الرجال محتاجكم

الله يشفيه ويرزقه ويرزقنا من واسع فضله 
ليه مايكتب هو في المنتدى وأهل الخير واجد 
واحذرو من النصابين تراهم واجد 

السلام عليكم 

انا ابو نواف الي ارسلت للاخ معالم التقنية 
ويعلم الله اني محتاج ولا انا نصاب 
عيال الحرام ماخلو لعيال الحلال شي 
والي يسال عن ليه مانزلت 
السبب نقاط المنتدى 

وجزاكم الله خير 

ابشر بالسعد يا ابو نواف

الرجل هذا يحتاج للمساعده لأنه كلمته قبل كذا وسعيت له لكن الواحد مابيده شي اويقدر يضغط عالناس الي عندهم موضوعه 
هو كلمني قبل كذا عن المساعده الي بي 150 الف 
طلبت منه تقرير وتقريرك اعتقد من الحرس الوطني 
وعرضته على استشاري في مركز التأهيل للأسف مايقبلون إلا الإعاقات الي فوق المتوسطه شبه مقعد 
وحتى مايقدر يمشونه لأنه يدخل التقرير في الجهاز وتجي الموافقه هومايقدر يسوي اي شي فقط يدخل التقرير للأسف والموافقة تجي حسب النظام من الجهاز نفسه لايرفعه لجهات أخرى ولاشي 
سامحنا يابونواف سعينا لكن ماباليد حيلة 

ياصاحب الظل
للاسف الواسطه فوق كل شي تشق الارض شق سواء فيه جهاز ونظام ولا لا
مافيه شي الجهاز ماقبل التقرير
انا شغال فمستشفى وكنت شغال على قبول المرضى

اقسم بالله تجي حالات الاستشاري يرفضها بحجة لايوجد اي اضافات طبيه او اي سبب
وتحيك واسطه تشق الارض وتقولك اقبل الحاله غصب عن الاستشاري وتحتها اسمه والاستشاري مايقدر يتكلم

غير حالات العلاج فالخارج برضه فيها واسطات حتى لو علاج متوفر هنا فالي له واسطه يطلع يتعالج برا اذا يبي حسب واسطته

وافتكر شيخ قبيلة فلانيه كان فااحد المشتشفيات وحالته ماتستدعي النقل لكن نقلوه لان له واسطه وحطوه بعد فغرفه خاصه ولا بعد الرجال يمشي!!!
كله عشان شيخ فلاني يقولون كيف ينوم فمستشفى صغير!!
امور كثيره فيها تلاعب وماغير دعاوي المرضى تجي علينا
لحد مانقلت من هالقسم ورحت المستودعات ولو انه نقص من راتبي 1000 لكن طز
ولا اجلس اطير فالناس المستحقه للعلاج وابدي ناس عليهم ومن ترك شيئا لله عوضه الله خير منه والله ييسر امري وامركم وامر المحتاجين

ياشويخ كلامك صحيح 
موضوع الواسطه في المستشفى يقدر يقدم الموعد بعد اسبوع او اقل 
يقدر يدخل على الاستشاري على طول ويقدر يتنوم ويقدر ويقدر هذا معروف 
لكن انااتكلم عن مركز التأهيل الاجتماعي ومساعدة 150 الف 
هذي لازم لها تقرير لحاله صعبه اعاقه مثلا دائمه اوشبه دائمه 
ونظامها كيف يختلف عن المستشفيات يدخل التقرير في الجهاز وفيه شروط معينه إذا طابقة على طول تجي الموافقه فهمت علي 
يعني لايرفع لجهات أخرى ولاشي الموافقه من نفس الجهاز تجي وانا متاكد من النقطه ذي لأن الموضوع فيه فلوس مبلغ 150الف 
وصدقني ماتتكلم إلا من ثقه لأن الأخصائي رحيمي وهويدخل التقارير بنفسه وهذا النظام المعتمد 
لدرجة في ناس قاعده تتحايل يقلون له جيب الموافقه وذلك نص المبلغ 
طبعا رفض لأنه شي حرام مافي شك واكل بالباطل 
غير كذا اصلا مايقدر يسوي اي شي لازم التقرير يرفع زي ماهو وبسكنير 
النقطه الوحيده الي ممكن يتم التلاعب فيها من الدكتور يكتب حالة المريض بشكل يعرف انه راح تجي الموافقه  وطبعا هذاكله مايجوز 
الرجل الشريف النزيه لايقبل ذلك اطلاقا 

ودي لو اقدر اساعدك الواحد يبي الاجر والثواب :(

يابو نواف صَل صلاه اخر الليل وادع ربك وبإذن الله تفرج

كلنا أبا نواف سر يا ابا نواف ونحن خلفك

مساكم الله بالخير 
o_o

كل شي واسطة
جمعيات خيرية واسطة
ضمان احتماعي واسطة
مستشفيات واسطة 
وضايف واسطة 
محاكم بلديات جميع الدواير الحكومية واسطة 
اذا ماتعرف احد اجلس لين ياكلك التراب 
والى الله المشتكى
والله يفك كربتك يابو نواف

اخ ابو نواف 
اللي فهمته ان مشكلتك في وسيلة النقل 
تواصل معي وان شا الله تتيسر امورك

تواصلت معاك وانتظر ردك 
( لا للغلاء )