أضف سؤال أو موضوع جديد          

رأيكم بالفورتنر

up 6 down 9
لائق8 -45
قبل 2 سنه و شهر



السلام عليكم ورحمة الله وبركاته

ياخوان ابي رأيكم بالفورتنر 6 سلندر 2012 او 2013

اعرف بأنه سياره ماهي مريحه وانا هدفي سياراه اقتصاديه وقطغ غيارها رخيصه حتى يرزقنا الله ونشتري افضل منها .
ودي الي جربوا سياراه يفيدوني 

كم تعبون  بنزين فل الفورتنر 6 سلندر وكم يمشي من كيلو ؟

كيف عزم السياراه في البر ؟

كيف السياراه في السفر والمسافات الطويله ؟

علماً بأني من النادر اتجاوز 150 كيلو في السفر

وجزاكم الله خير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ماهي اقتصادية مافي جيب اقتصادي ياحبيبي ولكن المقابل عزمه حلو


up 3 down 4
benz lover -72
قبل 2 سنه و شهر



نهائيا مو اقتصادي الاربع سلندر يشرب البنزين شرب فما بالك الست 
غير مريح نهائيا و قاسي جدا 
عندنا برادو اللي هو اخوه الوالده ما عاد تركبه بسبب ظهرها و زادتها مراتب الجيب 
و ايضا في الخط اذا فيه هوا قوي تراه يلعب 

ميزته انه صبور جدا و قطعه معقولة و مرتفع و في البر الستة سلندر ممتاز


up 3 down 2
rraammooss 900
قبل 2 سنه و شهر



فل  بنزين احمر ب70 ريال يمشيك 400 كيلو الى 450

والعزم ممتاز جدآ يقوم على باترول فتك والباجيرو والبرادو 

وعزم السيارة في البر ممتاز جدآ نسم الكفرات وامشي بدون دبل ثقيل او خفيف 

ورساوة السيارة وسط بعد ال170 يبدأ يلعب اذا كان في هواء 

واالراحة غير الكفرات الى هانكوك وبتخف القساوة شوي

واسعار السته سلندر 12 او 13 او 14 من 60 الف الى 80 الف 
على حسب الموديل والنظافة 



up 3 down 5
t-m-d 431
قبل 2 سنه و شهر



موتر كفو بالبر. تجر والدي والدية ولا يقول لا
بنزين يشرب علئ حسب الرجل 

اما الراحل ماهو مريح ابد


up 0 down 2
جاي امس 408
قبل 2 سنه و شهر



الـ 4 سلندر فل التانك اخضر 45 ريال.

العزم ضعيف بالطلعات مثل الهدا تنزل الجير للغيار الثاني عشان تتطلع.

غير مريحة ابدًا، والعزل سئ حتى على 120 فقط.

نصيحة لا تجيب الـ 4 سلندر.


up 2 down 0
yahya koura 20
قبل 2 سنه و شهر



المشكلة مو فالصرفيه
المشكلة فالتانكي الصغير
الناس تقيس الصرفيه على كم يمشيك التانكي
يعني لو التانكي 20 لتر فل يمشيك 90 كيلو مثلا بيقولون يصرف ههههه

ياخي احسب كم لتر فل التانكي وشوف بعدين كم لتر يستهلك فالكيلو
التانكي لو كبير مايتحس انه يصرف
السياره حقت كرف وعدم اهتمام فالصيانه زيت وبنزين وامش

بس خذ 6 سلندر


up 2 down 1
شويخ من أرض مكناس 2813
قبل 2 سنه و شهر



أنا عندي 12 ستة سلندر أعبيه فل أحمر ب59 ريال فقط يمشيني في المدينة 460 كم وتولع اللمبة وباقي في عداد البنزين يمشي
حدود40 كم أما بالنسبة للخط ما قد جربته توي شاريه من شهر وبكره بإذن الله أمسك به خط من أبها إلى مكة


up 0 down 0
الفقير الى ربه 344
قبل 2 سنه و شهر



سيارة لابأس فيها حلوة للي على قد حاله بالنسبه للعزم يعجبك ال6 سرندل الراحه افضل من الهايلوكس لانه ورى ياي لكن خذ قير تماتيك كثير من اللي اشتروه قالو التماتيك افضل بالنسبه للبنزين التانكي نوعين بالهايلوكس صغير وكبير الصغير فل اخضر ب45 والكبير فل اخضر ب55 الى 57 فأكيد الفورتنر كبير لانه 6 سرندل ... وبالاخير الموتر لابأس به عملي ويخدمك وبالتوفيق للجميع


up 0 down 1
برق الحيا 88 593
قبل 2 سنه و شهر



معي 2010 6 سلندر عز الله موتر كاده كد ومايقول شي اما بالنسبة للراحه جيده بالنسبه لي لانه خفيف اذا حملته زادت الراحه والصرفية بصراحه على حسب رجلك لكن الفل يمشيك حول 450 خلاصة الكلام الموتر فالبر شيخ ويرقا مراقي مايطولها الفتك ولا الاند لان وزنه مساعده بقوة وفالخط حلو والله واهم شي استخير الله


سياره ميزتها في البيع فقط يعيبها سرعة الانقلاب ومرتفعه اكثر من اللازم


up 2 down 0
موسى عبدالله 1123 57
قبل 2 سنه و شهر