أضف سؤال أو موضوع جديد          

اول موضوع لي استفسار عن الكزس 460 وملاحظاه على الموقع

up 6 down 22
صاحب الظل الطويل. -113
قبل 4 سنه و 9 شهر



السلام عليكم ورحمة الله وبركاته 
مساكم الله بالخير جميع 
هذي اول مشاركة لي وهي موضوعين في واحد 
الأول إحدى السلبيات الي اشوفها في الموقع 
ياخوان المفروض كل سياره راعيها يحط حدها يقول ابغى فيها كذا كذا 
ليش الموقع مايحط خانة السعر وإذا مايكتب فيها ماينزل إعلانه 
والله طفشونا بعضهم يقوللك على السوم والناس تبداء واحد يحط سعر تحت وواحد فوق 
وكل مااحد سام قال نطلب من الله الزود 10 الف نطلب من الله الزود 100الف نطلب من الله الزود تعطية 200 الف برضه نطلب من الله الزود 
هذول اول شي غالبا سياراتهم نظيفه ويتحكم على كيفه مب كيفه على مزاجه لأن عارف سيارته بيجي واحد نفسه فيها وبياخذها 
ياخي رايح العالم وحد السياره تتابع السومات واحيانا تزيد على سوماتك في ناس تكون مستعجلة تبغى تخلص وهو ببرود لأن عارف سيارته 
ياخي مافيها شي قول ابغى كذا أن شاءالله ريال ولامليون ماحد جابرك تبيع 
واخرتها تضغط عليها ومتابعة اسبوع ويطلع حده عالي مره واشغللك وضيع وقت العالم 
مادري تتفقون معي في هذا الموضوع ولا لا؟
___________________________________
الموضوع الثاني معليش نزلته في نفس الموضوع 
المهم ..
اناخاطري في الكزس 460 موديلات 2007 أو 2008 إلى 2009 
وش رايكم في السياره من ناحية الأعطال اناادري أن الكزس جودة 
لكن متخوف شوي من قدم الموديل 
كيف مستخدمين الموديلات هذي من ناحية الصيانه والأعطال والراحه في الطريق 
ودمتم في رعاية الله..
اخوكم في الله ابوسعود..
والسلام خير الختام 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام

احسنت الأختيار ياابو سعود ال460 من اكثر السيارات الي تجذبني خصوصا ال12 وتحت

لي زميل مدمن LS ومايشتري غير 430 موديلات 05 و04 و03 وياخذها بأسعار غالية مرة وسألته ليش ماتاخذ الشكل الجديد يقول الجديد فيه عيب الاي بي اس فقط

ولاادري كم يكلف ولادخلت معه بالتفاصيل لكن عرفت ان القديم ارغب واكثر صبرا

انت شوف اسأل عن الاي بي اس كم يكلف وامورك بالسليم


up 1 down 2
عربة للسيارات 1665
قبل 4 سنه و 9 شهر



الله يسلمك شاكر مشاركتك 
فعلت هو abs عيب في السياره وإذا خرب في الوكاله سعره مع التركيب 9000الف ريال 
وإذا خرب معاه الدنمو حق الجهاز يكلف كله 11 الف فقشه والله 
انا جربت ls400 اشتريتها عام 1424 استخدمتها 5سنوات ممتازه جدا 
بس غربلتني حاجتين الدنمو الكهرب والمكيف بس يخرب كل سنه 
لكن عشان كنت اصلحه بقطع مستعملة 
الحين يارب للك الحمد حتى يرضى الأمور أزين من اول بس مومعناته كل بعد شوي داخله طالعه من الورشة ههههه 


up 3 down 3
صاحب الظل الطويل. -113
قبل 4 سنه و 9 شهر



يارب توفيقك +ابوعبدالله = تصالحو انفداكم 
1+ لايك لكم 


up 2 down 1
صاحب الظل الطويل. -113
قبل 4 سنه و 9 شهر



السيارة تخدم و فيها جودة ما اختلفنا 
بس انصحك تمر محل قطع غيار و تسأل عن القطع الاستهلاكيه 
بعدها شوف اذا يناسب ميزانيتك خذها 
ترا قطعها نااار و انت بتاخذ موديل له حول 7 سنين اكيد بيخرب و بتصلح 





