بالنسبة لتوطين قطاع الاتصالات

هم معليهم من تخصصك عليهم منك انت تبي تشغل فيه دورات  تخذها 

شكرا على الرد ولاكن من وين اقدم هل اقدم على وزارة العمل ؟

قطاع الاتصالات قصدك مكاتب stc وموبايلي والا تقصد قطاع حكومي؟

قصده محلات الجوال

اذا قصدك محلات الجوالات .. رح للمحل وقله وين صاحب المحل .. وقله ابي اتوظف عندكم فقط ويوظفونك على طول لأنهم يبون سعوده بأي طريقه عشان مكتب العمل يطب عليهم كل شوي وغرامات عليهم
اذا انت بالرياض رح لمحلات المرسلات تلاقيها فاضية اغلبها ويدورون اي سعودي يشتغل ..
والأفضل انك تبدأ معهم كموظف لمدة 3 شهور فقط تاخذ خبرة بالسوق وبعدها اطلع واستأجر منهم طاولة بـ 2000 ريال شهريا ً يعني 24 الف سنوي .. ودخلك حيكون من مبيعاتك ..
واللي فيها ربح اكثر شيء الجوالات المستخدمة والصيانة والاكسسوارات .. يعني شريت جوال ايفون قيمته بالسوق 1100 ريال انت تشتريه من 500 الى 800 ريال من البائع وتبيعه بـ 1100 ويصفى لك 300 ريال الى 600 ريال ربح من جوال واحد فقط .
والاكسسوارات تشتريها بريال وتبيعها بـ 30 ريال ! .. مثل لزقات الجوال القزاز تنباع بالجمله بريال الحبة وتبيعها من 25 الى 30 ريال ربح
ولكن اشتغل اول وخذ خبرة بالسوق وتعلم ويجيك راتب وبعدها اعمل حر ..

اي اقصد محلات الجوالات انا بالمدينة حاليا وسجلت بموقع ريادة وماعندي خبرة ولاكن شفت اعلان لهم بتويتر انهم يدعمون مشاريع صغيرة مع قرض 200 الف بدون فوائد
وش الافضل اقدم على محل جوالات واخذ خبرة ولا افتح مشروع بنفسي والله محتار اجيبونا ياهل الخبرة

للتسجيل بدورة صيانة الجوالات ويوجد دورات اخرى في اغلب المجالات طبعا الدورات من دروب
تابعة لوزارة العمل

تفضل الرابط

https://www.doroob.sa/ar/individuals/summerecamp

بالتوفيق

قدم على رياده ميزتهم يتابعون مشروعك لين ينجح لانك ماراح تسدد ان خسرت
ومشكلتهم يدققون في المشروع عشان يتأكدون انه ناجح ويشوفون خلفيتك عشان يشوفون انت صامل وتحب الدراهم ولا لا يعني يبون واحد عاطل فاهم في مشروعه ويحب الدراهم

اما التوطين فيه الدورات اللي تخرجك فني صيانه وتتوظف في المحلات المطالبه بالتوطين او المحل يوظفك صوره فقط يبي الفكه

السلام عليكم ورحمة الله وبركاته
أنا أحد موظفي المؤسسة العامة للتدريب التقني والمهني .. المقدمة للبرنامج
ادخل الرابط
http://www.tvtc.gov.sa/Arabic/Documents/Mobile/Index.html
لديك ثلاث خيارات:
1- التدريب المشترك .. وخاص باصحاب المحلات للدخول لطلب موظف مدرب
2- مركز الأعمال .. وخاص بأي مواطن يريد دورة صيانة أو مبيعات (مجانية)
3- معهد ريادة الأعمال الوطني .. وخاص بأي مواطن يريد دورة صيانة أو مبيعات بالإضافة للحصول على دعم مالي لبدء مشروعه

بالتوفيق...
لدى معهد ريادة الأعمال العديد من مشاريع الدعم
أحد المشاريع الناجحة .. لأحد خريجي الكلية التقنية تخصص كهرباء
طلب دعم مالي من ريادة .. الدعم يسلم على دفعات
أخذ 100 الف الأولى وفتح محل لبيع الأدوات الكهربائية مع بعض أدوات السباكة في مخطط جديد
أخذ 100 ألف الثانية كبر مساحة المحل بأخذ المحل المجاور واشترى دباب نقل وجاب أكياس اسمنت
وصار يوصل للعمائر اللي تحتاجه من كهرباء سباكة اسمنت بسيط
والناس مرتاحة معاه بالتلفون يطلبون .. تكون في دوامك يتصل عليك الكهربائي ناقصة لفة سلك
تتصل على السعودي يوصلها للعمارة والحساب بعدين

المهم لما وصل دور استلام 100الف الثالثة اعتذر من ريادة وقال اني مو بحاجتها مشروعي مكتمل ودخلي ممتاز

الحياة فرص .. وأكبر عائق للانسان هي (نفسه) وأضف عليها في هذا الزمان المحبطين ممن هم حولك

الله يوفقك

ي اخ
ريادة تقدم لك قرض وتساعدك في مشروعك
انت ماتفهم بالشغلة هذي جرب شغل المحلات توظف اقل شيء
كم شهر تفهم الاسعار واسعار الجملة والصيانه وتشوف رغبات المشترين
اكثر شيء يجذبهم بعدين اطلع لريادة وافلح
وللمعلوميه ريادة بتمعطك شهر ونص تقريبا دوره كل يوم 4 ساعات

قطاع الاتصالات صعب ومعقد
المنافسين كُثر (عمالة أجنبية - شركات للمبيعات والصيانة)
سوق متغير بشكل يومي
يا إنك تبدأ العمل في محل حتى تفهم الصنعة ومداخلها ومخارجها وبعدها توكل على الله

عموما أفضل من يفهم سوقنا (للأسف) هم العمالة
إجلس مع عمالة (كهربائي - سباك - جوالات- مطابخ ..ممتازة.. وغيرهم)
وشوف السوق ولو قدرت تعمل في النشاط اللي بتفتح فيه مشروع فترة بسيطة يكون ممتاز

المطابخ .. تقدر تفتح محل بيع ألواح ومفصلات واكسسورات .. وغيرها