اسعار السيارات المستعملة بين سندان الشريطي ومطرقة المعارض
9
5
إضغط هنا للإخفاء
السلام عليكم ورحمة الله وبركاتة
الملفت للنظر أسعار السيارات المستعملة والنزول القوي بقيمتها
الجمعة الماضية كنت ابحث عن جيب لاندكروزر وقلت بتمشى بالمعارض
علشان اعرف قيمة السيارة قبل اشتريها (السعر المقارب) أقصد لكن
الغريب بالأمر الفرق الكبير بين أسعار المعارض وبين أسعار الساحات
^جيب لكزس فل كامل اللون ابيض الموديل 2009 بصراحة نظيف لكن يوجد رش
بالباب الخلفي سعره بالساحة واقف على89 والبيع قريب والفحص بين البايع والمشتري
^جيب فكسار 2010 فل كامل واللون أبيض والسعر واصل 86
^أوريون سبورت 2013 اللون رمادي السعر واصل 37
^جيب جكسار موديل 2009 v8 شرط بدي ومحركات واصل 80
رغم النزول الحاصل الا ان بعض المعارض والشركات تتجاهل الرضوخ للحقيقة
بصراحة اي شخص يبي يشتري مستعمل ينتظر بعد شهرين الى ثلاثة اشهر وسوف نشاهد
الاسعار بإذن الله أقل من الحاصل اليوم ويعود السبب للركود وعزوف البعض عن الشراء
وأرتفاع اسعار التأمين (للشريطي) و(التاجر) اذا بيشتري باليوم سيارتين او ثلاثه
راح يخاف ويكابر على النزول
والجعة هذي اصبح النزول بالاسعار اقوى وفرق غير بسيط عن المعروض بالاسبوع الماضي
وعساهم من الحال واردى ان شاء الله
إبلاغ
الردود
12
1
4
1
البنات ملي البيوت تعدن عمر ال30
و الشباب معرضين عن الزواج
عدم رغبة او عدم قدرة مالية
و بعضهم لعاب محصل شي ما يحتاج زواج
و حتى الحفل اكثر الناس زواج عائلي باستراحة و خلصنا
كلن بيمشي اللي عنده و اللي يتشرط يقطع رزق بناته
5
1
4
1
واذا اتضح لي بالسيارة غير المذكور اكيد ماراح اسكت
وابين الحجة بالحجو
2
2
شف اسعار حراج هنا تقول في سويسرا مو السعودية
لا ويتعزز مقفل التعليقات
2
1
جيب فكسار 2010 فل كامل واللون أبيض والسعر واصل 86
السوم واصل 86 نقول لو امه راضيه عنه باعه ب100
كم قيمته جديد في ذاك الوقت
تقريبا 260 الف
يعني كم خسر
160 الف
خسارة ولا مش خسارة يا متعلمين يابتوع المدارس
المشكلة يجي واحد يستشير على سيارة قيمتها 80 الف يقولون له خذ تويوتا شيك بالجيب
ياخي لو يحرقها حرق ما خسر مثل الفكسار
6
3
كيف خساره؟
له اكثر من 6 سنوات موديل 2010 حنى في نهايه 2016 تقريبا 7 سنوات
قيمه الاستخدام من غير التصليحات والاعطال الي فيه
البيع ماهو خساره مدري من فين جايب هالفكره!!
1
4
والناس تسومها سومات معقوله وماهي بعيده عن حد البائع
فجأة يجيك واحد شاخخخخخط (شريطي) لو السوم واصل 20 يسوم 30
راعي السيارة المسكين على باله أن الرجال فعلاً شراي ويبدأ يحس أن اللي يردون على الشريطي أعداء ويبون يقطعون رزقه
وينتهي الإعلان بإنسحاب الشريطي بعد تخريب البيعه
والمسكين راعي السيارة ياكل في نفسه يحس الناس ملاعين خربوا عليه ههههههههههههههه
2
1
وتلاقي الواحد يحدث موضوعه كل شهر ثلاث مرات ومو لاقي الشراي (اللي مطفي النور) وينغش اعذروني ان قلت غش لانهم يحرجون على سياراتهم ويزاودون على انفسهم بمعرفاتهم الاخرى او معرفات حاشيتهم وشلتهم الموقرة
0
0
160 الف ماهي هينه ولا هي قيمة 7 سنوات
استعمال 7 سنوات يعني كان باليوم يدفع عليها 60 ريال
يعني كانه تاجرها ب60 وبعد 7 سنوات رجعها
1
1
1
2
مشكور على موضوعك ونزولك الى الساحة
والله مانتمنى الخسارة لأحد
لكن يهمنا السعر العادل وكشف جشع بعض الشريطية ومكابرتهم ورفع أسعار سياراتهم بشكل مبالغ فيه
وتجد مشتراه رخيص ومكسبة 10 الآف أو أكثر ؟؟؟
خصوصا فئة الجيوب .
قبل 7 سنه و 9 شهر