أضف سؤال أو موضوع جديد          

نقل ملكية سيارة

up 0 down 1
ولد الرياض 2010 753
قبل 4 سنه و 9 شهر



السلام عليكم ورحمة الله وبركاته"

اخواني سيارتي مسجلها باسم الوالد لان كان علي مخالفات اول وتسددت الحمد لله"

الان ابي انقلها باسمي ماهي الإجراءات اللازمة لذلك...!!

طبعا الاستمارة منتهية من قبل سنة وشهر تقريبا, الفحص منتهي, والتامين كذلك"

وهل المعارض يسوون الأشياء ذي كلها يعني يفحصون ويجددون ويأمنون وينقلونها؟؟

لانه مايمديني على الفحص الدوري بحكم دوامي الى بعد العصر"

وبالاخير تقريبا لو بخلي كل شيء على المعرض كم بيكلف الشغل كله؟؟

وجزاكم الله خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اذا الفحص منتهي لازم اما اذا انت بمدينه صغيره بدون فحص اما التجديد. والتأمين. هاذي عند المعرض وسلامتك 


up 2 down 0
سمرمد 234
قبل 4 سنه و 9 شهر



التأمين تقريبا 1000ريال  مع التجديد والنقل ممكن كلها 1400 


up 1 down 0
سمرمد 234
قبل 4 سنه و 9 شهر



افحصه السبت يفتحون ليش تخلي المعرض يفحصه لك ، انت تدري من بيسوق موترك من ذا العمال لو جاه شي قعدت تبكبك

ولو طلع معه شي فيذاك بيلفقه لك عشان ينجح ويفتك مهب فاضي يرجع مررة ثانية


هذا الراي واصلن ممكن يستقعدون لك ويطلبون اثبات ابوك بحكم انه المالك لذلك عطه اخوك يروح هو وابوك يفحصونه ويجون وانت ادرى بموترك عادي بينجح نظيف ولا منهبل


هذا الكلام


up 1 down 2
a.ibrahem 3167
قبل 4 سنه و 9 شهر



الفحص رح لهم السبت يفتحون وما يكلفك الا 70 ريال اذا اول مرة تفحصها او 30 ريال اذا تبي تجدد
وهذا موقعهم : http://www.mvpi.com.sa/ourteamwork.aspx
نقل الملكية : 250 الى 350 ريال
التأمين : من 1000 الى 1300 ريال
تجديد الاستمارة : هذي يبيلك تروح للمرور
وتجددها عن طريق ابشر بالكمبيوتر وتسدد بالبنك 150 ريال تجديد و100 ريال تطويف عن كل سنة
وتطبع البرنت وتروح لهم يطبعون لك الاستمارة الجديدة
او تروح لمكتب نقل الملكيات بالمعارض وينقلونها لك بدون فحص بس لازم الاستمارة تكون مجددة وتأمن جديد بس بياخذون زيادة عليك .



up 1 down 0
.. عبدالإله .. 419
قبل 4 سنه و 9 شهر



عليكم السلام ورحمة الله وبركاته,

انصحك و انصح الجميع لا تسلم سيارتك لأي احد علشان الفحص لو صديق او قريب عادي لكن الغريب, مثل المعرض لأ.

لأن ماتدري وش بيسوي لك فيها على راي المثل "جلد ماهو جلدك على الشوك جره" الافضل انك تروح تفحص السبت

يفتحون و تفحص السيارة بنفسك انت تسوقها للفحص احسن ما واحد لا تعرف اصله من فصله يسوقها لك.

و شكرا لكم.


up 0 down 0
بدر الباثفايندري 1122
قبل 4 سنه و 9 شهر