أضف سؤال أو موضوع جديد          

مشكلتي مع شركة الناغي وانترا 2016

up 6 down 4
a v a l o n 2184
قبل 5 سنه و 11 شهر



السلام عليكم ورحمة الله 

الموضوع هذا للفائده ولتبادل الاراء 


موضوعي هو كالتالي : 
عندي هونداي انترا ٢٠١٦ مطلعها من ( المجدوعي ) 
طبعا هذا وكيل هونداي بالشرقيه للي مايعرف .

طبعا حاليا متواجد في جده في اجازه 
وفجاه مكيف السياره ماعد يبرد نهائيا 
وديت السياره لكم ورش للكشف قلت ممكن المشكله بسيطه 
وكلهم اجمعوا على انه ( كمبروسر ) 

طبعا السياره ماشيه بالضبط ٢٢ الف كيلو ولها تقريبا ١١ شهر 

وديتها لفرع الناغي ( وكيل هونداي بجده ) ع اساس اذخلها بالضمان واصلح المشكله .

طبعا دخلت السياره للوكاله اغير زيت في ١٠ الاف كيلو فقط 
وباقي غيارات الزيت في بترومين 
فقط زيت وفلتر وبدون اي صيانه ثانيه بحكم ان السياره جديده واستخدامها قليل وداخل البلد 

طبعا الناغي ماقبل ادخل عند المهندس الا بعد حجز موعد وكان اقرب موعد ٨ ايام من تاريخ المشكله
انتظرت ٨ ايام ودخلت اليوم . 

طبعا اول عذر كان يبي يتعذر فيه الموظف بان السياره من وكيل ثاني !! وبعد المجادله وافق يشيك عليها 

تفجات الان بطلب مبلغ ١٢٠٠ ريال قيمه صيانه ١٠ الاف و ٢٥ الف بحجه انه يدخلها لي ع الضمان 
ومع المجادله يدعي بان صيانه ١٥ الف يكون فيها غسيل ثلاجه وتغيير فلتر مكيف وسعرها ١٢٠٠ ؟؟ 
طبعا تكلمت بالاوراق اللي معي وتعميم وزاره التجاره ورفض الموظف يحكم ماعنده صلاحيه
قال لي روح كلم المدير .. طبعا المدير غير موجود 

طبعا عطيته اوراق تثبت بان صيانه الانترا مافيها شي اسمه غسيل ثلاجه ع اي اساس ادفع 
قال عشان تدخل الضمان 
طيب وزاره التجاره تقول مو شرط ؟ قال عذي تعليمات الشركه
قلت له هل تعليمات الشركه فوق تعليمات الوزاره ؟ 
ماعطاني رد وتحجج بالتاخير . مع العلم مثل ماهو واضح بالصور مافي شي اسمه غسيل ثلاجه في جدول الصيانه ولو اجمع اسعار الصيانات من ٥ الاف ل ٢٠ الف ماتوصل ١٢٠٠ ريال
طبعا كلمت موظف التجاره وعطيته الموضوع كامل
قال اذا تغيير زيت في بترومين بنرفع لك شكوى وبيجيك حقك 
والان حجزت موعد جديد بعد ٦ ايام حتى اروح لهم ومعي الشكوى 


الموضوع قابل للتحديث 


واسف ع الاطاله 

وشكرا لكم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الهيونداي الى الآن لم تنجح في التكييف مشاكل الشركه في التكييف كثيره واغلب الكمبروسرات تغير على الضمان


up 15 down 7
موسى عبدالله 1123 61
قبل 5 سنه و 11 شهر



هيونداي عندهم مشكلة كبيرة بموضوع الوكيل, نحن ببلد كبير و كل الناس بتسافر بين الرياض و الدمام و جدة و المدينة المنورة و مكة المكرمة ماهو معقول اذا تعطلت سيارتي الجديدة وكيل المنطقة اللي انا موجود فيها ما يصلحها و يتحجج بالضمان ... لازم السيارة الجديدة تدخل الضمان حتى لو وكيل ثاني بمنطقة ما هو موجود الوكيل اللي تم الشراء من عنده و هالكلام لازم يتم عن طريق الدولة و الزام الوكلاء فيه بشكل اجباري


up 5 down 1
ayham73 659
قبل 5 سنه و 11 شهر



انا معاي هونداي والوكالة جنب بيتي ومع ذلك ما استفدت منهم

الحق يقال مافي زي عبداللطيف جميل في خدمات الضمان

والله فيه واحد معاه لاندكروز باقي 2000 كيلو على الضمان وصلحوا له قطع بقيمة 14 الف ريال بدون كيف وليش و لكاعة


up 11 down 5
almuhands 242
قبل 5 سنه و 11 شهر



ماله داعي تاخذ وتعطي، معهم في حق من حقوقك
اختصر على نفسك وحمل تطبيق بلاغ تجاري وارفع شكوى وبيجيك اتصال من الناغي
هذا اسرع طريقة بدون ماتدخل في جدال معهم

الصيانة المطلوبة هي فواتير، معتمدة بتغيير الزيت والسيفون فقط
ماعدا ذلك ماهو مطلوب منك


up 3 down 2
سلطان4040 1237
قبل 5 سنه و 11 شهر



عندي النترا 2015 مكيفها يضعف فالظهر
اخوي معه اكسنت خربت الثلاجة والحين ضرب الكمبرسر
اخوي الثاني معه توسكان 2013 ضرب الكمبرسر

