أفضل ميزان وتربيط في الرياض

عندك ميزان اليرمومك ممتاز ميزان الغضيب يارجل على سمعته كل ماودي سيارتي يحطون فيها عيوب الدينا كلها فيها

الله يعطيك العافيه , ان شاء الله بمر فرعهم الي في شارع عنيزه بس مدري عن اسعارهم 

معني ان الطاره مايله يعني تحتاج ميزان خلفي - وانت عند الميزان خليه يشيك علي المسمار اللي يربط المساعد بالهوب لو متأكل غيره بالمره وشوف موضوعي بخصوص وزنيه السياره 

بالنسبه للطاره طلع كل شي سليم بس فضاوة في الدوده يعني احيان تكون مايله شوي يمين واحيان يسار
وفي تموج في السيارة

وعندي صوت طقطقه من جهة الكفر يمين مع الحفر والطرق الغير مستويه وكنت متوقع انه صوت جلد مقصات من قبل افحص ، وفحصت عند اليرموك وقال ﻻزم تغير مقصات سفليه كامله ومسامير توازن

وفحصت عند البﻻد والدرع وقالو الموتر مافيه شي بس يحتاج كراسي مساعدات وسبق وتعطلت عندي الكراسي وصوتها ابدا مو كذا

وفي ميكانيكي قال بعد ﻻزم تتغير المقصات يقول الركب السفليه تعبانه وماتجي لحالها (السياره كابرس 2013)

رايكم ؟

والله احترنا

انا عندي مسحية في الكفرات الامامية من الجهة الداخلية

رحت اكثر من مركز للعضيب وكل واحد يعطيك تشخيص على كيف

اسوأ تشخيص يقول ( تحتاج سحب كمر + كبس سبلندر مدري ايش اول مرة اسمع فيه هذا )

واسهل تشخيص ( ماعندك شي بس روح غير كفرات )

للعلم الاول والثاني كلهم العضيب بس فرعين مختلفة اصدق ميييييين فيهم ؟؟

شكلي بخليها تمسح زي ماهي احسن من انو يلعبون فيها هالسباكين ويعمونها

والله مادري وش حلك كل واحد يعطيك من كيسه بس اليرموك انا مجربه ممتاز انت اشرط عليهم ذا مو تمام مادفع ريال اليرموك عندك ضمان شهر أي مشكله تجيهم بس كم سعرهم ؟؟ عندنا بالرياض اسعارهم حلوه مثلا ميزان اذرعه ومقصات 100 مع ضمان شهر

طيب حولكم معارض ؟قريبه شف محلات الفحص خله يفحص موترك كامل ممكن 100 ريال يعلمك بكل المشاكل هذا حل

الله يعطيكم العافيه

المشكله بسيطه ان شاء الله ، بس ورشتين قالو المقصات سليمه وورشتين قالو ﻻزم تتغير

بس اذا الركب تحتاج تغيير وماتجي اﻻ مع المقص مالها حل ثاني ؟