كيف اعديل مقاعد كاديلاك اسكاليد

الناس تدور الاسيات الملكية المفصولة وانت تبي توصلها !!!!! 

يابن الحلال لا تزعل علي بس المفصوله تضيع مساحه ما تخدم الا اذا عائلتك صغيره 

شوف التشاليح انسب حل تلاقي خصوصاً المواصفات السعوديه،،

لا مازعلت عليك وانا اخوك ولكن الناس كلها تدور الملكية ما احد يرغب المتصلة بتحصل طلبك ولكن صعب جدا لان موديل السيارة جديد

شف هذا موضوع ابو يزيد 000 
يمكن يفيدك 
http://gmc.montada.haraj.com.sa/31674/X-%D9%88%D8%A7%D9%84%D8%AD%D9%84-%D9%85%D8%B9-%D8%A7%D9%84%D9%85%D8%B1%D8%A7%D8%AA%D8%A8-%D8%A7%D9%84%D9%85%D9%81%D8%B5%D9%88%D9%84%D9%87-%D8%A7%D8%B4%D8%AA%D8%B1%D9%8A-%D9%85%D8%B1%D8%AA%D8%A8%D9%87-%D8%A8-2000-%D8%AA%D9%85-%D8%A7%D9%84%D8%AD%D9%84-X/

سبحان الله هالبنز لوفر مسوي فاهم ويفتي دايما من راسه
معروف أن
الناس تدور المتصلة عشان عوايلها وهذا عايش في الاحلام وملكية وماملكية

يااخي الرجال سئل سؤال محدد يبي الفايدة عندك حل للرجل ولا ماهو شرط ترد على كل المواضيع الله يصلح حالك

^^ شغل انوارك الله يهديك لا تصير مطفيها وماشي 

انا ابديت رأي عارفه من خلال خبرتي بالسيارات 

انت بردك وش أضفت شي مفيد للرجال ؟؟

في احد بشتري اسكاليد و يبي يحمل العائلة كلها
كان اشتريت يوكون 
هذي مواتر فخمة لرجال الاعمال يركب ورا ياخذ راحته
و مهو اي سواق يسوق فيه

المهم مالك الا التشليح
واحد قد سواها اذكر تجربته بالمنتدى لكن بموديل قديم

مالي خبره بس ما يمنع أشارك وانت تجرب يمكن تجي معك
جرب سيت السوبر بان او التاهو أتوقع تجي معك 99%

مالك الا التشليح وتاخذ المرتبه كامله وتركبها 
لكن 2015 بتكون صعبه تحصل نفس الموديل 
اطلبها من مواقع السيارات الامريكيه وبتحصلها ارخص من عندنا 

لا هنتو ع الردود يا شباب باشيك التشليح والوكاله 

اخوي w. Asa مشكور موضوع مفيد بس صعبه اخاف يلغي ضمان او شي 


بالنسبه للي مستغربين ترانا سعوديين ركبنا يوكون ولا اسكاليد نحب اللمه والله يحفظ عوايلنا وعوايلكم اعدادنا عاده كبيره وللعلم ترى اغلب اللي يشترون اسكاليد في السعوديه تكون متصله بس في الاخير حريه شخصيه ومساله احتياجات 

شاكر الجميع مرورهم 

لازم يركب قواعد بالوسط عشان يتحمل السيت اخوي معه جمس 2001 ملكي مفصول شاله وركب المتصل وانكسرت في اقل من شهر بسبب عدم وجود قاعدة اسفل المقعد الي بالنص يعني اعتقد يبغالك حداد

اذكر في اعلانات في موقع حراج ان بعض الاخوان يرغب في مثل اسياتك والعكس فحاول تحط اعلان وانتظر اسبوع او اثنين احتمال كبير تحصل احد يبي نفس المقاعد اللي عندك وبكذا تستبدلون كافه القطع اللي عنده باللي عندك . 

وانا بعد معي اسكاليد الكراسي منفصله واحيان اتمنى انها متصله اذا ركبوا معاي الاهل احس السياره على كبر حجمها ماتشيل عدد كبير