ( ٣٠٠٠ ريال )
الفائده تقريبا ٢٠٠ الف للبنك .
طبعا اذا الله متب لك العمر يصير ادفع في شي ملكي ولو صارت وفاه عيالي بيكون عندهم بيت ملك بدون تكمله الاقساط .
الان وانا مستاجر لي ٦ سنوات ايجاراتي بين ٢٠ الى ٢٥ الف
لو نحسبها ب ٢٣ الف المتوسط في ٦ سنوات = ١٣٨ الف ريال
ايجار ل ٦ سنوات !!!
وال ١٠ سنوات الي بتجي ٢٣٠ الف
يعني خلال ١٦ سنه انا دفعت ايجارات حدود ٣٩٠ الف
والنتيجه = لاملك ولا شي
ف وش رايكم يارجال ؟؟
طبعا الدوبلكسات بنفس القسط ولكن على ٢٣ سنه
وانا ابي اخلص الشقه في ١٣ سنه يعني وقت اقل
والسلام عليكم http://montada.haraj.com.sa/65050/ابي-اشتري-شقه-عن-طريق-البنك-ارائكم-يارجال-55/
اللي يبي يشوف الموضوع الاول يدخل ع اسمي او ينسخ الرابط
إبلاغ
الردود
اغلبها نظام استقبال تحت وفوق غرف نوم
واسعارها من ٧٠٠ الى ٩٠٠ ع حسب الحي والموقع
واللي بنظام دور وشقق ب مليون و١٠٠ وانت طالع
والبنك حده معي ٧٠٠
لا ان شاء الله الشقه اللي باخذها باخذ ضمان خطي ع السباكه ١٠ سنوات
والكهرباء
0
0
وثاني شي اذا صامل شف غير حي النور لانه لايوجد صرف الصحي
2
9
0
0
وقصدها اول خمس سنوات ٧٥٣ ريال وبعد خمس سنوات تقريبا
١٦٥٠
2
0
يعني ١٨٠ الف فايدتها ١١٠ الاف ؟ يعني تقريبا ٧٠٪ الفايده
وفين الشقه ذي اللي ب ١٨٠ الف
2
0
وقفت على ١٠ سنوات زيادة ؟
و الله ما تفرق ياخوك
انت كذا ولا كذا بتقعد تقسط و في النهاية شي ملك لك
لي الآن سنتين مستاجر ..
السنة الأولى كنت مستاجر ب ٢٣ ألف
السنة الثانية نقلت و استاجرت ب ٢٠ ألف
مجموع ما دفعته في الإيجار خلال ٢٤ شهر = ٤٣ ألف
لو نحسبها على ٥ سنوات [ ٢٠،٠٠٠ ريال خلال ٥ سنوات = ١٠٠،٠٠٠ ريال ]
١٠٠ ألف ريال ما طلعت وراها بنتيجة
بحسبة بسيطة ..
١٠٠ ألف تقسيم ٥ سنوات = كأني أدفع قسط شهري ١٧٠٠ ريال
و الله ما مثل الملك و أنا أخوك .. اعقلها و توكل
و رآيي لك تاخذ دوبلكس و الله يعوضك خير
3
0
اذا تقسط على شقه ملك
افصل من اجار
لاكن حاول بالدبلوكس اذا تقدر
ونوفق
0
0
عقارات الدمام نار اسعارها
واذا انت من اهل الدمام مالك حل غير هاالحل
واذا انت بعد فترةً نفرض تتقاعد ولك ديرة ترجع لها خذ بديرتك
الااساسية
طيب ماقلت لنا هل انت مقدم علا البنك العقاري
مع انه انتظار طويل
وباالتوفيق
1
0
الشي الثاني قبل تشتري شوفلك مكتب هندسي وأعيدها شوفلك مكتب هندسي محترم حتى لوكان غالي..
لانه بيعلمك البيت او الشقة اللي بتاخذها وش وضعها جيدة أو سيئة..
حي النور جيد نوعا ما..
لو تتشوف لك بحي الندى أو السمحانية إن شاءالله بتحصل ..
واستخير قبل كل شيء
1
0
حق الناس وجع راس ، اخوي اخد شقة تمليك تحت الانشاء
ونزل عليه بسعر طيب يعني في فرق بين الجاهز وتحت الانشاء
بس اهم شي تكون الشقة لها موقف خاص وخزان مستقل فوق وتحت وغرفة حارس،،،
لان الخزان المشترك بلشة ما منه فايدة
1
0
والان قرارك سليم ميه بالميه
ولاتزيد مدة القسط ل 23 تدري ليه
لان الاقساط متعبه وتكسر الظهر
وانت تبي قبل ماتتقاعد تكون مخلص الاقساط وعندك شقه ملك
وش الافضل شقه ملك بعد 13 سنة ولا بيت بعد صغير بعد 23 سنة
خذ 13 سنة وتوكل فشقه
بني ادم مايشبع ولايقنع
بحكم تقاعدك بعد 17 سنة يصير اخر 4 سنوات ماعليك اي قسط وفبيت ملك
وتقدر تعيش حياتك بدون اي ضغوطات ماديه وتشتري الي تبي
وخلال 13 سنة يكون راتبك زاد اقل شي الفين ريال
وقتها تقدر تفلها صح
تشتري سيارة تسافر راتبك كامل ماعاد فيه هموم تشيلها ابد لاسكن ولا راتب يطير
2
2
اذا الشقه ماراح تتأجر بقيمه القسط البنكي
او اجارك الحالي اقل من القسط الشهري فأنت خسران جزء من راتبك الشهري والجزء هذا هو 2683 لمدة 13 سنه
كثير يتحمس لسياره وياخذها بعدين يشوف فرق الراتب وان السياره في الاخير شي يوديه ويجيبه ويعرضها للتنازل بدون مقابل وانت بعد نفس الشي في الاخير مجرد سكن بقيمه شهريه لا تفكر هل هو باسمك ام لا
فكر في الناحيه الماديه نهاية كل شهر
السنه اللي راحت كم شهر صفالك من راتبك 2683 على جنب ؟؟!!
