هل يمكن نقل ملكية سيارة لاسم شخص مهو المشتري ؟

وعليكم السلام
اذا كاش ابد يسويلك وكالة من كتابة العدل ولا تاخذ نص ساعه
وبعض المعارض اذا بتشتري من عندة مايطلب الا صورة اثبات اخوك
اهم شي يمشي البيعه لانك شاري من عندة
ماعندة مشكلة يسجلها باسم اخوك ابوك الوالدة
اما اذا بتشتري من برا المعرض يرفض لازم وكالة

السلام عليكم
نفس الاجرائات ما تختلف
فحص وتامين السياره والاستماره مجدده وما يكون عليه مخالفات ورسوم نقل الملكيه والمبايعه
واذا كان المستخدم غير المالك فالافضل يوسوي له تفويض قياده بعد نقل الملكيه

شكرا يا اخواني على المساعزة ، لكن لادم توكيل وانا بشتريها من شخص راس براس واخوي ما يمديه ييجي 

انت روح للمعارض وشوف وش يقولك
انا قبل سنه اشتريت لاخوي سيارة من مكه
ورفض ينقلها الا بحضورة او وكالة بعد حب الخشوم
وعدة محاولات وخليته يكلم اخوي جوال نقلها باسمه
فانت روح شوف اذا رفضوا يسويلك وكالة خاصه بيع وشراء
ويرسلها لك بريد ممتاز يومين وهي عندك

ارك اخوي الرفاعي تسلم تعبناك معانا ❤️

انا شريت سياره من مدينة ثانيه وارسلت لواحد من اخوياي صورة من بطاقة الاحوال ونقل السياره بأسمي بدون ما اكون موجود

اخي ماتحتاج وكالة ولا شي هذا شراء مو بيع

ولا حتى اخوك الثاني يحتاج يروح معك بس خد معك صورة بطاقته والفلوس والتأمين والفحص يكون جاهزين
والله يبارك له

اذا كان فيه اجراءت وشروط جديدة تستدعي وكالة حتى في الشراء
الله اعلم ماعندي علم

والله يا اخوي انه المشكلة لو السيارة بنفس مدينتي عادي لكني في الطائف والسيارة في جدة ما ودي اروح وعلى الفاضي 
في ناس قالولي اسأل المعارض الي عندك في الطايف 
وهم يفيدوك في ذا الموضوع وان شاء الله بكرا
انزل المعارض وشوف 
واشكر اي شخص دخل وكتب كومنت وفادني 
الله يسعدكم سعادة ابدية 

عادي
المكاتب بالنسيم يسوونها بمكالمة على اخوك بس
يسأله انت فلان ؟
رقم هويتك كم ؟
مولود وين ؟ وبعدها ينقل

بلا وكالة بلا هم
شرررط انك تكون اخوه

اما ماتقرب له راح يسوي الاتي
ينقل السيارة باسمة .. ثم .. يفوضك مستخدم فعلي ...

حسب نظام المرور لابد من حضور المشتري الا اذا كان صاحب المعرض يعرفك عادي ينقل الملكية مباشرة 

مع الرمز خلاص مايحتاج وكاله