خطوات إعادة السيارة تأجير منتهي بالتمليك للبنك أو الشركة
20
6
إضغط هنا للإخفاء
﷽
السلام عليكم و رحمة الله و بركاته
مساكم الله بالخير
يمكن الأغلبية ما عنده خلفية عن الموضوع اللي بكتبه
و ما كتبته الا للإفادة و الإستفادة
موضوعي عن خطوات إرجاع السيارة التأجير منتخي بالتمليك للبنك أو الشركة ..
كثير مننا أول ما يتوظف ياخذ سيارة قيمتها مثلاً ١٨٠ ألف بالأقساط
و بعد فترة تبدأ ظروفه المادية تزيد و يضطر انه يتنازل عنها أو يرجعها
الأغلبية حاطين في بالهم ان السيارة لا يُمكن إرجاعها للبنك أو الشركة
و هذا الفكر خاطئ تماماً
بل تستطيع إرجاعها و بخطوات سأذكرها
و لكن ضع في الحسبان أنك الخاسر الأكبر أولاً و أخيراً
لنفترض انك شريت جينسس ٢٠١٦ رويال
بعد مراجعة البنك طلعت القيمة الإجمالية [ ٢٢٠ ألف ريال ] ..
عطيت الشركة دفعة أولى [ ٢٥ ألف ريال ] ..
القسط الشهري مثلاً [ ٢٢٠٠ ريال ] ..
قمت بسداد [ ١٠ أقساط ] مثلاً
٢٥ ألف [ دفعة أولى ]
١٠ أقساط * ٢٢٠٠ = ٢٢ ألف ريال
٢٢ ألف [ أقساط ] + ٢٥ ألف [ دفعة أولى ] = ٤٧ ألف
٢٢٠ ألف [ القيمة الإجمالية ] - ٤٧ ألف [ مجموع ما دفعته ] = ١٧٣ ألف [ المتبقي من قيمة السيارة ] ..
أول خطوة تروح للبنك و تطلب منهم طلب إرجاع ، يعطونك ورقة تعبي بياناتك اللي هي الهوية و تاريخ إستلام السيارة ... إلخ
و أخر الورقة يجيك مكتوب سبب الإرجاع اكتب زواج أو ظروف مادية ..
بعد ما تعبي الورقة و تسلمها للموظف يقول لك نراجع سجلك الإئتماني و نرد لك خبر بعد ٤٨ ساعة
إذا ما حصلوا عليك تعثر للسيارة أو لأي بنك في سمة يتصلون و يطلبون حضورك للبنك ..
ثاني خطوة .. بعد ما تروح البنك يرسلون معك مندوب لشيخ المعارض في منطقتك
تروحون له و يسعر لك القيمة الوسطية للسيارة في المعارض
يعني مثلاً جينسس سعرها في المعارض من [ ١٠٠ ألف ] لين [ ١٢٠ ألف ]
شيخ المعارض ياخذ القيمة الوسطية [ ١١٠ ألاف ] ..
طيب هنا شيخ المعارض سعرها ب ١١٠ ألاف
و المتبقي من قيمة السيارة [ ١٧٣ ألف ] ..
١٧٣ ألف - ١١٠ ألاف = ٦٣ ألف ..
المتبقي من قيمة السيارة [ ٦٣ ألف ] ..
المبلغ المتبقي اسمه [ الفارق ] ..
تدفعه للبنك [ كاش ] أو تقسطه على ٦ أشهر
بعد ما تسدد الفارق تاخذ مخالصة و تتوكل على ربك ..
حسابياً ..
٤٧ ألف [ مجموع ما دفعته ] + ٦٣ ألف [ الفارق ] = ١١٠ ألاف دفعتها للبنك
يعني انت دفعت للبنك [ ١١٠ ألاف ] و ما استفدت من السيارة أبداً
و البنك أخذ منك ١٠٠ ألف و سيارتك يقسطها في قسم المستعمل
يعني انت نفعت البنك مرتين و انت مغلوب على أمرك ..
نصيحة يا أخوان الواحد قبل ياخذ سيارة من البنك يحسب حسابه
و البنك كسبان منك كذا ولا كذا
لكن حرام تدفع لهم مبلغ و قدره و انت ما استفدت شي
حبيت أوضح لكم ذا الموضوع عشان الأغلبية يكونون على بينة و إطلاع
و أسأل الله انه يوفقني و إياكم لما فيه الخير
إبلاغ
سيارات للبيع
الردود
0
0
قبل 3 سنه و 7 شهر