up 1 down 0
shadowz33 1097
قبل 4 سنه و 9 شهر



اللي يفرق سوم ١٠٠٠٠ ماهو بصامل داخل يخرب بس 

اللكزس ٤٦٠ يبيله فحص ماقد شفت نظيف الا ماندررررر مكروووف 


up 1 down 1
benz lover -77
قبل 4 سنه و 9 شهر



معي واحد من الربع8. 460
اذا مامعك ميزانيه لاتاخذه قطعه غاليه وتبي واحد مليان


up 3 down 0
امير الاصيل 1714
قبل 4 سنه و 9 شهر



فر منها فرارك من الاسد زميلي ماشية 100 الف وهبلت فيه الدودة جابت له الفقر سطحة رايحة وسطحة جايه وتشليح وبرمجة وباعها وشرى فورد جديد مساعدات الهيدروليك الخلفيه 7000 ريال راتب موضف على المرتبه السابعة


up 1 down 1
بريق الرياض 258
قبل 4 سنه و 9 شهر



الموديلات اللي قلت عليها انت فيها اكثر من عيب مصنعي ومن موديل 

10 وفوق تلافوا العيوب تدريجيا ... صحيح تحصلها رخيصة 

لكن العيب فيها كبير مثل abs وجلد المقصات .. والرساوة مش ولا بد ولا تتقارن ب430 


up 2 down 1
الصمت كبرياء 328
قبل 4 سنه و 9 شهر



ليش ES 350 ماهي مرغوبه مع ان سعرها مقبول و 6 سلندر استخدمتها في احدى دول الخليج

http://www.lexus.com.sa/AR/Default.aspx

هل فيها عيوب او غير مرغوبه فقط

+1 لايك للجميع


up 1 down 0
هاتف1 118
قبل 4 سنه و 9 شهر



مشاكل الـ٤٦٠ المتداوله
جهاز الاي بي سي = سعره مستخدم مايقارب ٥٠٠٠
الامبلي فاير تبع الصوت = سعره مستخدم مايقارب ٢٧٠٠
جلد المقصات صناعه تركيه = تقريبا ١٦٠٠
بجميع الاحوال انت وحظك يمكن تاخذها ويكون راعيها غيرها
ويمكن ماغيرها وتمشي معاك الامور


up 3 down 0
سعد ابوعبدالله 741 1
قبل 4 سنه و 9 شهر



بإختصار . . . . على قد فلوسك اختر نوع سيارتك . . . .


up 1 down 0
خارج الوسط الرياضي 102
قبل 4 سنه و 9 شهر



كلام مقنع لني فكرة فيه احتمال تأخذ سياره مغير الجهاز واحتمال لا واكيد بيخرب في وقت ما 
70% شكلي بصرف نظر لأن الموديل له دوره والمبلغ موقليل إذا حول 70 الف ممكن تتعطل أعطال في سنتين تكلفك مبلغ عالي وعلى موديل قديم 
كنت قبلها افكر في الفئه الخامسه مبلغ أقل من 100الف يجيبللك 2014 ماشي أقل من 50الف هي أقل جوده لكن السياره شبه جديده 
الله يكتب الي فيه الخير ومشكورين جميعا على آرائكم ومشاركتكم


up 0 down 1
صاحب الظل الطويل. -113
قبل 4 سنه و 9 شهر



الموضوع الاول والله انك صادق ياليت يحطون سعر وخلاص مثل المواقع في قطر والامارات تشوف السعر ان جاز لك والا دور غيره 

اما الثاني فانصحك ابعد لان النظيف نادر وعاده بيكون غالي شوف لك تورس وكاله سعرها ب ٨٠ الف تريح راسك من الورش والقلق وكل شوي انت خاسر على السياره 


up 1 down 0
abofarah 1081
قبل 4 سنه و 9 شهر



الاخ هاتف 1
350 لكزس بالنسبة للمديل الجديد اعرف اكثر من شخص جربها يذمها وسعرها مبالغ فيه واللي سعرها معقول 4 سلندر اذا تقصد المديلات السابقة حصلت على اسوء اختبار تصادم للاسف شكلها حلو وشبابي وجربتها لايعلى عليها عيبها الخف الافالون كلت الجو عليها مع احد ازملاء باعها بعد ما علقت عليه الدواسة وسلمه ربي


up 0 down 0
بريق الرياض 258
قبل 4 سنه و 9 شهر



جلددددددددد المقصات والابي اس 
اسال اي احد قوله إذا مهدي السرعه ولمست الفرامل تطلع طقه قويه تحت تنرزف 
مالها حل غيرها أكثر من مره ونفس العله والرساوه ماش 


up 0 down 0
d7o0omiy
قبل 4 سنه و 9 شهر



الرساوة مش ولا بد اجل هههههههه


up 0 down 1
عيد العايد 135
قبل 4 سنه و 9 شهر