0
1
انت حسب حساب الجهه السلبيه
اما الايجابيات ماذكرتها لذلك طلع المشروع فاشل
ضغط 13 سنة وبعدها يرتاح طول حياته مع زيادة سنوية
ولا يجلس فالايجار كل شوي يرتفع وماتضمن بقائك لاي لحظه يقولك اطلع وتبداء معاناة البحث عن شقه وتكاليف نقل اثاث
وكل ريال تدفعه ماراح يعود عليك بالنفع
اما شقه 13 سنة كل ريال تدفعه راجع لك
محد يقولك اطلع بزوج ولدي
تضمن حالة الاستقرار التي تنعدم في الشقه ايجار
تضمن سكن لا اهلك بعد وفاتك اما الايجار فخل اهلك يدبرون انفسهم وانت عارف ماعاد احد يرحم لا ايتام ولا غيره كلن يبي فلوس
الموضوع يلزم دراسة الجانب السلبي والايجابي
ضغط 13 سنة مع مزايا لن تجدها في الايجار
او سكن ايحار مع راحه ماديه ضايعه وعدم استقرار؟؟
لو تشوف الحي عندي ماتصدق
فلل تبنى جديدة والناس جالسه تشتوي وتسكن وتاجر
1
0
اما من غير اهلها سكنت فيها 4 سنوات رجعت الرياض ارخص ايجارات ومعيشه وكل شي
اول راتبي مايغطيني لاخر الشهر والحين الحمد لله مكفيني وزود
بالنسبه لغرب الدمام حلو افضل من جهه الكورنيش والزحمه لكن مايمنع انك تمر على جهه المريكبات الجامعيين والاحياء اللي بالجنوب جهه طريق الخبر الدوحه
لاجل موقعها ممتاز من ناحيه سكن او عمل
بالنسبه لموضوع الاقساط اذا مبلغ 1000 او 15000 بيفرق عن قسط الشقه خذه اكثر خلال 13 سنه تقدر تشتري بها بيت ملك وتأجر الشقق
عيوب بالشقق 1- النظافه موجوده حتى تباع جميع الشقق ثم تبدأ تراكم المخلفات
2- الصيانه داخل الشقه احيانا تستلزم الشقق المجاوره فما تجد تعاون من ناحيه الدفع او فتح الشقه خاصه اذا كانت المشكله تهمك فقط
3- ضيق المواقف غير عن التدخين في الممرات واذا الواحد راحت زوجته جاب خوياه والباب فاتح وانواع الازعاج
4- احيانا تأجر الشقق على سعوديين او غير سعوديين ويجيك عدد اعلى من مساحة الشقه سواء من مواقف او استهلاك مياه ووو
5- ادري ان المياه متوفره لكن ابحث عن شقه بخزان علوي وسفلي لك انت فقط خاصه مع ارتفاع رسوم المياه ومااحد يدري بالمشاريع او الانقطاعات المستقبليه
7- الازعاااج انت انسان تتقبل او لا غالبا الشقق بيجيك اللي يزعجك او يرفع ضغطك بتصرفاته وو
8- تاكد من جو الشقه من ناحية الازعاج وعزل الاصوات والحراره ووو يعني مايمنع تجي باوقات مختلفه وبنفس الوقت داخل الشقه
وبالنهايه احذر جار السوء وترى الواحد يبلش في بيت موب شقه وحاول تاخذ شقه مأجره الغالب لاجل تعرف طبيعه السكان
بالتوفيق
3
0
بخصوص الاخ اللي يقول مافرقت 10 سنين زيادة
ترا الفرق بين 13 سنه و 23 سنه 70% زيادة في المدة
يعني تقريبا الضعف
اتوكل على الله ياخوي و خذ الشقه حتى فوائدها مقبولة
3
0
خاصتا وان الفائده هي 500000 ناقص 200000 فواد يعني 300000 ريال
يعني لو يجمع 2680 براحته بدون مالبنك يضغط عليه بعد 13 سنه يكون معاه 418000
اللي اقصده 4600 ناقص اجارك الشهري 1923 يطلع 2680 جمعها في حساب مستقل بعد 6 سنوات راح يكون معاك 192960 والشخص الاخر اللي اخذ القرض راح يكون مسدد نفس المبلغ فوائد فقط
0
1
0
0
عشان البيت يكون ارخص يعني المخططات الجديده الي لها مستقبل خذ فيها السياره تقرب المشاوير
0
0
اصلاً لو تحسبها كل شهر تدفع 4000 بالسنة 48 الف ريال يعني كأنك دافع أجار لكن هذي تصير ملك لك
توكل على الله واخذها بس بالاول شف الدبلكسات تراهي افضل مثل ماذكر اخوي خالد 3224
والاهم دور ع النظيف وتكون قاعدته قويه علشان بالمستقبل لما تجيك فلوس يمديك تبني دور ثالث
0
0
على الاقل تقدر تأجر دور ويخف عليك القسط
واذا كبروا العياال او بيتزوج واحد منهم(: يكون عند ابوه ساكن
بس خذها قاعده البيوت الجاهزه تقريبا كل شئ فيها تجاري
يعني السباك بيمر عليك كل فتره
وبروووك مقدم(:
قبل 8 سنه و 4 شهر