هل انوار ليد الواطي مخالفة لانظمة المرور

الفكتوريا والماركيز ما ينفع معها الا عدسات

بدون عدسات ماراح تستفيد من LED او الزنون واذيه لخلق الله ع غير سنع



من رأي ركب عدسات حتى لو ع نور عادي ( هالوجين) افضل من تركيب زنن او ليد بدون عدسات

انا شفت واحد مركبه بدون عدسات النور على يوكن
2008 وانت تعرف انوارهم مثل مثل 

وما شاء الله قويه .. وتنور الخط بشكل حلو.

الحين انوار LED اللي تنباع اغلبها فيها ميزة اسمها plug and play و معناها ( ركب و شغل )
ما يحتاج لها محولات و لا اي شيء

و ايضا لازم اعلمك انك ممكن تشتري الانوار و لا يكون اللي في بالك لأنه ممكن ان يتشتت النور بسبب انه بحاجه الى عدسات
و لكن انت جرب و نزل موضوع عن تجربتك لان المواضيع عن الليد للاسف قليلة


اما من ناحية المنع صدقني انه على حسب مزاج العسكري
حتى ممكن ما يدري انه ليد و يحسبه زينون

السالفه سالفه مزاج العسكري
انا مركب زينون ليا سنة ولا احد وقفني واعاطني مخالفة او اي شي
فأنت وحظك

هذي المشكلة راح يحسبه زينون العسكري .. 

انا اللي شفته على اليوكن مب مشتت .. يعني ما شاء الله
موزون ومثل ما قلت ركب وشغل يا 5alaf 

ياحبيبي ركب زينون ما يستهلك كهرباء ولا يصير للكهرب شي

مركب عاليارس بدون كتاوت والحمدلله الامور زينة لكن اللي
راكبة خط واحد لان نفس الشمعة تجي بستم يعني شمعة وحدة فيها العالي والواطي
فا ما ارتحت لمبتين زينون في شمعة وحدة

الزينون يسحب واط اكثر و غير ذلك يبطي في التحمية

عكس الليد فيليبس او اوسرام ...
تشتغل بدون تحمية 

وغير ذلك  .. انا بتوكل على الله و بشتريها.

توكل على الله وان شاء الله تزبط معاك ولا تواجه اي مشاكل
كم كلفك سعرها او كم سعر الطقم وايش النوع الي بتاخذه

قد ركبته ع الالنترا فيها عدسه
يارجل اداأها ضعيف الاصفر
أقوى منه

نصيحه مني لك لاتخسر فلوسك
ع الفاضي

نصيحة لوجه الله ابعد عن الليد ولاتخسر نفسك
اخوك مجرب اكثر من نوع ابتداءا من الرخيص وانتهاء باغلى الانواع من فيليبس
كلها جربتها على سيارتي الماركيز 2008
بكل حيادية سأذكر لك ماوجدته منها:
* تركيب مباشر بدون تجريح ولا ظفيرة
* اللون خيالي لدرجة 6000 كلفن خصوصا عالماركيز يعطي شكل جميل جدا بجانب لمبات السكن البرتقالية
* تعطيك كامل شدة الاضاءة بدون وقت للتحمية عكس الزينون
* اضاءتها لايمكن ان تأتي موزونة مهما حاولت بسبب تصميم اللمبة حيث ان مصدر الاضاءة فيها من جهتين فقط
* أيضا لنفس السبب أعلاه فإن الإنارة تكون مشتتة بشكل بشع
* امتداد الاضاءة قصير جدا على الطريق لكن تشوفه يعكس في اللوحات البعيدة 
* يؤذي كل الناس أمامك سواء كانوا مواجهين لك او بنفس اتجاهك وهذا الشيء أنا ما ارضاه لنفسي فضلا عن غيري
* اذا كانت اللمبة تحتوي على مروحة تبريد مدمجة فالصوت سيكون مزعج وأيضا ستنبعث حرارة رهيبة منها لدرجة أنه لايمكنك لمسها مباشرة

كنت بنزل موضوع عنها ورفعت لها فيديو عاليوتيوب وقارنتها بالزينون والعدسات لكن مرضت و ماقدرت اكتب الموضوع لحد الآن 
لكن بإذن الله الموضوع راح أنزله قريبا
اذا احتجت معلومات اكثر تواصل معي وابشر

بس المروحة للتبريد كيف تكون الحرارة شديدة

انت وش النوع اللي ماخذه .. 
وكيف مشتت .. انا شفته على يوكن 2008 مب مشتت وإضائة ممتازة.

والله انا نصحتك عن تجارب عديدة
خسرت على لمبات الليد فوق 1500 ريال وعطيتك عصارة هذه التجارب بشكل مختصر
اذا ودك تجرب الله يقويك في النهاية القرار لك

انا اللي حصلتها 350 ريال 
والرجال بيجيبها لي طلبيه واحد اعرفه 

حتى انا كل اللي اخذتها من خارج السعودية 
من الصين ومن امريكا

واذا تعرف أحد في الباحة ارسله لي واعطيه اللمبات مجانا عشان تجربها لأنها بصراحة كلها مرمية في المستودع ولاني مستفيد منها شي

الليد اللي يجيك من وكالتها قوية وادائها ممتاز
اما اللي تشتريه من السوق او مواقع النت كلها ضعيفة وماتنافس الزينون

الليد ماينفع للواطي ابداً مداااه قصير والنور مشتت ويعمي عالفاضي

نفس الليد هذا انا شاريه حول سنتين كلفني من برا 380 ريال طبعا افضل المواصفات في الليد نفس هذي بالضبط
مركبها على ددسن والنور ماشاء الله تمام ولا يجهر العالم جاي مضبوط

الان الليد فيه اربع اتجاهات بحيث مايكون مشتت كثير والاضاءة ممتازة

دور اربع اتجاهات ياغالي وربي يوفقك

اليد ممتاز افضل من الزنون