ترخيص كراج لتعديل السيارات

بالرياض والدمام والقصيم موجودين بكثره تعديل فلاتر اقزوز برمجه وكل قطع التعديل عندهم ونشاطهم الوحيد التعديل فاتوقع الرخصه مسجل فيها النشاط لانهم على شوارع رئيسيه واماكن موب بالدس


لكن انتبه وانا اخوك العالم تبحث عن الاقتصاديه وبطاقة كفاءة الطاقه وووو الوضع يمكن يرتفع البنزين بعدها مااحد يبي لاتعديل ولاغيره

الله يعطيك العافيه انا بتبوك وتقريبا ماعندنا كراج تعديل وحاب افتح واحد بدال القعده وعندي بعض الشباب فاهمين بالامور ذي 
بس اهم شي الشغله تكون مجديه ماديا 

نص العالم فاتحه ورش تعديل ع اساس انه ورش سيارات
توكل ع الله واشتغل هالشغلة 
والله الله بالشغل النظيف .. الي بيعدل موتره
تلاقي نص اخوياه حقين تعديل واذا موتره طلع بدون مشاكل ومستواه زين بيطلع لك سيط بالشارع والكل بيجي عليك
وتعامل مع المبرمجين الي موجودين بمنطقتك وامورك ان شاء الله تمام 
مثلا بعد ما يجيك زبون وتركب له كام تقدم له خدمه برمجه تشغيل عشان ما يقوم يطفي عليه الموتر 
وكذا يعني .. منها شغل لك وشغل للمبرمج 
بالتوفيق

واحرص ع الشغل النظيف والعدة الممتازة 
وادوات الشد الصحيحه واذا بتدخل بالتوضيب تعامل مع افضل مخرطه بالمنطقه حتى لو الاسعار اغلى 
ترا بتريح راسك من مشاكل مع الزباين
وشغله ثانية 
احرص ع انك ما تضغط نفسك بالوقت مع الزباين 
من واقع تجربه .. ترانا ما نحب مواترنا تطول بالورشة مثلا توعدني الموتر يخلص باسبوع ويقعد اسبوعين تلاقي الزبون مطنقر وحالته حاله خخخ
هذا الي عندي 
الله يكتب لك الي فيه الخير

الله يسعددك باذن الله هاذا الي بيسيير 

الترخيص ماهو مشكله

المشكله من اللي بيشتغل
واذا عمال من اللي بيكون مشرف عالعمل هل انت فاضي تداوم في المحل 6 ساعات او 9 ولك خلق كل يوم 5 ايام بالاسبوع ؟؟ اذا لا من اللي بيسوي الشي هذا تظمن استمراره ولا بيسحب
فاهم في كل الشغله ولا بيتعلم؟ راتبه يخارج اذا طلعت المبيعات ضعيفة ؟؟

الاجار لمدة سنه كيف يتدبر اذا المبيعات ضعيفة اوالمحل يسحب فلوس كل شهر ؟؟