استفسار عن شراء سيارة اقساط

ياغالي لاترهق نفسك بالأقساط
مد رجليك على قد لحافك مثل مايقولون
شوف موقع حراج فيه اعداد كبيرة عارضين سياراتهم للتنازل بسبب الالتزامات الكثيرة
الافضل تشوف سيارة كاش مستعملة بسعر مناسب ورخيص او اكسنت قسطها مايتجاوز 800 ريال
وفالك التوفيق.

ي صاحبي اصبر ع الدنيا لا تعسر ع عمرك ..3000 في هالوقت ماتسوي شي فمابالك اذا بتطلع سياره اقصاد .. خذ لك شي ع قد حالك الين ربي ييسرها عليك ويرزقك بوظيفه اطلق من هاذي وقتها طلع اللي تبي .. مجرد نصيحة

راتبك ٣٠٠٠ وتبي كادينزا وش فيك ياخوي !!!!!!!

اولا مارح يقبلون ثانيا قسطها اقل شي ١٤٠٠ يعني نص راتبك طار 

ليه يهمنا المظاهر يا اخوان وين عقولنا !؟

لو فرضنا انك ساكن مع اهلك وماعندك مصاريف يعني تقدر تسدد الاقساط
بس المشكله فشروط البنوك مايقبلو راتب 3000 وادخل علي موقع البنوك قسم الاقساط وشف شروطهم
لكن الحل الاخر تشوف احد اخوانك يطلع السياره باسمه وانت تسدد

يقولكم راتبه الاساسي 3000 يعني ممكن راتبه الاجمالي 7 الاف او اكثر

كل نصايحكم على العين والراس
بس يا شباب انا الحمدلله راتبي يكمل 5 الاف
والحين معايا سيارة كل فترة خراب ومتعبتني لا وكمان البنزين يوميا اقل شئ 20 ريال

وبالنسبة للرواتب شوفت في احد عروض البنك العربي يقبلو الرواتب من 2000 وفوق

شوف لك سياره تخدمك وايضا تقدر على صيانتها ،،

وركز على كلمة تخدمك وليست تخدمها

طيب راتبك علي بنك ايش؟

البنك الفرنسي
علما ان اغلب عروض البنوك التمويلية للسيارات من شروطها عدم تحويل الراتب

امير الاصيل
اخترت الكادينزا لسعرها مقابل المواصفات
وضمانها الاكثر من رائع 5 سنوات والكليوات مفتوحة

يا طيب لو اشتريت الكادينزا مثل ما انت مخطط هل تضمن الزمن 5 سنوات يا طيب لا هي سنة و لا سنتين ترى يجيك وقت و تقول لو ما أخذتها لو أني أخذت سيارة تناسب راتبي و وضعي
خذها من تجربة صديقي راتبه 12 الف و أخذ سيارة قسطها بحدود الـ 2200 ريال و أحيانا اشوفه يتأفف من القسط ... فما بالك و انت راتبك 5 الف ريال فقط

باذن الله ربك بيسرها

باين من موضوعك وردودك بالذات انك مقتنع قناعة تامة بالسياره. 
اشتريها ومبروك عليك سياره من تعبك وحلالك وعسى ربي يباركلك فيها وتتهنى فيها 

شف كان تبي نصيحتي انت وغيرك الي يبي يطلع اقساط
قص من راتيك قيمة القسط لمده 3اشهر اقل شئ وشف وضعك هل القسط ضغط عليك اوماضغط عليك

وهل الراتب يكفيك لنهاية الشهر من دون ضغوط بعدها انت تقدر تحكم انك تقدر على القسط او لا

واذا واالله مرتاح ولاصار عليك ضغوط ولاشئ خلال ال3اشهر قدم اوراقك للبنك والله يسر امرك

وعاد اول 3اشهر ماراح تسدد القسط من راتبك راح تسدده من الي خزنته اخر 3اشهر
قبل لاتطلع السياره يعني بترتاح خلال ذي الفتره

يالحبيب راجع ع موقع حراج( سيارت للانازل )وشوف
 كثير من اللي  يتنازلون يشتكون من الاعباء الماليه 
ورواتبهم طيبه فانت احسب حسابك ترا مصيرك زيهم 
4 او 6 شهور وانت عارضها تنازل......
 الا اذا كان عندك دخل ثاني الله يوفقك ويسرها لك 

ههههه (سيارات للتنازل)