أضف سؤال أو موضوع جديد          

طريقة وصول لشخص

up 23 down 1
dark end 243
قبل 9 سنه



السلام عليكم و رحمة الله و بركاته

اسعد الله يومكم

يا اخوان الموضوع باختصار

شخص شرى مني قطعة غيار لازيرا 2013 شمعات و كشافات

حول لي المبلغ كامل و ارسلتها له 

امس ارامكس كلموني انهم راح يرجعون الشحنه لأن محد استلمها

من يوم 14 ميلادي مرسلها يعني لها 11 يوم

و كلمت الرجال على جواله مقفل

ارسلت له على الواتس اب و يطلع عندي صح واحد بس 

ماودي يكون شي بذمتي و الى الان جواله مقفل من امس

وشلون اقدر اوصل لعنوانه لو اطلع له للدمام و اسلمه يد بيد ماهي مشكله اهم شي اوصل له







إبلاغ إبلاغ



الردود


ياليت كل الناس بمقدار أمانتك 
يشهد الله قليل من هم مثلك اليوم 

الأمانة حملها ثقيل 

ماعندي معلومة افيدك فيها لأني جاهل في هذا الموضوع 

الله يوفقك 


up 6 down 0
شيبة الحمد 1853
قبل 9 سنه



الله يكثر من امثالك



up 0 down 0
loody_23 365
قبل 9 سنه



كثر الله من امثالك الطيبه والله الكلام مهما ينكتب بحقك مايوفيك.
وبالنسبه ل الرجال اكيد عطاك اسمه كامل تقدر تبحث بنفس مدينته الدمام عن الاسم عن طريق حراج واعلان بالدمام
وشوف دخوله اخر مره متى ب موقع حراج ، والله يكون بالعون.


up 1 down 0
ahatrgl -17
قبل 9 سنه



اخوي الله يجزاك خير ما فيه الا انك تطلع اسمه عن طريق رقم الحساب اللي حول لك منه المبلغ و عن طريق الاسم تبحث عنه


up 1 down 0
ابو سليمان5 192
قبل 9 سنه



يمكن الرجال مسافر لكن خلها عندك لين يكلمك ثاني 


up 1 down 0
سمرمد 234
قبل 9 سنه



نصيحتي لك خلي الشحنة عندك لأن يمكن حصل ظرف للرجل اجبره يقفل جواله

لكن ارسل له sms ووتس أب واكيد اول ما يفتح جواله يلقى اتصالك ورسائلك وتكون بريت ذمتك

لكن المهم خلي شحنتك عندك وتأكد انها سليمة عشان ما ترسلها ثاني مره ويصير اشكالية .. ترى شركات البريد السريع احيانا يخمبقون

الله يسهل امورك ويعطيك على قد نيتك


up 0 down 0
الاحترافي 1441
قبل 9 سنه



دام كذا الموضوع امورك سهلة خذها منهم وخلها امانة عندك يمكن سافر برا بشكل طارئ بيرجع ومشكور على امانتك


up 0 down 0
benz lover -78
قبل 9 سنه



اذا ضميرك مأنبك رجع فلوسه على حسابه


up 1 down 1
د الحميد -26
قبل 9 سنه



ارجع حول الفلوس لنفس الحساب المرسل لك اكيد عندك رقم الحساب


up 2 down 0
ادميرال2002 233
قبل 9 سنه



دايما نقول الدنيا لسا بخير مدام فيه ناس مثلك
ولسا في ناس فيهم خير 


up 1 down 0



الله يجزاك خير   تصدق  انا صارلي  نفس القصة   

شريت من واحد اغراض وارسلها   وتعب الوالد وانشغلت معه ولا قدرت اخذها 


ورجعوها للمرسل  وسحب وقفل جواله حسبي الله عليه 


جرب حط رقمه في برامج معرفة صاحب الرقم 
ممكن يطلع لك اسمه ومقر عمله او شي يقربك منه 
او خلي القطعه عندك وحط الفلوس معها في مكان آمن في البيت 
الين تخليه فتره وتشوف عنه 
والله يجزاك كل خير 
وان شاء الله ان الشخص هو بخير بعد 
موفق 


up 0 down 0
turki-5 48
قبل 9 سنه



اللي يقول حول الفلوس نفس الحساب اللي حولها منه
يمكن يكون الحساب مو حسابه
اخوه او احد يقرب له
شف اسمه ف النمبر بوك اذا تطابق مع اسمه راعي الحساب حولها له
واحتفظ في صوره من الايصاب
لان الايصال نفسه كتابته تنمسح بعد اسبوع


up 1 down 0
fhaad 76
قبل 9 سنه



الاغراض عندي الان و بالنسبه للحساب هو حول لي من الاهلي
لحسابي ببنك ثاني و لابد الاسم ثلاثي علشان اودع له المبلغ 
بحسابه لو عرفته و اللي عندي الاسم ثنائي فقط


up 0 down 0
dark end 243
قبل 9 سنه



باقي في ناس تحول فلوس وبعدين يسوي زحمة


up 0 down 0
mfh2009 372
قبل 8 سنه و 12 شهر



اي والله ليت كل الناس مثلك

انا حولت له المبلغ وسحب علي وعطان بلوك بالواتس .. حسبي الله ونعم الوكيل

والمشرفين بالموقع ما عطون اي تواصل يفيدن .. عايشين بالهناء


up 0 down 0
متجر سليمان
قبل 8 سنه و 10 شهر