لحد يقول سوء استخدام
قبل فتره نزل موضوع النترا وضرب الكمبرسر

الكوري مشاكله فالتكييف ماتوقف
الي يبي سياره يبعد الكوري ياخذ بديل
النترا عندك كورلا وهكذا


up 11 down 5
شويخ من أرض مكناس 2823
قبل 5 سنه و 11 شهر



الصدق ينقال مثل عبداللطيف بالصيانه ماتلقى 
اذكر واحد من اخوياي شرا كامري 12 
ماشيه حول ال 115 الف 
وفيها رجه لابدا الموتر يمشي 
ودخلنها عند عبداللطيف قال ذي برا الضمان ولا فيه شي يثبت انك
غيرت الزيوت لاعندنا ولا عند مراكز معتمده لكن ابشر نصلحها لك 
بشرط تدفع قيمة زيت القير قلنا تم 
وغيروا طنجرة القير وحاجات ثانيه مثل المقصات وطلع الموتر 
سليم مافيه اي مشكله 
هذا غير الاستقبال شاهي وقهوه وتعامل راقي لابعد الحدود 
وانا والله لامعي تويوتا وكره تويوتا كره بس بعد هاتعامل كبرت بعيني 



up 9 down 4
شمهرووش 120
قبل 5 سنه و 11 شهر



شمهروش 

كيف غيرت الوكاله الطنجره و المقصات و الموتر ماشي فوق 110الف
وما دفعتم غير سعر تغيير زيت القير 

هل يصلحون سيارات الشعب على حسابهم من قوه الكرم 

او ان خويك دافع قيمه الاصلاح وانت فاغر 

او انك قاعد تألف قصه من جيبك 


يا ليت توضح لنا 


up 7 down 10
abo a7md017 35
قبل 5 سنه و 11 شهر



ودك السيارات الكوريه تجلس مع سامسونج وLG ويسوون توليفه




up 4 down 2
راعي الفرررت 91
قبل 5 سنه و 11 شهر



ابواحمد اول شي انت الفاغر
ثاني شي هالكلام حصل قدامي 
كلمنا حق الاستقبال وقال بحاول بالمدير وان شاء الله يوفق ويدخلها على الضمان ومايصير خاطركم الا طيب 
وبالفعل طلع معنا مهندس اخذ فره معنا بالحاره وشاف الرجه 
ودخلوها الضمان 


up 3 down 3
شمهرووش 120
قبل 5 سنه و 11 شهر



كفو خش بعينهم ماعاد زي نظام اول لا قلت لهم وزاره التجاره يتقهقهون لانه اول التجاره ما تسوي شي وتماطل زي المرور واخر شي تسامح وتدفع
لكن الحين الوزاره جالده الوكلاء والمواطنين صارو اول باول شكاوي على اي شي سلمات يدفعك1200 ويقول تعليمات شركه



up 0 down 3
محمد حمدان هلال 19
قبل 5 سنه و 11 شهر



ههههههههههههههههههه


up 0 down 3
شويخ من أرض مكناس 2823
قبل 5 سنه و 11 شهر



اتوقع عيب بالموديل هاذا ماهو كل هونداي يامكناسي انا معي توكسان 2010 مستعمل واحسن مافيه مكيفه الظهر احيان اخليه على 1

واساسا معي موتر غيره واببيعه لكن ماستخدمه الا عشان المكيف مع موجه الحر الفتره هاذي


up 0 down 0
296
قبل 5 سنه و 11 شهر



التكييف في السيارات بشكل عام

أنت وحظك


up 1 down 0
almahdi0508 87
قبل 5 سنه و 11 شهر



شمهروش 

حدث العاقل بما لا يعقل ف ان صدقك فعلم ان لا عقل له 

انتهى يا فاغر


up 1 down 1
abo a7md017 35
قبل 5 سنه و 11 شهر



اما غسيل ثلاجه ع 15 الف. اول مره اسمعها ياحبيبي سيارتي دخلتها صيانة 20 الف والمكيف حلاوه اول ماطلعتها من الوكاله ما امداني اوصل اخر الشارع ولا ضرب الكمبروسر وديورلهم والعن خامسهم ودخلت السياره واخذت بديل
السياره النترا 2016


up 0 down 0
ابوعابد_1414 1201
قبل 5 سنه و 10 شهر



للمعلومه. الناغي والمجدوعي موجودين لهم فروع برياض بصناعية الدايري بجنب بعض كمان


up 0 down 0
ابوعابد_1414 1201
قبل 5 سنه و 10 شهر



معي هونداي النترا الوكيل الوعلان 
متى تكون الصيانة المجانيه 



up 0 down 0
abotalal2019
قبل 5 سنه و 9 شهر



بس كيف موظف التجارة يقولك مغير زيت في بترومين يسوي لك شكوى ،على حد علمي ان الضمان يسقط إذا ما كنت مواظب على جدول الصيانة الدورية 
تبغى الرأي وأنا اخوك والله بيضيع وقتك وأنت رايح جاي بينهم الشركة والتجارة . اشتكي الأم الكبيرة بكوريا

رابط مراسلة هونداي الشركه ( الأم) 

https://www.koreanbeast.com/koreanbeast42487

وهنا الشرح المفصل كيف ترسل رسالة لشركة هيونداي الام مباشره

https://www.koreanbeast.com/koreanbeast14815



up 0 down 0
ابو مشهور الشريف
قبل 2 سنه و 9 شهر