أضف سؤال أو موضوع جديد          

خطوات إعادة السيارة تأجير منتهي بالتمليك للبنك أو الشركة

up 20 down 6
معلم مستجد 470
قبل 4 سنه و شهر



﷽ 
السلام عليكم و رحمة الله و بركاته 
مساكم الله بالخير 

يمكن الأغلبية ما عنده خلفية عن الموضوع اللي بكتبه
و ما كتبته الا للإفادة و الإستفادة
موضوعي عن خطوات إرجاع السيارة التأجير منتخي بالتمليك للبنك أو الشركة ..
كثير مننا أول ما يتوظف ياخذ سيارة قيمتها مثلاً ١٨٠ ألف بالأقساط
و بعد فترة تبدأ ظروفه المادية تزيد و يضطر انه يتنازل عنها أو يرجعها
الأغلبية حاطين في بالهم ان السيارة لا يُمكن إرجاعها للبنك أو الشركة
و هذا الفكر خاطئ تماماً
بل تستطيع إرجاعها و بخطوات سأذكرها
و لكن ضع في الحسبان أنك الخاسر الأكبر أولاً و أخيراً


لنفترض انك شريت جينسس ٢٠١٦ رويال
بعد مراجعة البنك طلعت القيمة الإجمالية [ ٢٢٠ ألف ريال ] ..
عطيت الشركة دفعة أولى [ ٢٥ ألف ريال ] ..
القسط الشهري مثلاً [ ٢٢٠٠ ريال ] ..
قمت بسداد [ ١٠ أقساط ] مثلاً
٢٥ ألف [ دفعة أولى ] 
١٠ أقساط * ٢٢٠٠ = ٢٢ ألف ريال
٢٢ ألف [ أقساط ] + ٢٥ ألف [ دفعة أولى ] = ٤٧ ألف
٢٢٠ ألف [ القيمة الإجمالية ] - ٤٧ ألف [ مجموع ما دفعته ] = ١٧٣ ألف [ المتبقي من قيمة السيارة ] ..

أول خطوة تروح للبنك و تطلب منهم طلب إرجاع ، يعطونك ورقة تعبي بياناتك اللي هي الهوية و تاريخ إستلام السيارة ... إلخ
و أخر الورقة يجيك مكتوب سبب الإرجاع اكتب زواج أو ظروف مادية ..
بعد ما تعبي الورقة و تسلمها للموظف يقول لك نراجع سجلك الإئتماني و نرد لك خبر بعد ٤٨ ساعة
إذا ما حصلوا عليك تعثر للسيارة أو لأي بنك في سمة يتصلون و يطلبون حضورك للبنك ..

ثاني خطوة .. بعد ما تروح البنك يرسلون معك مندوب لشيخ المعارض في منطقتك
تروحون له و يسعر لك القيمة الوسطية للسيارة في المعارض
يعني مثلاً جينسس سعرها في المعارض من [ ١٠٠ ألف ] لين [ ١٢٠ ألف ]
شيخ المعارض ياخذ القيمة الوسطية [ ١١٠ ألاف ] ..
طيب هنا شيخ المعارض سعرها ب ١١٠ ألاف
و المتبقي من قيمة السيارة [ ١٧٣ ألف ] ..
١٧٣ ألف - ١١٠ ألاف = ٦٣ ألف ..
المتبقي من قيمة السيارة [ ٦٣ ألف ] ..
المبلغ المتبقي اسمه [ الفارق ] ..
تدفعه للبنك [ كاش ] أو تقسطه على ٦ أشهر
بعد ما تسدد الفارق تاخذ مخالصة و تتوكل على ربك ..
حسابياً ..
٤٧ ألف [ مجموع ما دفعته ] + ٦٣ ألف [ الفارق ] = ١١٠ ألاف دفعتها للبنك
يعني انت دفعت للبنك [ ١١٠ ألاف ] و ما استفدت من السيارة أبداً
و البنك أخذ منك ١٠٠ ألف و سيارتك يقسطها في قسم المستعمل
يعني انت نفعت البنك مرتين و انت مغلوب على أمرك ..
نصيحة يا أخوان الواحد قبل ياخذ سيارة من البنك يحسب حسابه
و البنك كسبان منك كذا ولا كذا
لكن حرام تدفع لهم مبلغ و قدره و انت ما استفدت شي


حبيت أوضح لكم ذا الموضوع عشان الأغلبية يكونون على بينة و إطلاع
و أسأل الله انه يوفقني و إياكم لما فيه الخير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اول شي الحمدلله على السلامه اتوقع عادي علي
حسب وظع تامين السياره هم يقدرونها انه تالف او لا



up 0 down 0
كهرباء 6131
قبل 2 شهر و 4 أسبوع



كلامك غير صحيح راجع العقد هل مذكوره فيه هذي الاجراءات ام لا اذا ليست موجوده فانت لست ملزم بدفع القيمه السوقيه والمتعارف عليه عند بعض الشركات في حالة ارجاع السياره وانهاء العقد تدفع ٣ اقساط غرامه فسخ عقد + والكيلوات الزائد فقط واي أضرار بالسياره فحص ميجا وفيه بعض شركات مثل الراجحي مسجل في العقد عند إرجاع المركبه مثلا قسطها 1400 تصير عليك ايجارها لاول سنتين ٢٨٠٠ × عدد الشهور الي استخدمت فيها السياره+ الكيلو الزائد 75 هلله وفحص ميجا بالوكاله وتفسخ العقد


up 0 down 0
mohammed abrei
قبل 2 أسبوع و 2 يوم